Buglere - 2008 Edition (NT)

<div class="version vid671 iso6393sab" data-vid="671" data-iso6393="sab">
    <div class="book bkMAT">
        <div class="chapter ch6" data-usfm="MAT.6">
            <div class="label">6</div><div class="s"><span class="heading">Jesu kwian tke tangle daba chudaboi giti</span></div><div class="p"><span class="content">  </span><span class="verse v1" data-usfm="MAT.6.1"><span class="label">1</span><span class="content">Jesu gerudu dare kwian ole:</span></span></div><div class="m"><span class="verse v1" data-usfm="MAT.6.1"><span class="content">&#8212;Ba age no kwian gweale alin kwian na gwa giti, ba gerule mau giti: &#8220;Cha agedu no daba e alin.&#8221; Ba age ene, ba takalin kwian ulita gwage badi gerule no ba giti: &#8220;Ama no, ama kle age no daba na alin.&#8221; Ba age daba na alin ta ene kare ole, Chube mi age no ba alin ba agedu no daba alin &#241;anale. </span></span><span class="verse v2" data-usfm="MAT.6.2"><span class="label">2</span><span class="content">Malen cha gerule ba ole, ba daba me lle molen chudaboi, ba me &#241;age gerule kwian na ole: &#8220;Cha daba me lle molen chudabo no.&#8221; Me no age ene kwian na tanre kle age kare. Kwian bai kle daba me lle molen chudaboi lle gweale giti gire kle gerule e giti kwian na tanre ole u mo litangwa Chube gerua jwanngwage kaire kle gerule kwian na tanre ole bai kaire ten jonkare gire gerule: &#8220;Cha daba me lle molen chudabo no, cha lle ketu amage ama chudaboagda.&#8221; Kwian e kle lle kete nobi daba me lle molenge agwa me kle kete ta no giti, ama kle age mo sobadagda kwian na gwa giti. Ama kle age ene, gire ene kwian na &#241;age gerule ama giti ama daba chudaboanga ama kwian no, gire ulia ama ta me no kwiandi. Ba me age ama kle age kare. Ba daba chudaboi kwian ulita gwa giti takalin kwian ulita gerule no ba giti age ene &#241;anale, ba age daba alin ta ene kare ole Chube mi gerule no ba ole ba agedu giti mi age no ba alin ba agedu no daba alin &#241;anale. </span></span><span class="verse v3" data-usfm="MAT.6.3"><span class="label">3</span><span class="content">Ba daba me lle molen chudaboi, ma no ba me gerudale ni kwian gdaite ole ba agedu no daba alin giti. </span></span><span class="verse v4" data-usfm="MAT.6.4"><span class="label">4</span><span class="content">Ba alin allabi ta&#241;achugadale ba agedu giti, noare ba daba chudaboi kwian na ulita gwa skwlenre, ene Chube kle gwage badi ba kle age mine daba alin, ene Chube be gerule ba ole: &#8220;Ba agedu no daba alin.&#8221; Chube be gerule ene ba ole be age no ba alin ba agedu no daba alin &#241;anale.</span></span></div><div class="s"><span class="heading">Jesu kwian tke tangle gerule Chube ole</span></div><div class="p"><span class="verse v4" data-usfm="MAT.6.4"><span class="content">  </span></span><span class="verse v5" data-usfm="MAT.6.5"><span class="label">5</span><span class="content">Jesu gerudu dare kwian ole:</span></span></div><div class="p"><span class="verse v5" data-usfm="MAT.6.5"><span class="content">&#8212;Ba gerule Chube ole gire me no age kwian na tanre kle age kare kle mo gbe gerule Chube ole kwian ulita gwa giti agwa ama ta kle bate Chubege. Ba gerule Chube ole gire ba me age ama kle age kare. Ama kle gerule Chube ole jagebanga gdate kwian ngle gwa giti u mo litangwa Chube gerua jwanngwage kaire kle gerule Chube ole jonkare kwian ngleske. Ene ama takalin kwian gwage amadi kaire gerule no ama giti. Ba me age ama kle age kare. Kwian gwage amadi ama takalin kare kwian gerule ama giti: &#8220;Kwian e ulia gerunga no Chube ole.&#8221; Kwian gerule ene ama giti gire Chube be gerule ama giti: &#8220;Kwian e me kle age no, ama kle age ngwale ulita.