If you have would like a copy of this version please contact info@davarpartners.org

Text: Yalunka Old Testament, CC-BY-SA-4.0, Pioneer Bible Translators, 2012. -- Audio: Yalunka Old Testament Audio Bible, CC-BY-SA-4.0, Davar Partners International, 2022

Yalunka Old Testament

<div class="version vid620 iso6393yal" data-vid="620" data-iso6393="yal">
 <div class="book bkGEN">
 <div class="chapter ch17" data-usfm="GEN.17">
 <div class="label">17</div><div class="s">Iburama xinla max&#603;t&#603; fena</div><div class="p"> 1Iburama to &#626;&#603;&#603; tonge solomanaanin &#626;&#603;&#603; solomanaanin ti siimayaan na, Alatala yi mini a xa, a fa ito fala a xa, a naxa, &#8220;Ala S&#603;nb&#603; Kanna nan n tan na. I sigati kiin xa kamali n y&#603;&#603; ra yi. 2N fama layirin tongodeni i tan nun n tan tagi. N m&#596;n fama n&#603;n b&#596;ns&#596;n gbeen fideni i ma.&#8221; 3Iburama yi bira, a a y&#603;tagin lan b&#596;x&#596;n ma. 4Ala yi a fala a xa, a naxa, &#8220;N ma layirin ni i ra n naxan tongoxi i tan nun n tan tagi. I findima n&#603;n siya wuyaxine benban na. 5I xinla mi falama s&#596;n&#596;n Iburama,#17.5 Iburama bunna n&#603;&#603;n fa fala &#8220;Fafa binyena.&#8221; Iburahima bunna n&#603;&#603;n fa fala &#8220;Yama gbeen fafe.&#8221; i xinla falama n&#603;n fa fala Iburahima, bayo n na i findima n&#603;n siya wuyaxine benban na. 6N na i findima n&#603;n yama gbeen benban na. I diine s&#596;t&#596;ma n&#603;n naxanye findima siya wuyaxine ra. Mangane fan minima n&#603;n i ya diine tagi. 7N nan n ma layirin nakamalima n&#603;n i tan nun n tan tagi, hali i dangu xanbini, e nun i b&#596;ns&#596;nne fan yix&#603;t&#603;n fan b&#596;ns&#596;n b&#596;ns&#596;n. A findima habadan layirin nan na. Nayi, n tan nan i ya Ala ra, e nun i b&#596;ns&#596;nna hali i dangu xanbini. 8I tan nun i b&#596;ns&#596;nna, n fama n&#603;n b&#596;x&#596;n fideni &#603; ma, i findixi x&#596;&#626;&#603;n na d&#603;naxan yi iki. Kanan b&#596;x&#596;n birin findima n&#603;n e gbeen na habadan! N tan nan e Ala ra.&#8221;</div><div class="p"> 9Ala m&#596;n yi a fala Iburahima xa, a naxa, &#8220;I tan nun i b&#596;ns&#596;nna fan yix&#603;t&#603;n b&#596;ns&#596;n b&#596;ns&#596;nna, &#603; lan n&#603;n &#603; xa n ma layirin nakamali. 10En ma layirin ni i ra, n naxan saxi &#603; ma, &#603; lan &#603; xa naxan nakamali, i tan nun i b&#596;ns&#596;nne: Naxan birin findixi x&#603;m&#603;n na &#603; tagi, e birin lan n&#603;n e xa banxulan. 11&#400; xa na banxulanna findi layiri taxamasenna ra &#603; tan nun n tan tagi. 12Keli &#603; tan ma, sa d&#596;x&#596; &#603; b&#596;ns&#596;n b&#596;ns&#596;nna ra, a birin lan n&#603;n, naxan yo barin n&#603;ma fa xii solomas&#603;x&#603; ti, a xa banxulan. Na sariyan lan n&#603;n a xa sa &#603; konyine fan ma naxanye &#603; yii, naxanye barixi &#603; konni, e nun konyin naxanye saraxi b&#596;x&#596; gb&#603;t&#603;ni, hali a mi fa i b&#596;ns&#596;nni. 13Na kui, konyin naxanye barixi i konni e nun i naxan fan saraxi, e birin lan n&#603;n e xa banxulan, alogo n ma layirin taxamasenna xa lu &#603; fatin ma habadan! 