Baverset oyo Eyebani Mpenza ewuti na ငဝ်ႈ 2

Share

ၵွပ်ႈ​ၼႆႉ​လႄႈ​ၵူၼ်းၸၢႆး​တၵ်း​လႆႈ​ၽၢတ်ႇ​ယၢၼ်​ၵၼ်​တင်း​ပေႃႈ​မႄႈ​မၼ်း​လႄႈ​ႁူမ်ႈ​ပွင်းၵၼ်​တင်း​မေး​မၼ်း​သေယဝ်ႉ၊ၶဝ်​သွင်​ၵေႃႉ​တၵ်း​ပဵၼ်​ၼိူဝ်ႉလိူတ်ႈ​ဢၼ်​လဵဝ်​ၵၼ်​ဢေႃႈ။

ၵမ်း​ၼၼ်ႉ၊ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​လၢတ်ႈ​ဝႃႈ၊ “ၵူၼ်းၸၢႆး​ဢမ်ႇ​ထုၵ်ႇလီ​ယူႇ​ၵူၺ်းၶေႃ​မၼ်း​ၵေႃႉလဵဝ်။ ၵဝ်​တၵ်း​ပၼ်​ၵေႃႉ​ဢၼ်​ထုၵ်ႇ​ဢၼ်​ၵိုင်ႇ​ၵၼ်​တင်း​မၼ်း​ၼၼ်ႉ​ႁႂ်ႈလႆႈ​ၸွႆႈၵမ်ႉ​ၸွႆႈထႅမ်​မၼ်း​လူးၵွၼ်ႇ၊” ဝႃႈ​ၼင်ႇ​ၼႆ​သေယဝ်ႉ။

ၵမ်း​ၼၼ်ႉ၊ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​ဢဝ်​မုၼ်ႈလိၼ်​ႁဵတ်း​ပဵၼ်​ၵူၼ်း​လႄႈ​သမ်ႉ​ပဝ်ႇ​ၸီႇဝႃႉ​ဢသၢၵ်ႈ​သႂ်ႇ​ၵႃႈၼႂ်း​ၶူႈလင်​မၼ်း​သေယဝ်ႉ၊ၵူၼ်း​ၸင်ႇ​ပဵၼ်​သတ်ႉတဝႃႇ​ဢၼ်​ဢသၢၵ်ႈလိပ်း​မႃး​ဢေႃႈ။

ၵူၼ်းၸၢႆး​ၼၼ်ႉ​ၵေႃႈ​လၢတ်ႈ​ဝႃႈ၊ “တေႃႈလဵဝ်​ၼႆႉ။ ၵေႃႉ​ၼႆႉ​ပဵၼ်​လုပ်ႇ​ၵႃႈၼႂ်း​လုပ်ႇ​ၵဝ်၊ ပဵၼ်​ၼိူဝ်ႉ​ၵႃႈၼႂ်း​ၼိူဝ်ႉ​ၵဝ်​ဢေႃႈ။ ပိူဝ်ႈ​ဢၼ်​ဢဝ်​မၼ်း​ဢွၵ်ႇ​ၵႃႈၼႂ်း၊ ၵူၼ်း​မႃး​လႄႈ၊တၵ်း​လႆႈ​ႁွင်ႉဝႃႈ၊ၵူၼ်းယိင်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၽြႃးပဵၼ်ၸဝ်ႈ​ပၼ်တၢင်းလီ​တီႈ​ဝၼ်း​တီႈ​ၸဵတ်း​ၼၼ်ႉ​လႄႈ​ဝႆႉ​ႁႂ်ႈ​ပဵၼ်​ဝၼ်း​ထွတ်ႈ​မျၢတ်ႈ​မူတ်းၸၢင်ႇ၊ၵွပ်ႈပိူဝ်ႈ​ဢၼ်​မၼ်းၸဝ်ႈ​ၽၢၼ်ႇသၢင်း​ႁဵတ်း​ပဵၼ်​ၶိူင်ႈပိူင်​ၵႃႈမီး​ၸွတ်ႇ​ၸေး ယဝ်ႉ​တူဝ်ႈ​လီ​ငၢမ်း​လႄႈ​ၵိုတ်းသဝ်း​ယူႇ​ၼိမ်​ၼိမ်​ၼၼ်ႉ​ဢေႃႈ။

ၶဝ်​ၽူဝ်မေး​သွင်​ၵေႃႉ​ၼၼ်ႉ​ယူႇ​တူဝ်ပူၺ်​ယူႇ​လႄႈ​ၵၢင်းလွတ်ႈ​တင်း​တၢင်း​ဢၼ်​ဢၢႆ​ၵၼ်​ဢေႃႈ။