&#8221; Chube be gerule ene ama giti, Chube mi age no ama alin. </span></span><span class="verse v6" data-usfm="MAT.6.6"><span class="label">6</span><span class="content">Ba gerule Chube ole gire, ba jogedale nga sugekarege kwian me &#241;age gwage badi ngwadi, ene ba &#241;age mo ta gbe ulia gerule Chube ole, Chube kle ba ole alin allabi gwakabongwadi. Ene Chube che &#209;enua gwage badi, u&#241;ale amage ba ta mine ama ole, ama ba keruchuge, ba kle age ama takalin kare &#241;anale ama be age no ba alin ba kle kade kare amage.</span></span></div><div class="p"><span class="verse v6" data-usfm="MAT.6.6"><span class="content">  </span></span><span class="verse v7" data-usfm="MAT.6.7"><span class="label">7</span><span class="content">&#8217;Ba gerule Chube ole gire ba me geru ngwale alin jwen kate ngle kwian me Chube u&#241;e kle age kare. Kwian e kle ta&#241;achuge kwian gerudale tanre tanre Chube ole gire Chube &#241;age ama keruchuge &#241;age age kwian takalin kare. </span></span><span class="verse v8" data-usfm="MAT.6.8"><span class="label">8</span><span class="content">Ba me age kwian e kare. Chubege u&#241;ale trate llema llema ba takalinge, ngerutabi amage u&#241;ale llema ba ta kadakalin amage. </span></span><span class="verse v9" data-usfm="MAT.6.9"><span class="label">9</span><span class="content">Ba gerule Chube ole ba gerudale ene:</span></span></div><div class="q"><span class="verse v9" data-usfm="MAT.6.9"><span class="content">&#8220;Cha &#209;enua, ba kle nga nga&#241;a giti, ba no trate ulita, cha takalin kwian ulita gerule no ba giti.</span></span></div><div class="q"><span class="verse v9" data-usfm="MAT.6.9"><span class="content">  </span></span><span class="verse v10" data-usfm="MAT.6.10"><span class="label">10</span><span class="content">Cha takalin kwian ulita nga ulitage ba gai mo Chugagwallale.</span></span></div><div class="q"><span class="verse v10" data-usfm="MAT.6.10"><span class="content">Cha takalin ba age mo ta giti ba ta agekalin kare nga dba ai giti salengwli ba kle age nga nga&#241;a giti kare.</span></span></div><div class="q"><span class="verse v10" data-usfm="MAT.6.10"><span class="content">  </span></span><span class="verse v11" data-usfm="MAT.6.11"><span class="label">11</span><span class="content">Cha takalin ba bligda kete chage gutadale chui gdale toigda.</span></span></div><div class="q"><span class="verse v11" data-usfm="MAT.6.11"><span class="content">  </span></span><span class="verse v12" data-usfm="MAT.6.12"><span class="label">12</span><span class="content">Cha agedu me no cha takalin ba talla mlienga, ene kaire daba age me no cha ole cha talla mlienga.</span></span></div><div class="q"><span class="verse v12" data-usfm="MAT.6.12"><span class="content">  </span></span><span class="verse v13" data-usfm="MAT.6.13"><span class="label">13</span><span class="content">Ba me cha chuge ngwadi che dollage, ene ama me &#241;age age me no cha ole.</span></span></div><div class="q"><span class="verse v13" data-usfm="MAT.6.13"><span class="content">Ba cha jwen siere lle me no ulitage.</span></span></div><div class="q"><span class="verse v13" data-usfm="MAT.6.13"><span class="content">U&#241;ale chage ba kwian ulita Chugagwalla ma kweri, ba kiraske ba &#241;age age ulita mo kiralla giti, ba no no, ba ene diali chui tangle.</span></span></div><div class="q"><span class="verse v13" data-usfm="MAT.6.13"><span class="content">Cha gerule ene ulita ba ole cha &#209;enua. Ene nobi.&#8221;</span></span></div><div class="m"><span class="verse v13" data-usfm="MAT.6.13"><span class="content">Ba ulita gerudale ene Chube ole.