Baverset oyo Eyebani Mpenza ewuti na Mathai 2

Share

Bälung kähae lä ingthung-a kung ea äby hai änä-awi Maeri bung nung ö dy. Tupyng-a äni ce lä nade maw-a bü kha cäphaw ö dy. Tukha äni ce lä äma ce üng tengtae pä-awng kha ävang ting saite lasawng mätho dy. Äni ce lä sui, mura näsaite rimui hai dingrawng na bung py pa ö dy.

Isu lä Judae khö Bethlehem märü-a aepeng dy. Honi kätü-a Herodae lä sanphrang vi. Isu aepeng pyng-a käni käse mang üng bälungkähae na Jerusalem märü-a tyng ö dy. Äni ce ma “Judae na üng sanphrang sa hethang aepeng te nade lä ma-a mei. Kai ce lä käni käse mang-a äni üng tengpaw nung ö vi. Äni tea cäphaw hethang ly te” näkha khimi ce tea düng ö dy.

Äni ce sanphrang lo thai pyng ea äma ce üng lolang kätyng ly ö dy. Käni käse mang üng tengpaw lä äni ce üng maw-a ly te nung vi dy. Äni ce lä tengpaw bung nung te kätü-a anghawtho phi ö vi dy. Honi tengpaw lä nade awng saite mityng-a aehae pa by vi.

Sanphrang Herodae te mang vawi haile y hethang aemang thung-a Säthaw ma älo täru pa vi. Tukätephüng-a äni ce lä lolang kälang mang äma ce üng pre-a vawi ö vi dy. Bälung kähae na ly pyng ea Josefae lä Säthaw üng angtawtha lawngtä bung aemang thung-a nung vi. Säthaw üng angtawtha ma “Aetha lawi äby ni änä-awi bung nähai ea Aikuta pre-a aehui hai lawi. Kai üng lo thai y rytä ho-a awng ö re. Sanphrang Herodae lä nade bung bädü hethang mäqang vi ai” näkha näpa.