If you have would like a copy of this version please contact info@davarpartners.org

Quechua Huaylas Old Testament

<div class="version vid734 iso6393qwh" data-vid="734" data-iso6393="qwh">
 <div class="book bkGEN">
 <div class="chapter ch20" data-usfm="GEN.20">
 <div class="label">20</div><div class="s1">Sarata Abimelec qayatsinqan</div><div class="p"> 1Ts&#235;pitanam Neguevpa ewkur Abraham t&#228;rarqan Cadespita Shurman pasaq chusyaq jirkach&#246;. Ts&#235;pitanam Gerar markaman ewkurqan ts&#235;ch&#246;na t&#228;r&#228;nanpaq. 2Ts&#235;ch&#246; t&#235;karmi warmin Sarapaq Abraham nirqan: &lt;&lt;Pan&#239;mi&gt;&gt; nirlla.#G&#233;n. 12.13; 26.7. Ts&#235;ta musy&#235;kurnam Gerarpa reynin Abimelec Sarata qayatsirqan warmin kananpaq.</div><div class="p"> 3Ts&#235; paqasnam Abimelecta su&#235;&#241;&#239;ninch&#246; Teyta Dios k&#235;n&#246; revelarqan: &lt;&lt;Qowayuq warmita warmikipaq qayatsinq&#235;ki r&#235;kurmi kanan wanunki&gt;&gt;.</div><div class="p"> 4Abimelecqa manaran Sarawan punurqanraqtsu. Ts&#235;mi nirqan: &lt;&lt;Teyta Dios, p&#235;wan manaraq pun&#239;kapt&#239;qa &#191;imanirtaq wanutsim&#235;ta munanki? 5Kikin Abrahammi nimashqa &lt;pan&#239;mi&gt; nir. Y Sarapis nimashqa &lt;tur&#239;mi&gt; nirmi. Ts&#235;n&#246; nik&#228;y&#228;maptinqa manam imatapis llutanta rurarq&#252;tsu&gt;&gt;.</div><div class="p"> 6Ts&#235;n&#246; niptinmi su&#235;&#241;&#239;ninch&#246; Teyta Dios nirqan: &lt;&lt;Awmi, noqapis musy&#228;mi llutata imatapis mana ruranq&#235;kita. Ts&#235;n&#246;pam pi&#241;atsimar jutsata mana ruran&#235;kipaq ts&#235; warmiwan punun&#235;kitapis dejarquqtsu. 7Kanant&#228; ts&#235; warminta qowanman kutitsi. Qowanqa prof&#235;tam. Kutitsiptikim mana wanun&#235;kipaq ma&#241;akamunqa. Mana kutitsiptikiqa qamta y wayikich&#246; llapan t&#228;raqkunatawanmi ushak&#228;tsishq&#235;ki. Ts&#235;ta alli musy&#235;&gt;&gt;.</div><div class="p"> 8Patsa war&#228;riptinnam Abimelecqa mandakur yanapaq nunakunata llapanta qay&#235;katsir willarqan imata su&#235;&#241;unqantapis. Ts&#235;n&#246; willakuptinmi p&#235;kuna all&#228;pa mantsak&#228;yarqan. 9Ts&#235;pitanam Abrahamta qay&#235;katsir Abimelec nirqan: &lt;&lt;&#191;Imanirtaq ts&#235;n&#246; ulip&#228;marqunki? &#191;Imach&#246;taq pi&#241;atsirquq noqata y yanapamaqn&#239;kunata jutsaman jitarkay&#228;m&#228;n&#235;kipaq? Ts&#235;taqa mana allitam rur&#235;kurqunki. 10&#191;Imata yarpartaq &lt;Saraqa pan&#239;mi&gt; nimarq&#235;ki?&gt;&gt;</div><div class="p"> 11Ts&#235;n&#246; niptinnam Abraham nirqan: &lt;&lt;Noqa yarparq&#228; k&#235; markach&#246; nunakunaqa Teyta Diosta mana mantsakuq kayanqantam. Ts&#235;mi yarparq&#228; warm&#239;paq r&#235;kur wan&#239;katsiy&#228;m&#228;nanpaq kaqta. 12Pan&#239; k&#235;taqa pan&#239;mi. Ts&#235;n&#246; karpis t&#235;t&#228;pa jitapak&#239; tsurinmi. Ts&#235;n&#246;pam p&#235;ta warmikurq&#252;. 13T&#235;t&#228;pa wayinpita ewkay&#228;mun&#228;paq Teyta Dios manday&#228;maptinmi p&#235;ta nirq&#228;: &lt;M&#235;man chashqapis &lt;&lt;p&#235;qa tur&#239;mi&gt;&gt; nimankilla&gt; nir&gt;&gt;.</div><div class="p"> 14Ts&#235;nam Abimelec Sarata kutitsirqan. Abrahamtanam qar&#235;kurqan &#252;shakunata, chiwakunata, w&#228;kakunata y warmitapis ollqutapis sirwiqninkunata. 15Ts&#235;pitanam Abrahamta nirqan: &lt;&lt;Musyanq&#235;kin&#246;pis noqapa mak&#239;ch&#246;mi k&#235; naci&#243;n k&#235;kan. Munanq&#235;kich&#246; t&#228;kun&#235;kipaq akr&#235;&gt;&gt;.</div><div class="p"> 16Saratanam nirqan: &lt;&lt;Turikita qonq&#228;kunaqa juk waranqa (1,000) siclo qell&#235;pa chaninmi.#20.16 Juk siclo qell&#235;qa juk killa uryar gananqann&#246;mi karqan. Ts&#235;mi kananqa honornikita pipis parl&#235;kanqanatsu&gt;&gt;.</div><div class="p"> 17-18Sarata apanqanpitam Abimelecpa warminta y warminpa sirwiqninkunatapis mana wawayuq kay&#228;nanpaq Teyta Dios qolloqy&#228;tsirqan. Sarata kutiratsiptinnam Abimelecpaq Teyta Diosta Abraham ma&#241;akurqan. Ts&#235;mi Abimelecta kachak&#228;ratsir warmintapis y sirwiqninkunatapis kachak&#228;tsirqan yap&#235; wawayuq kay&#228;nanpaq.</div>
 </div>
 </div>
</div>

