Baverset oyo Eyebani Mpenza ewuti na Mateu 24

Share

Linagwaledyo lyavanu voe lindapunguka kwamwaa wakwanjadyeka ungave-lilamulo, napane aijá álota kulipililila mpaka kumwisho, ajo andaambwalegwa.

Nadoni ntenga wambone wautawala undavalangangigwa mushilambo uti pakulota uve ushuda kwavenentete uti kutwala kuwika mwisho.

Mundaigwa ding'ondo na manyinyi ading'ondo, mwenu po, hamunajope. Vinu avyo vindivaikila vitandeke ila haunava shinu mwisho.

Venentete vandatandana ing'ondo na venentetemwave, utawala undatandana ing'ondo na utawalamwagwe. Indaumilila indala na shindangenda mumautu akuvilingananga. Vinu avyo uti ni shitunduvangilo tu shamauvilo akushuluwa.

Kuwa na pai kundapita ila malove angu mwiko hapita.

Vandaida vanu voe vatumila lina lyangu vaashidoni, ‘Nangu Klistu,’ vovo vo vandavaduwanga vanu voe.

“Napanelo vanavo vanankamula kumuukanavo ndamuuvyanga na vanammyaa. Mwemwe mundavangadika kwavenentete uti kwamwaa walina lyangu. Muwakati awo voe vandavainjidyanga mulidambi, vanji vandavalimya na vanji vandavangadika. Vandaumilila vakulava voe vakushang'apa na vovo vo, vandavaduwanga voe.

Nae kutwala kuvaulila kushidoni, “Lilaledye pakulota hanapagwe wakunduwanga.

Napavedoni namwenu momo lipanganiange mwaa Mwana Wamunu andaida muwakati wamukalindila mwenu.

Napavedoni ava mevo mwaa hamumanyite liduva lyalota kwida UMU wenu.

“Napane liduva lyene lyo na isaa, hapali ámanyite, ata vanjelo kuwa havamanyite, ata Mwana hamanyite ila ámanyite ni Atata bai.

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Kenga mo mwaivalaléle muwakati umwe Noe nimumo momo mwailota kuvalela kwida kwa Mwana Wamunu. Ni kenga momo likanava kuwika livambwe, vanu vashindalya, vashindakumbila, vashindalomba na kulombwa mpaka muliduva lyainjidile Noe mwingalava vanavo pavakamanya shinu kudabanga kwida vila livambwe ndavalya do kobo! Nadoni kwida kwake Mwana Wamunu kulota kuvalela momo.