Baverset oyo Eyebani Mpenza ewuti na Tutu Marku 15

Kabola

Ta ma ora ikani, te'en kīcha'a Jesuu kànachaa ra: ―¡Eloi! ¡Eloi! ¡Lama sabactani! Ma tu'un ikan te'en kùuni yi kà'an yi: ¡Tatá Ndioo! ¡Tatá Ndioo! ¿Ta naja ndākoo ma'iun yu'u? ―kàti ra.

Ta iti' nuu Jesuu, ndaa iin ra chà'nda tiñu nuu jandaru. Ta ndē'e ra naja kua chī'í Jesuu, ta te'en kà'an ra: ―¡Ndicha kuii ti ra'ya kūu ra Se'e Ndioo! ―kàti ra.

Ta ma ja'ma ndāsi tichi veñu'u ndāta java yi, nda siki ta nda ninuu.

Ta ma ora ikan ndā'yu ni'i ma Jesuu, ta chī'í ra.

Takan kūu ta tandi'i ñuñivi iin kuaani ora chāa ora sama, ta indeeni nda kaa uni chani'ini.

Ta tava kùuni ra kindoo va'a ra chi'in ma ñivi. Yakan va jā'a ra ma ña kā'an na. Ta jāña ra Barrabás. Takan kūu ta ji'na tāchi Pilatu ña na kani ji'na ndra Jesuu chi'in yo'o. Tajan chā'a ndio ra ra nda'a' jandaru na kutakaa ndra ra nuu kruu.