Baverset oyo Eyebani Mpenza ewuti na Masese 2

Share

Pamba te Yawe nde apesaka bwanya, mpe maloba ya monoko na Ye epesaka mayele mpe bososoli.

Mwana na ngai, soki ondimi maloba na ngai mpe obateli kati na motema na yo mibeko na ngai ; soki opesi litoyi na yo na maloba ya bwanya mpe okabi motema na yo na makambo ya mayele ; soki obeleli mayele mpe ogangi epai ya bososoli ; soki oluki yango penza ndenge balukaka palata to bomengo oyo ebombama, okososola solo soki kotosa Yawe elakisi nini mpe okozwa boyebi ya Nzambe.

Abongiselaka bato ya sembo elonga mpe azali nguba ya bato oyo batambolaka na bosembo. Pamba te abatelaka bayengebene mpe nzela ya bato oyo batosaka Ye.

Pamba te bato ya sembo bakovanda na mokili, mpe bato oyo bazangi pamela bakotikala kati na yango ; kasi bato mabe bakokufa na mokili mpe bakolongola bango kati na mokili ya bato ya songisongi.

Bwanya ekobikisa yo lisusu liboso ya mwasi mopaya, liboso ya mwasi oyo atonda na maloba ya sukali, oyo akima mobali na ye ya bolenge mpe abosana boyokani oyo asalaki elongo na Nzambe na ye