</span></span></div><div class="p"><span class="verse v13" data-usfm="MAT.6.13"><span class="content">  </span></span><span class="verse v14" data-usfm="MAT.6.14"><span class="label">14</span><span class="content">&#8217;Kaire cha gerule ba ole, kwian agedu me no ba ole ba talla me no mlienga ama agedu me no ba ole giti, ba me ta&#241;achuge dare ama agedu me no ba ole giti. Ba age ene talla mlienga daba na agedu me no ba ole giti, ene kaire Chube be talla mlienga ba agedu me no giti, ama mi ta&#241;achuge dare ba agedu me no giti. </span></span><span class="verse v15" data-usfm="MAT.6.15"><span class="label">15</span><span class="content">Agwa ba me talla me no mlienga kwian agedu ba ole giti ene kaire agwe Chube mi talla mlienga ba agedu me no giti.</span></span></div><div class="s"><span class="heading">Jesu kwian tke tangle mo tke bage bligdage giti</span></div><div class="p"><span class="verse v15" data-usfm="MAT.6.15"><span class="content">  </span></span><span class="verse v16" data-usfm="MAT.6.16"><span class="label">16</span><span class="content">Jesu gerudu dare kwian ole:</span></span></div><div class="p"><span class="verse v16" data-usfm="MAT.6.16"><span class="content">&#8212;Ba chui gbaite gai mo tke bage bligdage gerudale Chube ole alin allabi, ba kle age ene gire ba me mo gwa gbale olire kwian na tanre kle age kare. Kwian ene kle bage bligdage gerudale Chube ole agwa ama me kle mo ta gbe no ulia Chube ole, ama me kle ta&#241;achuge Chube giti ama kle ta&#241;achuge mau alin giti, ama takalin daba na gwage amadi ama kwian no Chube gwa giti malen ama mo gwa gbale olire daba na gwa giti, ene chke u&#241;ale daba nage ama kle bli ole bage bligdage gdale, ene daba na gwage amadi tai dage amage gerule no ama giti: &#8220;Kwian e no Chube ole, ama kle mo tke bage bligdage Chube gwa giti malen Chube be age no ama alin.&#8221; Kwian na be gerule ene kwian kle bage takalin kare, agwa cha gerule ba ulita ole, kwian bai kle mo tke bage bligdage ene kwian ulita gwa giti takalin kwian ulita gerule no ama giti age ene &#241;anale, kwian ene giti Chube mi gerule no mi age no ama alin ama mo tku bage bligdage &#241;anale. </span></span><span class="verse v17 v18" data-usfm="MAT.6.17+MAT.6.18"><span class="label">17-18</span><span class="content">Ba mo tke bage bligdage Chube gwa giti gerudale ama ole ma no ba age kwian na gwa skwlenre, ba mo dodadale trate diali kare me mo gwa gbe olire, ene kwian na gwage badi me chke u&#241;ale amage ba kle mo tke bage bligdage Chube gwa giti, ene kwian na me gerule no ba giti ba kle bage bligdage gire. Agwa Chubege alin allabi be chke u&#241;ale, Chube ba &#209;enua, diali ama kle gwage ba kle age ulitadi, ba age Chube takalin kare &#241;anale Chube be gerule no ba giti be age no ba alin.</span></span></div><div class="s"><span class="heading">Jesu gerule kwian ta&#241;achugadale Chube giti me ta&#241;achuge lle nga dba ai giti alin allabi</span></div><div class="p"><span class="verse v17 v18" data-usfm="MAT.6.17+MAT.6.18"><span class="content">  </span></span><span class="verse v19" data-usfm="MAT.6.19"><span class="label">19</span><span class="content">Jesu gerudu dare kwian ole:</span></span></div><div class="p"><span class="verse v19" data-usfm="MAT.6.19"><span class="content">&#8212;Ba me mo ta gbe ta&#241;achuge lle oge mau alin nga dba ai giti diali chui tangle, chui gweale lle e ulita be jogenga ngwale, chubdu kle lle gute kwian ngeru, lle kle joge me no sugaska, kaire kwian skwe boanga kle skwe boi kle lle dbe kwian ngeru, malen ngwale ba ta&#241;achuge lle tanre lite ole mau alin nga dba ai giti. </span></span><span class="verse v20" data-usfm="MAT.6.20"><span class="label">20</span><span class="content">Ma no ba ta&#241;achuge Chube giti, ba age ulita nga dba ai giti Chube takalin kare gire Chube be lle no oge nga nga&#241;a giti ba alin ba age no &#241;anale. Ba joge toi ama