Baverset oyo Eyebani Mpenza ewuti na JOHAN 14

Kabola

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

Amphong mongteshang. Kahvang kü hinglemtuh, hatü ngei kao hinglemtuh.

Shejao Sheühbü, Laangha Daülangpü, üpa ngelei men kü Opa-i shomhen, büpai am kü lemphü nyuhphahen, hatü ngei am kü epü peü deih-ei lehühen.

Üam kü ngelei shahkungthü nyu hatü hathü düknya, hathüyü ngei kü bampüthü, hatü üami ngei kü bamnya, hathü kü Opai bamhen, hatü ngei jom kü bamhen hatü ngei jom kü shakei vamhen.

Ngei Opa kü yühen, hatü büpai am kü lebü Sheühbü hük den kü am mü nyuhen yahphahen. Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.

Ha kü Pa müknyinshekhanghen shingvaishi ammi ngelei men kü mehe yühenshang ngei ha shuohhen. Ngelei men kü ammi mehe yühenshang ngei ha am kü shuohhen” shei e.

Ammi ngei kü bamjema, ngelei shahkungthü banghen.

Opalei shemei nyushing longi nyüke. Hei nevailangmeyü ngei amphong kü ephahen vaipeih. Ngei am shing nyushing hük temnüng dainyeih.

Ngei daiyei am shing shing hük tempheikü ngei nyipabü yiüei ngei mü nyuhen shingvaishi ngei am yahhen, hatü ngei melei nyu, halei amphongao nyuhen.

Thomas-i büpa kü, “SHEMBüPA, nüng melei dainya hami nenying, shejema hami mekei etü lem nyinghen?” shei e.