14X&#603;m&#603;n naxan na lu a fatin mi banxulanxi, a fama n&#603;n naminideni &#603; b&#596;ns&#596;nni, bayo a mi layirin nakamalixi.&#8221;</div><div class="p"> 15Na xanbi, Ala yi a fala Iburahima xa, a naxa, &#8220;I nama i ya &#626;axanla xinla fala s&#596;n&#596;n de, &#8216;Sarayi,&#8217; a fa xili n&#603;n &#8216;Saran.&#8217; 16N na a barakama n&#603;n, a fama dii x&#603;m&#603;n barideni n&#603;n i xa. N na a barakama n&#603;n, a fama findideni n&#603;n siya gbeen benban na. Yamana wuyaxin mangane fama minideni n&#603;n a diine yi.&#8221; 17Iburahima yi bira, a yi a y&#603;tagin lan b&#596;x&#596;n ma, a yi gele. A yi a fala a b&#596;&#626;&#603;ni, a naxa, &#8220;N tan naxan bata &#626;&#603;&#603; k&#603;m&#603; ti siimayaan na, n m&#596;n n&#596;&#603; diin s&#596;t&#603; ba? Saran naxan fan bata &#626;&#603;&#603; tonge solomanaanin ti siimayaan na, a fa n&#596;&#603; diin bar&#603; ba?&#8221; 18A yi a fala Ala xa, a naxa, &#8220;I &#626;&#596;x&#596; lu Sumayila x&#596;n ma tun!&#8221; 19Ala yi a fala, a naxa, &#8220;&#400;n-&#603;n! I ya &#626;axanla Saran fama dii x&#603;m&#603;n barideni n&#603;n i xa, i naxan xili sama Isiyaga.#17.19 Isiyaga bunna n&#603;&#603;n fa fala &#8220;A gelema.&#8221; N nan n ma layirin nakamalima n&#603;n n tan nun a tan tagi e nun a b&#596;ns&#596;nna hali a faxa xanbini. Layirin naxan mi kalama habadan! 20Na xanbi, n bata i ya maxandin nasuxu Sumayila fe ra. N na barakama n&#603;n, n m&#596;n dii gbegbe bari feen nagidima a ma n&#603;n, n b&#596;ns&#596;n wuyaxin fima n&#603;n a ma. A findima n&#603;n manga dii fu nun firinne baba ra, e nun siya xungbe kanna ra. 21Koni, naxan findixi n ma layirin na, n fama na rakamalideni n tan nun Isiyaga nan tagi. Saran fama n&#603;n dii x&#603;m&#603;n barideni i xa i &#626;&#596;x&#596;n waxati faraxi.&#8221; 22Ala to yelin na fal&#603;, a yi keli Iburahima xun ma.</div><div class="p"> 23Iburahima yi a diin Sumayila tongo e nun a konyin naxanye barixi a konni, e nun a naxanye saraxi. X&#603;m&#603;n naxanye birin a banxini, a yi e birin banxulan na l&#596;x&#596;ni alo Ala a yamari kii naxan yi. 24Iburahima siin &#626;&#603;&#603; tonge solomanaanin &#626;&#603;&#603; solomanaanin nan yi a ra, 25a dii Sumayila tan bata yi &#626;&#603;&#603; fu nun saxan ti, e banxulanxi waxatin naxan yi. 26E yi e birin banxulan l&#596;x&#596; keden 27e nun x&#603;m&#603;n naxanye birin yi Iburahimaa banxini, konyin naxanye barixi a konni, e nun a naxanye fan saraxi keli yamana gb&#603;t&#603; yi.</div>
 </div>
 </div>
</div>