ole nga nga&#241;a giti chuia chke, chui ege Chube be age no no ba alin be lle no e kete bage ba agedu no nga dba ai giti ama takalin kare &#241;anale. Nga nga&#241;a giti lle ketabe bage mi jogenga ngwale dale, chubdu me lle gute ba ngeru, lle me joge me no sugaska, ni kwian skwe boanga kle nga nga&#241;a giti, lle ulita be chege no trate diali dale alin. </span></span><span class="verse v21" data-usfm="MAT.6.21"><span class="label">21</span><span class="content">Ba mo ta gbe lle lite ole tanre mau alin nga dba ai giti, ba be kle ta&#241;achuge diali lle nga dba ai giti alinge, ba be ta jogenga ta&#241;achuge Chube giti. Agwa ba mo ta gbe diali tachke Chube giti age ama takalin kare nga dba ai giti, ba ta be kle ule diali Chube ole nga nga&#241;a giti ta&#241;achuge Chube giti alin allabi.</span></span></div><div class="s"><span class="heading">Jesu kwian tke tangle kwian Chubenu kwian gwagwa no kare</span></div><div class="p"><span class="verse v21" data-usfm="MAT.6.21"><span class="content">  </span></span><span class="verse v22" data-usfm="MAT.6.22"><span class="label">22</span><span class="content">Jesu gerudu:</span></span></div><div class="p"><span class="verse v22" data-usfm="MAT.6.22"><span class="content">&#8212;Ba gwagwa kle ba gbe ten, ba gwagwa kle no me oga, ene ba &#241;age ten no trate ulita. Ene kaire kwian bai kle chage no trate Chube takalin kare ama kwian gwagwa no kare chage nga chra no giti. </span></span><span class="verse v23" data-usfm="MAT.6.23"><span class="label">23</span><span class="content">Agwa ba gwagwa oga ba me &#241;age ten no trate, ba kle chage nga jereske. Ene kaire kwian bai me kle chage trate Chube geruadi kle chage age me no diali ama kwian gwagwa me no kare chage nga jereske, ama &#241;age boi tirare nga jereske, kwian ene kare kle chage sugekare Chubege age tanre me no, ni suge amage Chube takalin ama toi mine no trate Chube gwa giti, ulia kwian ene kle chage nga jereske.</span></span></div><div class="s"><span class="heading">Jesu gerule Chube kle kwian amanu ulita manade no</span></div><div class="p"><span class="verse v23" data-usfm="MAT.6.23"><span class="content">  </span></span><span class="verse v24" data-usfm="MAT.6.24"><span class="label">24</span><span class="content">Jesu gerudu:</span></span></div><div class="p"><span class="verse v24" data-usfm="MAT.6.24"><span class="content">&#8212;Ni kwian gdaite &#241;age lle boi no chugagwalla gdaboke alin. Kwian mo ta gbe lle boi no chugagwalla gdaite alin, kwian me &#241;age lle boi no chugagwalla na alin kaire. Kwian lle boi chugagwalla gdaboke alin gire kwian mo ta dbe no chugagwalla gdaitre alin ole, chugagwalla na ole ama me mo ta dbe no dale, ama be jainchke chugagwalla edi. Ene kaire ba mo ta gbadale ta&#241;achuge lle boi no Chube alin me ta&#241;achuge diali igi gai giti lle lite ole ngle mau alin giti, ma no ba mo ta gbe ta&#241;achuge Chube giti alin allabi toi ama takalin kare. Ba mo ta dbe no igi alin ole ba me &#241;age mo ta dbe no Chube ole, ma no ta&#241;achuge Chube alin giti, me ta&#241;achuge lle boke giti ule.</span></span></div><div class="p"><span class="verse v24" data-usfm="MAT.6.24"><span class="content">  </span></span><span class="verse v25" data-usfm="MAT.6.25"><span class="label">25</span><span class="content">&#8217;Cha gerule ba ole, ba me mo ta dbe ta&#241;achuge tanre diali lle toigda alin giti, ba be llema gute ba be llema jai toigda chui bdugu, llema giti ba be mo ngama tke. Noare ba bligda molen gutadale, noare ba chi molen jadale, noare ba &#241;ometra molen mo ngama tkagda, agwa me no ta&#241;achuge tanre diali bligda alin giti chi alin giti &#241;ometra alin giti mo alin toigda. Chube ba dodadu ama ba gbu toi gwade, ene