Baverset oyo Eyebani Mpenza ewuti na Johan 1

Share

Tungaila khimi phütä na lä äni bung mäkung kha äni tea yng ö dy. Äni ce bung Säthaw üng caw nade na-a aelawng hai pa dy.

Angcü-a ma älo awng. Honi älo lä Säthaw hai mangtä awng te vi. Honi älo la Säthaw äma vi dy.

Honi kaevang lä käving thung-a aevang ea käving ma lä honi kaevang bung manila bädü haw y vi.

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Pä-ai lä älo hai-a äte angxynlyng na bung sa. Pä-ai lä äni hai y käla äte haetä lä sa te awng y. Sa saite angxynlyng na lä älo hai-a hing te dang. Honi hing saite lä khimi ce tähang kaevang vi.

Khawngdang mang üng käni-a Isu lä äni te mang-a ly te nung kha Johan ma “Älawng khimi ce üng hunghö la pa saite Säthaw üng beram caw tea kheng ö e.

Äni lä älawng-a awng kha Pä-ai lä älawng bung äni hai-a sa te vi. Tungaila älawng khimi na lä äni bung mäny y. Äni lä äma üng khö-a ly ea la äma khö üng khimi na ma lä mäkung pa y.

Kaevang tätang lä älawngpre-a ly kha khimi angxynlyng na qawng-a aevang dy.

Säthaw lä Mosi te mang hai-a Ubädi lo py kha Säthaw üng bälung kähawi hai mitang khü lä Isu Khrista hai-a tyng dy.