Baverset oyo Eyebani Mpenza ewuti na Matɛhɛ 5

Share

Waa sẽ naaloho ndyan tar ma kataŋ cĩn n tã le na ye. Ah ndee pe ma le tar, pe ne le wra ta kããnkui na, mpãy byɛ pe ma nwoŋ wo, pe n cãã- yãã. Ye cãã- yai pe naa n yɛhɛ koo syi dyaŋ nawee- laam wo, pe n naa ye kayũhũ yãã, pe naa ye Tuhufua Yãhã sey ke kayũhũ wĩĩ na.»

Yii maha me tee ma mii cãã- dyaŋ driyɛ̃fa laam wo. Ye ma klo lii dyaŋ le fãã nii yãŋ yĩŋ na, wũhũsaha wee le na ye.

Mpãy pe laam ma gbɛgbɛ, poo wĩĩ n tãy Yãhã ye. Pe ga ba Yãhã yãã yĩnde ne.

Mpãy pe wãsroŋ kɛ mii fããfa dyaŋ pe digi kɛ, loho ne, poo wĩĩ n tãy Yãhã ye. Yãhã ga ba loo nde wãã pe kẽ.

Ndoo -sẽ ga ye yar: Ye tyii ye napĩĩ- ntãŋ n dye ye tãy; mpãy pe kapee- pye ye na, -ye naa Yãhã nar pe kẽ!

«Mpãy pe cã pe wee ngaa gɛ Yãhã ye ye, ma nii ke kɛ, poo wĩĩ n tãy Yãhã ye. Yãhã Yai ma poo wãŋ.

Mpãy pe n pai yrĩŋ yĩmbui ne, poo wĩĩ n tãy Yãhã ye. Yãhã ga ba naa poo yee ke pii.

Mpãy pe cã pe pyer sẽ yɔ̃ ye, le n nii pe fãy, poo wĩĩ n tãy Yãhã ye. Yãhã ga ba koho le pe ye.

Pe kapee- pye mpãy na pe sroŋ, ma yee pe tee pe troho tãhã Yãhã yor wo, poo wĩĩ n tãy Yãhã ye. Yãhã Yai ma poo wãŋ.

Mpãy pe pe nampyeŋ- fɛn di, poo wĩĩ n tãy Yãhã ye. Yãhã ga ba pe bya fɛn di.

Nawee- ma yee ye tee n taha ra na, ma nii ye tyɛhɛ, ma nii kapee- pye ye na, ma nii kawar fua n taha ye na, ma wãpee pãã ye wĩĩ na, ye wĩĩ n tãy Yãhã ye. -Ye naa nuhu di loo wĩĩ na, ye cã ye wĩĩ n tãy Yãhã ye. Yãhã ga ba ye dããn wãã ye kẽ yãhãyĩŋ na. Pe bii naa kapee- pye faale Yãhã kaplãŋ tɔ̃rfa na koo syi.»

Mpãy pe ma prafa, poo wĩĩ n tãy Yãhã ye. Pe ga ba kãntraha gaa ter yãã.

Yesu n maha yee: «Yii me tee ma mii tetege wãŋ syi dyaŋ driyɛ̃fa laam wo. Tetege ma sar, pe ga waha pye mii, pe ke ta ke n maha dur naa n tãy? Ke saha laa yɔ̃ nantãŋ ye. Pe ga ke kaha woo nkur ye, nawee- n tãhã naa n tɛr ke na.

Ye tyii ye laam n nii tãŋ gbɛgbɛ, ye pyer n maha yɔ̃ tãŋ ye Tuhufua Yãhã wãŋ syi dyaŋ!»

Lii ma pye cĩĩnde, -ye yee ‹ãwã›, lii ma yee le wee cĩĩnde ye, -ye yee ‹aye›! Kapãn laa ma taha loo na, sãndãpee yĩŋfua wĩĩ ne loo ne.

Ye faale wãlɛ kãnde laa maha nde: ‹Maʼa ra tee pye yĩnde na, ta bya, n ga ma tee pye yĩnde na. Maʼa ra tee pye nkãi na, ta bya, n ga ma tee pye nkãi na.› Ndoo -sẽ ga ye yar: Wii ma ye tee pye laa ne, ye ma syi ye le kafuɛ yi ye! Wii ma ma fey kãndigi kuɛ ndicĩĩ syi na, tyii u na u n maha ma fey taha kãmaŋ kuɛ ndicĩĩ na!

Ke syi ne, maʼa yãã ma yĩnde lii le yɔ̃, le ma kɛ wãleŋ ne kapee- wãpyeŋ wo, le loho yi, ma le miy wãã deydey! Ma kadye teele nen laa ya ma yee le wee ye, koo puar ma kadye kur byɛ n ba miy le wãã naa laam wo, naa gii wãfegeyãã wee ke na ye. Ke ma pye ma kãndigi koho gɛ ke ma kɛ wãleŋ ne kapee- wãpyeŋ wo, ke cɛr kãã, ma ke miy wãã deydey! Ma ma koho neŋ ya yãã ke wee ye, koo puar ma ba ka ma kadye kur byɛ ne naa fla wo.