Baverset oyo Eyebani Mpenza ewuti na Ioni 21

Kabola

Ka taui avaha ai awahita iam iakwa, Iesu Simoni Pita vi‑tanaiei, ivona, “Simoni, wamke Ioni natuna, medeina? Wamke yam dune‑nuanuai wayahiu taui taina yai dune‑nuanuai wayahiu vane‑tawanei?” Ka Pita vona‑nau‑patei, ivona, “Kauvea, ika, avaha eanamaneu adune‑nuanuaiem.” Wayahina, Iesu vonei, ivona, “Nau‑wawanim yau lami V evi‑am‑neiei.” Ka Iesu tuta v'‑inuana vi‑tanaiei, ivona, “Simoni, wamke Ioni natuna, edune‑nuanuaieu ananina?” Ka Pita vona‑nau‑patei, ivona, “Kauvea, ika, avaha eanamaneu vivane adune‑nuanuaiem.” Wayahina Iesu vonei, ivona, “Nau‑wawanim yau sipi V edune‑vi‑avini.” Ka Iesu tuta v'‑itonuna vi‑tanaiei, ivona, “Simoni, wamke Ioni natuna, edune‑nuanuaieu?” Akaka Pita nua‑vita ananina, iuna Iesu tuta v'‑itonuna wayahina vi‑tanaiei, ivona, “Edune‑nuanuaieu?” Wayahina Pita ivona, “Kauvea, wamke avaha nua‑uya habuhabuna enau‑yehai. Avaha eanamaneu adune‑nuanuaiem!” Wayahina, Iesu Pita vonei, ivona, “Nau‑wawanim yau sipi V evi‑am‑neiei.

Memeanina nuam vi‑tupatupa, kate avonem taina deina. Yam tuta tevana wayahina a itoava tuta ataina wayahina, wamke am kwama eweteweteni, ka avi meagai wayahina yam nuanua, akanai eneine. Kate apaina, yam tuta evi‑nainai wayahina, wamke nimam etunei, ka mani tomotau iyohonim, ka aitam meagai mamaei, ka eha yam nuanua tenoke ena‑ne, kate meagaina wayahina ineiem.”

Ka tauna wayahia ivona, “Agida un'‑onei, uboui wae ateina, akanai iana.” Ka ya vonana deina, agida ionei, iboui, ka eha ai pata ina‑taini wae nihenina, iuna iana habu‑vainena inau‑vi‑anai.

Ka Simoni Pita yaiana wayahia ivona, “Yaiau, yauke aneine, anau‑mwaneha.” Ka yaiana ivona, “O, ahiahina, kana‑ne.” Wayahina, habuhabui waea igenu, ivi‑ata, ka ioyomana a itoava mana navi wayahina inau‑mwaneha, kate eha aitam iana.