Baverset oyo Eyebani Mpenza ewuti na Joh. 3

Kabola

Ngokuti Mwari wakaida nyika kudai, wakahina Mukororo wake wakabarwa ari ega, kuti veshe vanomutenda vasafa asi vaone kupona kusikaperi.

Ngokuti Mwari aazi kutuma Mukororo wake munyika kuti atonge nyika, asi kuti nyika iponeswe kubudikidza ndiye.

Jesu wakapingura, akati kwaari, “Ngegwinyiso ndinoti kwouri, kudai munhu asabarwa ngokwomudenga, aakoni kuona umambo hwaMwari.”

Uwo unotenda kwaari aatongwi; asi uwo usikatendi watotongwa nazvino, ngokuti aazi kutenda zina rouwo wakabarwa ari ega Mukororo waMwari.

Uku ndikwo kutongwa, kuti kujeka kwakaguma munyika, nevanhu vakada chidima kakurutu kupinda kujeka, ngokuti mishando yavo yaiya yakashata.

Kunosisira kuti iye akuriswe, asi inini ndinosisira kuti nditsonge.”

Ngokuti weshe unoita zvakashata unozonda kujeka naye aauyi mukujeka, ngokuti mishando yake inozooneka pamhene.

Uwo unotenda Mukororo waane kupona kusikaperi; nouwo usikatendi Mukororo aazooni kupona, asi ushungu hwaMwari hunondogara padera pake.

Kudai ndiMosi wakamirudza nyoka mushango, ngokudaro kunosisira kuti Mukororo woMunhu amirudzwe

Baba vanoda Mukororo, navo vakapa zviro zveshe munyara dzake.