Baverset oyo Eyebani Mpenza ewuti na Mr 4

Share

Iꞌsuᵽaka naᵽakãꞌã ãꞌmitiriwaꞌri, miꞌmirĩkatirã ikuᵽaka kẽrĩka: —Wĩrõ mibaeaꞌsi, ᵽakuri mijijibe,== kẽᵽakãꞌã wĩrõa baetiyika, ᵽakurikaoka jijika. Torãjĩrã mae, —¿Dako baaerã mija kĩkikoꞌo? ¿Yire yiꞌriberiwaꞌri, “Yijare ĩarĩrĩwãrũiki kime”, yireka ãrĩbeyukajirã bai mija?== nare kẽrĩka.

Iꞌsuᵽaka kẽrĩkoꞌomakaja jimarĩ ᵽuᵽatawaꞌri, “¿Maki kime ruku ĩꞌĩ? Wĩrõa, ᵽakurika ᵽariji kire yiꞌyua”, ãᵽaraka najẽrĩabuꞌaeka.

Iꞌsuᵽaka simakoꞌomakaja kiruᵽukoꞌa ñuꞌtakarã ᵽeatatirã kũmuiꞌtoᵽearã Jesúre kãrĩjãitaeka. Kire ĩatirã, kika wãrũrimajare kire tõrõeka. Suᵽabaatirã ikuᵽaka kire narĩka: —Wãrõrimaji. Mañaꞌmirã baayu. ¿Jia bai miroꞌsi sime jeꞌe?== kire narĩka.

Iꞌsuᵽakajaoka ate kibojaeka: —Mijare ñañua mija ãꞌmitiriᵽẽabe. Samija ãꞌmitiriᵽẽarãka koꞌaᵽitorãja, “Ikuᵽaka simekãꞌã”, mija ãrĩwãrũokoroꞌsi Tuᵽarã mijare jeyobaarãñu. Iꞌsia ᵽemawaꞌribajirã kibaarãñu jiitakaja mijare jeyobaarũkika imarĩ.

Iꞌsuᵽaka ᵽuᵽajoatirã ikuᵽaka ate Jesúre nare ãrĩka: —Maĩᵽamaki Tuᵽarã kirirãre jia kijãꞌmerũkiakaka mijare yibojaerã baayu mae. Õterikiyaᵽea jia ᵽuꞌyu uᵽaka nime. Mia, õterimajire õterikia õteika beꞌerõꞌõ ñamiareka, ĩmiarekaoka, kikãñu ᵽoto, kikãrĩbeyu ᵽotooka sakiᵽuꞌrirũjemakamarĩa ᵽuꞌritirã, sabikiweiyu. “Sõñu uᵽakaja saᵽuꞌyu, ikuᵽaka sime jeꞌe”, kẽrĩberikoꞌomakaja.

Mijare yibojaika jia mija õrĩwãrũriyaᵽayeꞌe, jia samija ᵽuᵽajoabe,== nare kẽrĩka.