© 2012 Traducteurs Pionniers de la Bible © 2012 Pioneer Bible Translators This work is licensed under the Creative Commons Attribution ShareAlike 4.0 license  https://creativecommons.org/licenses/by-sa/4.0/ 

Iburama to ɲɛɛ tonge solomanaanin ɲɛɛ solomanaanin ti siimayaan na, Alatala yi mini a xa, a fa ito fala a xa, a naxa, “Ala Sɛnbɛ Kanna nan n tan na. I sigati kiin xa kamali n yɛɛ ra yi. N fama layirin tongodeni i tan nun n tan tagi. N mɔn fama nɛn bɔnsɔn gbeen fideni i ma.” Iburama yi bira, a a yɛtagin lan bɔxɔn ma. Ala yi a fala a xa, a naxa, “N ma layirin ni i ra n naxan tongoxi i tan nun n tan tagi. I findima nɛn siya wuyaxine benban na. I xinla mi falama sɔnɔn Iburama, i xinla falama nɛn fa fala Iburahima, bayo n na i findima nɛn siya wuyaxine benban na. N na i findima nɛn yama gbeen benban na. I diine sɔtɔma nɛn naxanye findima siya wuyaxine ra. Mangane fan minima nɛn i ya diine tagi. N nan n ma layirin nakamalima nɛn i tan nun n tan tagi, hali i dangu xanbini, e nun i bɔnsɔnne fan yixɛtɛn fan bɔnsɔn bɔnsɔn. A findima habadan layirin nan na. Nayi, n tan nan i ya Ala ra, e nun i bɔnsɔnna hali i dangu xanbini. I tan nun i bɔnsɔnna, n fama nɛn bɔxɔn fideni ɛ ma, i findixi xɔɲɛn na dɛnaxan yi iki. Kanan bɔxɔn birin findima nɛn e gbeen na habadan! N tan nan e Ala ra.”
Ala mɔn yi a fala Iburahima xa, a naxa, “I tan nun i bɔnsɔnna fan yixɛtɛn bɔnsɔn bɔnsɔnna, ɛ lan nɛn ɛ xa n ma layirin nakamali. En ma layirin ni i ra, n naxan saxi ɛ ma, ɛ lan ɛ xa naxan nakamali, i tan nun i bɔnsɔnne: Naxan birin findixi xɛmɛn na ɛ tagi, e birin lan nɛn e xa banxulan. Ɛ xa na banxulanna findi layiri taxamasenna ra ɛ tan nun n tan tagi. Keli ɛ tan ma, sa dɔxɔ ɛ bɔnsɔn bɔnsɔnna ra, a birin lan nɛn, naxan yo barin nɛma fa xii solomasɛxɛ ti, a xa banxulan. Na sariyan lan nɛn a xa sa ɛ konyine fan ma naxanye ɛ yii, naxanye barixi ɛ konni, e nun konyin naxanye saraxi bɔxɔ gbɛtɛni, hali a mi fa i bɔnsɔnni. Na kui, konyin naxanye barixi i konni e nun i naxan fan saraxi, e birin lan nɛn e xa banxulan, alogo n ma layirin taxamasenna xa lu ɛ fatin ma habadan! Xɛmɛn naxan na lu a fatin mi banxulanxi, a fama nɛn naminideni ɛ bɔnsɔnni, bayo a mi layirin nakamalixi.”
Na xanbi, Ala yi a fala Iburahima xa, a naxa, “I nama i ya ɲaxanla xinla fala sɔnɔn de, ‘Sarayi,’ a fa xili nɛn ‘Saran.’ N na a barakama nɛn, a fama dii xɛmɛn barideni nɛn i xa. N na a barakama nɛn, a fama findideni nɛn siya gbeen benban na. Yamana wuyaxin mangane fama minideni nɛn a diine yi.” Iburahima yi bira, a yi a yɛtagin lan bɔxɔn ma, a yi gele. A yi a fala a bɔɲɛni, a naxa, “N tan naxan bata ɲɛɛ kɛmɛ ti siimayaan na, n mɔn nɔɛ diin sɔtɛ ba? Saran naxan fan bata ɲɛɛ tonge solomanaanin ti siimayaan na, a fa nɔɛ diin barɛ ba?” A yi a fala Ala xa, a naxa, “I ɲɔxɔ lu Sumayila xɔn ma tun!” Ala yi a fala, a naxa, “Ɛn-ɛn! I ya ɲaxanla Saran fama dii xɛmɛn barideni nɛn i xa, i naxan xili sama Isiyaga. N nan n ma layirin nakamalima nɛn n tan nun a tan tagi e nun a bɔnsɔnna hali a faxa xanbini. Layirin naxan mi kalama habadan! Na xanbi, n bata i ya maxandin nasuxu Sumayila fe ra. N na barakama nɛn, n mɔn dii gbegbe bari feen nagidima a ma nɛn, n bɔnsɔn wuyaxin fima nɛn a ma. A findima nɛn manga dii fu nun firinne baba ra, e nun siya xungbe kanna ra. Koni, naxan findixi n ma layirin na, n fama na rakamalideni n tan nun Isiyaga nan tagi. Saran fama nɛn dii xɛmɛn barideni i xa i ɲɔxɔn waxati faraxi.” Ala to yelin na falɛ, a yi keli Iburahima xun ma.
Iburahima yi a diin Sumayila tongo e nun a konyin naxanye barixi a konni, e nun a naxanye saraxi. Xɛmɛn naxanye birin a banxini, a yi e birin banxulan na lɔxɔni alo Ala a yamari kii naxan yi. Iburahima siin ɲɛɛ tonge solomanaanin ɲɛɛ solomanaanin nan yi a ra, a dii Sumayila tan bata yi ɲɛɛ fu nun saxan ti, e banxulanxi waxatin naxan yi. E yi e birin banxulan lɔxɔ keden e nun xɛmɛn naxanye birin yi Iburahimaa banxini, konyin naxanye barixi a konni, e nun a naxanye fan saraxi keli yamana gbɛtɛ yi.

Yoka Dunuɲa Fɔlɔna 17