Tsëpitanam Neguevpa ewkur Abraham tärarqan Cadespita Shurman pasaq chusyaq jirkachö. Tsëpitanam Gerar markaman ewkurqan tsëchöna täränanpaq. Tsëchö tëkarmi warmin Sarapaq Abraham nirqan: <<Panïmi>> nirlla. Tsëta musyëkurnam Gerarpa reynin Abimelec Sarata qayatsirqan warmin kananpaq.
Tsë paqasnam Abimelecta suëñïninchö Teyta Dios kënö revelarqan: <<Qowayuq warmita warmikipaq qayatsinqëki rëkurmi kanan wanunki>>.
Abimelecqa manaran Sarawan punurqanraqtsu. Tsëmi nirqan: <<Teyta Dios, pëwan manaraq punïkaptïqa ¿imanirtaq wanutsimëta munanki? Kikin Abrahammi nimashqa <panïmi> nir. Y Sarapis nimashqa <turïmi> nirmi. Tsënö nikäyämaptinqa manam imatapis llutanta rurarqütsu>>.
Tsënö niptinmi suëñïninchö Teyta Dios nirqan: <<Awmi, noqapis musyämi llutata imatapis mana ruranqëkita. Tsënöpam piñatsimar jutsata mana ruranëkipaq tsë warmiwan pununëkitapis dejarquqtsu. Kanantä tsë warminta qowanman kutitsi. Qowanqa profëtam. Kutitsiptikim mana wanunëkipaq mañakamunqa. Mana kutitsiptikiqa qamta y wayikichö llapan täraqkunatawanmi ushakätsishqëki. Tsëta alli musyë>>.
Patsa waräriptinnam Abimelecqa mandakur yanapaq nunakunata llapanta qayëkatsir willarqan imata suëñunqantapis. Tsënö willakuptinmi pëkuna alläpa mantsakäyarqan. Tsëpitanam Abrahamta qayëkatsir Abimelec nirqan: <<¿Imanirtaq tsënö ulipämarqunki? ¿Imachötaq piñatsirquq noqata y yanapamaqnïkunata jutsaman jitarkayämänëkipaq? Tsëtaqa mana allitam rurëkurqunki. ¿Imata yarpartaq <Saraqa panïmi> nimarqëki?>>
Tsënö niptinnam Abraham nirqan: <<Noqa yarparqä kë markachö nunakunaqa Teyta Diosta mana mantsakuq kayanqantam. Tsëmi yarparqä warmïpaq rëkur wanïkatsiyämänanpaq kaqta. Panï këtaqa panïmi. Tsënö karpis tëtäpa jitapakï tsurinmi. Tsënöpam pëta warmikurqü. Tëtäpa wayinpita ewkayämunäpaq Teyta Dios mandayämaptinmi pëta nirqä: <Mëman chashqapis <<pëqa turïmi>> nimankilla> nir>>.
Tsënam Abimelec Sarata kutitsirqan. Abrahamtanam qarëkurqan üshakunata, chiwakunata, wäkakunata y warmitapis ollqutapis sirwiqninkunata. Tsëpitanam Abrahamta nirqan: <<Musyanqëkinöpis noqapa makïchömi kë nación këkan. Munanqëkichö täkunëkipaq akrë>>.
Saratanam nirqan: <<Turikita qonqäkunaqa juk waranqa (1,000) siclo qellëpa chaninmi. Tsëmi kananqa honornikita pipis parlëkanqanatsu>>.
Sarata apanqanpitam Abimelecpa warminta y warminpa sirwiqninkunatapis mana wawayuq kayänanpaq TEYTA DIOS qolloqyätsirqan. Sarata kutiratsiptinnam Abimelecpaq Teyta Diosta Abraham mañakurqan. Tsëmi Abimelecta kachakäratsir warmintapis y sirwiqninkunatapis kachakätsirqan yapë wawayuq kayänanpaq.

Yoka Génesis 20