kaire Chube be lle ulita kete bage toigda, malen ma no ba mo ta gbe ta&#241;achuge diali Chube giti me lle alin allabi giti toigda no nga dba ai giti. </span></span><span class="verse v26" data-usfm="MAT.6.26"><span class="label">26</span><span class="content">Ba ulita tachkedale bdada giti, bdada me kle chude ngama gbe, me kle chude tke, me kle bligda lite ole ogadale, me kle lle boi dale agwa kle toi no, ba &#209;enua Chube kle ama manade, Chube kle bligda kete bdadage gutadale. Chube alin ba ma &#241;anaske bdadage, bdada me &#241;anaske ba kare Chube gwa giti agwa Chube kle ama manade no, ene kaire bage sugedale Chube be ba manade no diali. </span></span><span class="verse v27" data-usfm="MAT.6.27"><span class="label">27</span><span class="content">Ngwale ba ta&#241;achuge tanre lle ulita giti mo alin toigda, ta&#241;achuge tanre ene kare giti ba me &#241;age chui na dare gai mo alin toingwa, chui be chke ba alin jogeda gire ba be jogeda diali. Ngwale ba ta&#241;achuge tanre lle toigda giti, Chube kle ba manade.</span></span></div><div class="p"><span class="verse v27" data-usfm="MAT.6.27"><span class="content">  </span></span><span class="verse v28" data-usfm="MAT.6.28"><span class="label">28</span><span class="content">&#8217;&#191;Mineade ba kle mo ta gbe ta&#241;achuge tanre &#241;ometra giti mo ngama tkagda? Ba ulita tachkedale glijra giti, che gwage glijradi glijra noare, diali glijra me&#241;e no, e Chube kle gbe ene, glijra me lle boi dale, me&#241;e no alin allabi. </span></span><span class="verse v29" data-usfm="MAT.6.29"><span class="label">29</span><span class="content">Cha gerule ba ole, kwian chugagwalla unsuialin kada Salom&#243;n, ama kwian kweri, ama mo ngama tku &#241;ometra noareske, agwa glijra ma noare Salom&#243;n &#241;ometrallage. </span></span><span class="verse v30" data-usfm="MAT.6.30"><span class="label">30</span><span class="content">Chube glijra gbe tige no, nege glijra kle no, suialin gire glijra kwenga. Glijra me &#241;anaske ba kare Chube gwa giti agwa Chube kle glijra gbe skiennga no, Chube gwa giti ba &#241;anaske tanre ama be ba manade no diali, lle gweale me ba ole toigda Chube be lle e kete bage. Ba me kle Chube gai ulia Chube &#241;age ba manade no, ba mo ta gbadale me ta&#241;achuge ene dare, ulia Chube be ba manade no diali, ba ama gadale ulia. </span></span><span class="verse v31" data-usfm="MAT.6.31"><span class="label">31</span><span class="content">Ba Chube u&#241;e malen ba me mo ta dbadale olire lle toigda nate, ba be llema gute, ba be llema jai, llema giti ba be mo ngama tke. </span></span><span class="verse v32" data-usfm="MAT.6.32"><span class="label">32</span><span class="content">Kwian me Chube u&#241;e ulita diali kle mo ta dbe olire lle toigda nate. Agwa ba Chubenu, Chube ba &#209;enua nga nga&#241;a giti, amage u&#241;ale ba takalin llemage ene ba toi no nga dba ai giti. </span></span><span class="verse v33" data-usfm="MAT.6.33"><span class="label">33</span><span class="content">Ba mo ta gbadale Chube gai ma no diali mo Chugagwallale, ba ama gadale dage, ba mo ta gbadale age no trate ama takalin kare diali, ene Chube be ba manade no be lle toigda kete bage lle bai me ba ole ene ba toi no nga dba ai giti. </span></span><span class="verse v34" data-usfm="MAT.6.34"><span class="label">34</span><span class="content">Malen ba me ta&#241;achugadale tanre ba be toi llema giti suialindale, suialin chui be kle ta&#241;achugangwa, ba me ta&#241;achuge nege be boi gweale suialin giti, ba me chegedale ta&#241;achuge tanre e giti Chube be ba manade be ba chudaboi be boi gweale giti ba ole.</span></span></div>
        </div>
    </div>
</div>

Jesu gerudu dare kwian ole:
—Ba age no kwian gweale alin kwian na gwa giti, ba gerule mau giti: “Cha agedu no daba e alin.” Ba age ene, ba takalin kwian ulita gwage badi gerule no ba giti: “Ama no, ama kle age no daba na alin.” Ba age daba na alin ta ene kare ole, Chube mi age no ba alin ba agedu no daba alin ñanale. Malen cha gerule ba ole, ba daba me lle molen chudaboi, ba me ñage gerule kwian na ole: “Cha daba me lle molen chudabo no.” Me no age ene kwian na tanre kle age kare. Kwian bai kle daba me lle molen chudaboi lle gweale giti gire kle gerule e giti kwian na tanre ole u mo litangwa Chube gerua jwanngwage kaire kle gerule kwian na tanre ole bai kaire ten jonkare gire gerule: “Cha daba me lle molen chudabo no, cha lle ketu amage ama chudaboagda.” Kwian e kle lle kete nobi daba me lle molenge agwa me kle kete ta no giti, ama kle age mo sobadagda kwian na gwa giti. Ama kle age ene, gire ene kwian na ñage gerule ama giti ama daba chudaboanga ama kwian no, gire ulia ama ta me no kwiandi. Ba me age ama kle age kare. Ba daba chudaboi kwian ulita gwa giti takalin kwian ulita gerule no ba giti age ene ñanale, ba age daba alin ta ene kare ole Chube mi gerule no ba ole ba agedu giti mi age no ba alin ba agedu no daba alin ñanale. Ba daba me lle molen chudaboi, ma no ba me gerudale ni kwian gdaite ole ba agedu no daba alin giti. Ba alin allabi tañachugadale ba agedu giti, noare ba daba chudaboi kwian na ulita gwa skwlenre, ene Chube kle gwage badi ba kle age mine daba alin, ene Chube be gerule ba ole: “Ba agedu no daba alin.” Chube be gerule ene ba ole be age no ba alin ba agedu no daba alin ñanale.

Jesu gerudu dare kwian ole:
—Ba gerule Chube ole gire me no age kwian na tanre kle age kare kle mo gbe gerule Chube ole kwian ulita gwa giti agwa ama ta kle bate Chubege. Ba gerule Chube ole gire ba me age ama kle age kare. Ama kle gerule Chube ole jagebanga gdate kwian ngle gwa giti u mo litangwa Chube gerua jwanngwage kaire kle gerule Chube ole jonkare kwian ngleske. Ene ama takalin kwian gwage amadi kaire gerule no ama giti. Ba me age ama kle age kare. Kwian gwage amadi ama takalin kare kwian gerule ama giti: “Kwian e ulia gerunga no Chube ole.” Kwian gerule ene ama giti gire Chube be gerule ama giti: “Kwian e me kle age no, ama kle age ngwale ulita.” Chube be gerule ene ama giti, Chube mi age no ama alin. Ba gerule Chube ole gire, ba jogedale nga sugekarege kwian me ñage gwage badi ngwadi, ene ba ñage mo ta gbe ulia gerule Chube ole, Chube kle ba ole alin allabi gwakabongwadi. Ene Chube che Ñenua gwage badi, uñale amage ba ta mine ama ole, ama ba keruchuge, ba kle age ama takalin kare ñanale ama be age no ba alin ba kle kade kare amage.
’Ba gerule Chube ole gire ba me geru ngwale alin jwen kate ngle kwian me Chube uñe kle age kare. Kwian e kle tañachuge kwian gerudale tanre tanre Chube ole gire Chube ñage ama keruchuge ñage age kwian takalin kare. Ba me age kwian e kare. Chubege uñale trate llema llema ba takalinge, ngerutabi amage uñale llema ba ta kadakalin amage. Ba gerule Chube ole ba gerudale ene:
“Cha Ñenua, ba kle nga ngaña giti, ba no trate ulita, cha takalin kwian ulita gerule no ba giti.
Cha takalin kwian ulita nga ulitage ba gai mo Chugagwallale.
Cha takalin ba age mo ta giti ba ta agekalin kare nga dba ai giti salengwli ba kle age nga ngaña giti kare.
Cha takalin ba bligda kete chage gutadale chui gdale toigda.
Cha agedu me no cha takalin ba talla mlienga, ene kaire daba age me no cha ole cha talla mlienga.
Ba me cha chuge ngwadi che dollage, ene ama me ñage age me no cha ole.
Ba cha jwen siere lle me no ulitage.
Uñale chage ba kwian ulita Chugagwalla ma kweri, ba kiraske ba ñage age ulita mo kiralla giti, ba no no, ba ene diali chui tangle.
Cha gerule ene ulita ba ole cha Ñenua. Ene nobi.”
Ba ulita gerudale ene Chube ole.
