Baverset oyo Eyebani Mpenza ewuti na Cenisihs 17

Share

Eparam (Abram) shaankahsimitanashishaankahso (99) kiih⁠tahso pipoonwe kii⁠naakosiihtaakotc kaaTipencikenitc o'o ekii'ikotc, “Niin kaaMaawaci mashkawisiiyaan Kishemanitoo; ishi pimaatisin inahke eshi antaweniminaan, keko kekoon ishi anaamentaakosihken.

Kaawiin tahsh awahshime Eparam kika ishinihkaasohsii, Eparahaam (Abraham) hsa kika ishinihkaas. Kiin aaniihsh kika otetemikook niipiwa' kaa⁠tahswewaanakisiwaatc awiyak pemaatisiwaatc.

“Ninka ishihcike tahsh i'i kaashi ahshotamawinaan, iki kaye kipiiwesiimak keni ayaawaatc ci‑inahtek wiihkaa ke⁠poonihsehsinok nintahshotamaakewin. Kika oKishemanitoomim itahsh, kipiiwesiimak kaye ninka oKishemanitoomimikook.

“Miitahsh niin o'o nahke eshiahshotamaawinaan, kiin hsa kika otetemikook niipiwa' kaa⁠tahswewaanakisiwaatc awiyak pemaatisiwaatc.

Kishemanitoon tahsh okii ishi nahkwehtaakoon, “Kaawiin i'i ta⁠ishinaakwahsinoon. Kiwiiw Sera ohsha oka ayaawaan ke⁠okosihsiwatc. Aaisik hsa kika ishinihkaanaa kikosihs. Mii hsa a'a Aaisik ke⁠nehpici onahtamawak nintahshotamaakewin, i'i kaye keni opiiwesiimitc. Kaawiin wiihkaa ta⁠poonihsehsinoon i'i ahshotamaakewin.

O'o hsa kahkina Kenan (Canaan) ahki noonkom kaashi piiwitewentaakosiyan, mii 'iwe ke⁠miininaan nehpic ci⁠tipinawewisiyan, iki kaye kipiiwesiimak, keni ayaawaatc kii‑ishkwaa ayaayan; niin tahsh ninka oKishemanitoomimikook,” okii'ikoon.

Eparahaam kii⁠animihkohtaa mihtahkamik. Miitahsh kaa⁠ishi paahpitc ekii ihkitotc, “Koonike inini ninkotwaahk (100) tahso pipoonwetc otaa kashkihtoon ci⁠ayaawaahpan apinoonciishan? Koonike kaye Sera shaankahsimitana (90) eh⁠tahso pipoonwetc otaa kashkihtoon ci⁠ayaawaahpan apinoonciishan?”

Kishemanitoon tahsh okii ani'ikoon, “A'a tahsh wiin kiwiiw Seraii, kaawiin awahshime Seraii kika ishinihkaanaahsii; Sera (Sarah) hsa ta⁠ishinihkaaso.

Kiin tahsh kika kihkinawaatashakeshokoo kitininiiwiwinink; miitahsh i'i nahke eshi kihkinawaacihcikaatek aaniin kaashi ahshotamaawinaan.

A'a tahsh wiin ke⁠okosihsiyan Aaisik ninka kanawentamowaan i'i nintahshotamaakewin ke⁠miinak. Serawan tahsh oka nihtaawiki'ikoon o'o ahpii miinawaa ke⁠ahkiiwank.”

Kipiiwesiimak hsa keni ayaawaatc kaashi ayaayek, kahkina awiya kaa⁠ininiiwitc nihshwaahsokonakisitc (8) ta⁠kihkinawaatashakeshwaa. Iki kaye anohkii'aakanak kaa⁠nihtaawikiwaatc kiwaahkaa'ikanink, iki kaye kaakii ataawaakaasowaatc shooniyaan e⁠aapatisinitc. A'a hsa ko kitaawinink kaa⁠tashi nihtaawikitc, komaa kaye awiya kaa‑ataawaasotc shooniyaank onci oncitako ishinaakwanini ci⁠kihkinawaatashakeshontc. Miitahsh i'imaa nintahshotamaakewin wiihkaa ke⁠poonihsehsinok keshi kihkinawaasinaakwahk kiwiiyawiwaank.