Baverset oyo Eyebani Mpenza ewuti na Zãa 21

Kabola

Iyi à nya sɔnda à tã ŋɔi Jesu í bee Simɔɔ Piɛɛ í ni, Simɔɔ amai Zãa, ì bim í re inɛ ihɔ̃ ŋa? Nɔ Piɛɛ í jɛaa í ni, oo Lafɛ̃ɛ. Ì mà iyi ǹ biɛ. Ŋɔi Jesu í sɔ̃ɔ í ni, gbɔa ama angudãm ŋa. Nɔ í beeɛ má isɛ gbeejisia í ni, Simɔɔ amai Zãa, ì bim? Nɔ Piɛɛ í jɛaa í ni, oo Lafɛ̃ɛ. Ì mà iyi ǹ biɛ. Ŋɔi Jesu í sɔ̃ɔ í ni, degbe angudãm ŋa. Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Ntɔ ntɔ ǹ wa n sɔ̃ɛi, waati iyi ì wɛɛ awaasũ ì ya daa araɛ si ibɔ nɔ i bɔ bii ì bi. Amma bii ì na ì gbo, aa tɛ ikpaɛi nɔ inɛ gɔ ku daaɛ si nɔ ku bɔòɛ bii i kù bi.

Ŋɔi í sɔ̃ ŋa í ni, i dasi taao nŋɛ inɔ inyi do ikpa awɔ njɛi akɔi inyiu, aa mu cɛ̃ɛ ŋa. Nɔ à sɔ taao nŋa inɔ inyi nɔ à mu cɛ̃ɛ hee à mɔngɔ ku faa wa.

Ŋɔi Simɔɔ Piɛɛ í sɔ̃ ŋa í ni, ǹ wa n bɔ cɔcɔ wa ŋa. Nɔ à ni, aa ka siɛ. Nɔ à fita gbakã à lɔ akɔi inyi gɔ idũ à nɛ. Amma idũ ajɔ nŋu a kù mu nkãma.