Baverset oyo Eyebani Mpenza ewuti na Matai 21

Kabola

Pa sombe kuurla kat mi kusuŋ Anutu pa koroŋ sa, inako ni ikam piom.”

Mi Yesu ipekel kwon ma iso: “Nio aŋso kat piom: Sombe leleyom iwe ru som mi kuurla kat, inako karao be kakam kembei ta nio aŋkam pa ke taiŋgi. Mi tina men som. Ko karao be kakam uraata bibip pakan tomini. Kembei ta abal tiŋga. Sombe koso be izem muriini mi ila itop sula tai, nako mbulu tana ipet.

To wal pakan timuuŋgu pini, mi pakan tikemer, mi kalŋan izalla ma tizzo: “Hosana! Tapakur Dabit Lutuunu. Merere ko ipombol tomtom ti mi ikampe i. Pa ni ikam Merere ruŋguunu ta imar i. Hosana! Tapakur Merere zaana ma isala kor!”

Mi iso pizin ta kembei. Iso: “Sua ki Anutu iso pataaŋa kek ta kembei: Zin ko tipaata urum tio be suŋŋana muriini.’ Tamen niom kakam ma iwe kembei ‘raŋ sumbuunu ta zin kuumbu kan tikewe lela i.’”

Koso pizin Sion kan ta kembei: “Kere. King tiom ta isama i. Ni ikoto itunu, mi mbuleene ise mbili uraata kana. Mbuleene ise doŋki lutuunu popoŋana mi isama i.”

To Yesu iso pizin mini ma iso: “Sua ki Anutu ta tibeede se ro na, niom kapaata som? Sua ta isombe: Pat ta zin ruumu poŋana kan matan repiili mi tipiri lae lene na, pat tamen tana, ta ko tipamender ruumu sala ma imbol. Mbulu tina ipet pa Anutu itunu mburaana. Mi amre na, ipa ndel kat.”

Mi Yesu iso seeŋge sua mini ma iso: “Mi wal ta so titutkat zin sala pat tana, nako tisaana kat. Mi sombe pat tana itop sala ŋwan ma ipun zin, inako tiron imurummurum ma imap. Tana nio aŋso kat piom: Anutu ko itatke peeze kini piom, mi iur la wal pakan naman, bekena tipiyooto ka ŋonoono ma ipet.”