Baverset oyo Eyebani Mpenza ewuti na GENESIS 50

Kabola

Min tihboral zawng in tum ngei a, Pathianin hmanraw ṭhaah a hmang ta hlauh zâwk a ni.

Josefa erawh chuan, “Hlauthâwng suh u, Pathian tlukah ka insiam ngam hlei nêm.

Chuvângin, tûnah hlauthâwng rêng rêng suh u, nangni leh in fate ei tûr zawng ka tum zêl ang,” a ti a. An hnêna ngilnei taka thu a sawi chuan an thla a timuang ta a.

Josefa hnênah, ‘i ûte thil sual tih leh thil ṭha lo tak an tih ngaidam tûrin ka ngên a che, tiin in sawi tûr a ni,’ min ti a. Chuvâng chuan, i pa Pathian chhiahhlawhte thil sual tih kha khawngaih takin ngaidam ang che,” an ti a. An thu a lo hriat chuan Josefa chu a ṭap a.

A tâwpah, Josefa chuan a unaute hnênah, “Ka thih a hnai ta, Pathianin a hre reng ang che u a, he ram aṭang hian Abrahama te, Isaka te, Jakoba te hnêna pêk a tiam ramah chuan a hruai chho vang che u,” a ti a.

Josefa chuan Israel fate chu chhia a chhamtîr a, “Pathianin a rawn kan hunah che u ka ruhte hi heta ta la chhuak ngei ang che u,” a ti a.

Josefa chu kum za leh sâwm mi a nihin a thi ta a. A ruang chu ṭawih thei lo tûrin an siam a, Aigupta ramah chuan kuangah an zalh a.