’Kaire cha gerule ba ole, kwian agedu me no ba ole ba talla me no mlienga ama agedu me no ba ole giti, ba me tañachuge dare ama agedu me no ba ole giti. Ba age ene talla mlienga daba na agedu me no ba ole giti, ene kaire Chube be talla mlienga ba agedu me no giti, ama mi tañachuge dare ba agedu me no giti. Agwa ba me talla me no mlienga kwian agedu ba ole giti ene kaire agwe Chube mi talla mlienga ba agedu me no giti.

Jesu gerudu dare kwian ole:
—Ba chui gbaite gai mo tke bage bligdage gerudale Chube ole alin allabi, ba kle age ene gire ba me mo gwa gbale olire kwian na tanre kle age kare. Kwian ene kle bage bligdage gerudale Chube ole agwa ama me kle mo ta gbe no ulia Chube ole, ama me kle tañachuge Chube giti ama kle tañachuge mau alin giti, ama takalin daba na gwage amadi ama kwian no Chube gwa giti malen ama mo gwa gbale olire daba na gwa giti, ene chke uñale daba nage ama kle bli ole bage bligdage gdale, ene daba na gwage amadi tai dage amage gerule no ama giti: “Kwian e no Chube ole, ama kle mo tke bage bligdage Chube gwa giti malen Chube be age no ama alin.” Kwian na be gerule ene kwian kle bage takalin kare, agwa cha gerule ba ulita ole, kwian bai kle mo tke bage bligdage ene kwian ulita gwa giti takalin kwian ulita gerule no ama giti age ene ñanale, kwian ene giti Chube mi gerule no mi age no ama alin ama mo tku bage bligdage ñanale. Ba mo tke bage bligdage Chube gwa giti gerudale ama ole ma no ba age kwian na gwa skwlenre, ba mo dodadale trate diali kare me mo gwa gbe olire, ene kwian na gwage badi me chke uñale amage ba kle mo tke bage bligdage Chube gwa giti, ene kwian na me gerule no ba giti ba kle bage bligdage gire. Agwa Chubege alin allabi be chke uñale, Chube ba Ñenua, diali ama kle gwage ba kle age ulitadi, ba age Chube takalin kare ñanale Chube be gerule no ba giti be age no ba alin.

Jesu gerudu dare kwian ole:
—Ba me mo ta gbe tañachuge lle oge mau alin nga dba ai giti diali chui tangle, chui gweale lle e ulita be jogenga ngwale, chubdu kle lle gute kwian ngeru, lle kle joge me no sugaska, kaire kwian skwe boanga kle skwe boi kle lle dbe kwian ngeru, malen ngwale ba tañachuge lle tanre lite ole mau alin nga dba ai giti. Ma no ba tañachuge Chube giti, ba age ulita nga dba ai giti Chube takalin kare gire Chube be lle no oge nga ngaña giti ba alin ba age no ñanale. Ba joge toi ama ole nga ngaña giti chuia chke, chui ege Chube be age no no ba alin be lle no e kete bage ba agedu no nga dba ai giti ama takalin kare ñanale. Nga ngaña giti lle ketabe bage mi jogenga ngwale dale, chubdu me lle gute ba ngeru, lle me joge me no sugaska, ni kwian skwe boanga kle nga ngaña giti, lle ulita be chege no trate diali dale alin. Ba mo ta gbe lle lite ole tanre mau alin nga dba ai giti, ba be kle tañachuge diali lle nga dba ai giti alinge, ba be ta jogenga tañachuge Chube giti. Agwa ba mo ta gbe diali tachke Chube giti age ama takalin kare nga dba ai giti, ba ta be kle ule diali Chube ole nga ngaña giti tañachuge Chube giti alin allabi.

Jesu gerudu:
—Ba gwagwa kle ba gbe ten, ba gwagwa kle no me oga, ene ba ñage ten no trate ulita. Ene kaire kwian bai kle chage no trate Chube takalin kare ama kwian gwagwa no kare chage nga chra no giti. Agwa ba gwagwa oga ba me ñage ten no trate, ba kle chage nga jereske. Ene kaire kwian bai me kle chage trate Chube geruadi kle chage age me no diali ama kwian gwagwa me no kare chage nga jereske, ama ñage boi tirare nga jereske, kwian ene kare kle chage sugekare Chubege age tanre me no, ni suge amage Chube takalin ama toi mine no trate Chube gwa giti, ulia kwian ene kle chage nga jereske.

Jesu gerudu:
—Ni kwian gdaite ñage lle boi no chugagwalla gdaboke alin. Kwian mo ta gbe lle boi no chugagwalla gdaite alin, kwian me ñage lle boi no chugagwalla na alin kaire. Kwian lle boi chugagwalla gdaboke alin gire kwian mo ta dbe no chugagwalla gdaitre alin ole, chugagwalla na ole ama me mo ta dbe no dale, ama be jainchke chugagwalla edi. Ene kaire ba mo ta gbadale tañachuge lle boi no Chube alin me tañachuge diali igi gai giti lle lite ole ngle mau alin giti, ma no ba mo ta gbe tañachuge Chube giti alin allabi toi ama takalin kare. Ba mo ta dbe no igi alin ole ba me ñage mo ta dbe no Chube ole, ma no tañachuge Chube alin giti, me tañachuge lle boke giti ule.
’Cha gerule ba ole, ba me mo ta dbe tañachuge tanre diali lle toigda alin giti, ba be llema gute ba be llema jai toigda chui bdugu, llema giti ba be mo ngama tke. Noare ba bligda molen gutadale, noare ba chi molen jadale, noare ba ñometra molen mo ngama tkagda, agwa me no tañachuge tanre diali bligda alin giti chi alin giti ñometra alin giti mo alin toigda. Chube ba dodadu ama ba gbu toi gwade, ene kaire Chube be lle ulita kete bage toigda, malen ma no ba mo ta gbe tañachuge diali Chube giti me lle alin allabi giti toigda no nga dba ai giti. Ba ulita tachkedale bdada giti, bdada me kle chude ngama gbe, me kle chude tke, me kle bligda lite ole ogadale, me kle lle boi dale agwa kle toi no, ba Ñenua Chube kle ama manade, Chube kle bligda kete bdadage gutadale. Chube alin ba ma ñanaske bdadage, bdada me ñanaske ba kare Chube gwa giti agwa Chube kle ama manade no, ene kaire bage sugedale Chube be ba manade no diali. Ngwale ba tañachuge tanre lle ulita giti mo alin toigda, tañachuge tanre ene kare giti ba me ñage chui na dare gai mo alin toingwa, chui be chke ba alin jogeda gire ba be jogeda diali. Ngwale ba tañachuge tanre lle toigda giti, Chube kle ba manade.
’¿Mineade ba kle mo ta gbe tañachuge tanre ñometra giti mo ngama tkagda? Ba ulita tachkedale glijra giti, che gwage glijradi glijra noare, diali glijra meñe no, e Chube kle gbe ene, glijra me lle boi dale, meñe no alin allabi. Cha gerule ba ole, kwian chugagwalla unsuialin kada Salomón, ama kwian kweri, ama mo ngama tku ñometra noareske, agwa glijra ma noare Salomón ñometrallage. Chube glijra gbe tige no, nege glijra kle no, suialin gire glijra kwenga. Glijra me ñanaske ba kare Chube gwa giti agwa Chube kle glijra gbe skiennga no, Chube gwa giti ba ñanaske tanre ama be ba manade no diali, lle gweale me ba ole toigda Chube be lle e kete bage. Ba me kle Chube gai ulia Chube ñage ba manade no, ba mo ta gbadale me tañachuge ene dare, ulia Chube be ba manade no diali, ba ama gadale ulia. Ba Chube uñe malen ba me mo ta dbadale olire lle toigda nate, ba be llema gute, ba be llema jai, llema giti ba be mo ngama tke. Kwian me Chube uñe ulita diali kle mo ta dbe olire lle toigda nate. Agwa ba Chubenu, Chube ba Ñenua nga ngaña giti, amage uñale ba takalin llemage ene ba toi no nga dba ai giti. Ba mo ta gbadale Chube gai ma no diali mo Chugagwallale, ba ama gadale dage, ba mo ta gbadale age no trate ama takalin kare diali, ene Chube be ba manade no be lle toigda kete bage lle bai me ba ole ene ba toi no nga dba ai giti. Malen ba me tañachugadale tanre ba be toi llema giti suialindale, suialin chui be kle tañachugangwa, ba me tañachuge nege be boi gweale suialin giti, ba me chegedale tañachuge tanre e giti Chube be ba manade be ba chudaboi be boi gweale giti ba ole.

Yoka Mateo 6