A tekst disi kmoto fu: Wortu fu Gado © Surinaams Bijbelgenootschap 2016 Recording of Old Testament ℗ Hosanna, 2021

Sranan Tongo - 2016 SURBS (OT) Non Drama

<div class="version vid3984 iso6393srn" data-vid="3984" data-iso6393="srn">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="p"> 1Neti yuru, den tu engel kon doro na Sodom. Lot ben sidon na a bigi doro pe yu e kon ini a foto. Di a si den a opo, a waka miti den, dan a boigi dipi gi den. 2A taki: &#8220;Mi Masra, mi e begi unu, un drai kon na a oso fu un knekti. Un kan wasi un futu &#232;n psa a neti na mi, dan tamara mamanten un kan go moro fara.&#8221; Ma den piki en taki: &#8220;Nono, wi o psa a neti tapu a pren.&#8221; 3Ma Lot tan aksi den te leki den go nanga en na en oso. Drape a poti nyanyan gi den. A baka brede tu di ben meki sondro dyesi, dan den nyan.</div><div class="p"> 4Den no ben go didon srefi ete di ala den man fu a foto Sodom lontu a oso, yonguwan nanga owruwan. No wan no ben tan na baka. 5Den bari gi Lot taki: &#8220;Pe den man de di o psa a neti na yu oso? Tyari den kon na dorosei meki un sribi nanga den.&#8221; 6Lot go na dorosei, ma a hari a doro tapu na en baka. 7Dan a taigi den taki: &#8220;Mi e begi un brada, un no du a ogri sani dati. 8Luku, mi abi tu umapikin di noiti no sribi nanga wan man ete. Mi sa tyari den kon na dorosei. Dan un kan du nanga den san un wani. Ma un no du den man disi noti, bika den de ini mi oso &#232;n mi no kan meki wan sani miti den.&#8221; 9Ma den man taigi Lot taki: &#8220;Kmoto na pasi.&#8221; Den taki tu taki: &#8220;Ensrefi no de fu a foto disi, dan a wan kon taigi wi san wi mus du. Efu yu no luku bun wi o du moro ogri nanga yu leki san wi o du nanga den.&#8221; Dan den bigin waka kon na Lot tapu fu pusu en poti na wan sei, fu den ben kan broko a doro opo. 10Ne den man di ben de ini a oso grabu Lot, den hari en kon na inisei, dan den sroto a doro. 11Dan den breni den man di ben de na dorosei, bigiwan nanga pikinwan. So den ben e du ala muiti, ma den no ben man feni a doro moro.</div><div class="p"> 12Dan den man aksi Lot taki: &#8220;Yu abi tra famiri dyaso ete? Efu yu abi manpikin nanga umapikin, efu den umapikin fu yu abi masra, noso awinsi sortu tra famiri yu abi dyaso ete, teki den kmoto fu a foto disi. 13Wi o figi a foto disi puru fu grontapu. Bika MASRA yere den hebi kragi fu den sani di e psa ini Sodom nanga Gomora. Den kon furu trutru. Dat' meki MASRA seni wi fu figi a foto disi puru na grontapu.&#8221; 14So Lot opo go na den man di ben o trow nanga den umapikin fu en, dan a taigi den taki: &#8220;Opo, gwe libi a presi disi, bika MASRA o figi a foto disi puru.&#8221; Ma den ben denki taki na spotu Lot e meki.</div><div class="p"> 15Di dei opo den man taigi Lot fu a no draidrai moro. Den taigi en taki: &#8220;Opo, teki yu frow nanga den tu umapikin fu yu, di de dyaso nanga yu, dan un gwe. Efu yu tan yu o dede tu te a foto disi o kisi en strafu.&#8221; 16Ma Lot ben e draidrai ete. Ne den man grabu en nanga en frow nanga den tu umapikin fu en na den anu, tyari den kmoto ini a foto, bika MASRA ben abi sari-ati nanga Lot. 17Di den kmoto ini a foto, wan fu den man taigi den taki: &#8220;Un lon gi un libi. No luku na baka &#232;n no tan tnapu no wan presi dyaso ini a dal. Un lon es'esi go na den bergi noso un o dede tu.&#8221; 18Ma Lot taigi en taki: &#8220;Nono, Masra. 19Luku, yu ben abi prisiri nanga yu knekti. Yu du mi wan bigi bun fu meki mi tan na libi, ma mi no o man lowe go na den bergi. A ogri o miti mi fosi mi doro drape &#232;n mi o dede. 20Luku, a pikin foto drape de krosbei nofo fu mi lon go. Na wan pikin foto nomo. Meki mi lon go drape, dan mi sa tan na libi.&#8221; 21Ne a man taigi en taki: &#8220;A bun, mi sa du san yu aksi mi. Mi no sa figi a foto dati puru na grontapu. 22Lowe es'esi go drape, bika mi no man du noti solanga yu no doro drape.&#8221; Dat' meki den e kari a foto dati Soar.#19:22 Soar wani taki: pikin.</div><div class="p"> 23Dei ben e opo kba, di Lot doro na ini Soar. 24Dan MASRA meki faya nanga kroiti fadon fu heimel tapu Sodom nanga Gomora. 25A figi den foto disi nanga a heri kontren puru na grontapu. A kiri ala den sma fu den foto nanga ala sani di ben e gro drape. 26Ma a frow fu Lot ben drai luku na baka. Dan a tron wan sowtupostu.</div><div class="b"></div><div class="p"> 27Abraham ben go fruku mamanten na a presi pe a ben tan tnapu nanga MASRA. 28A luku go na a sei fu Sodom nanga Gomora nanga a heri kontren drape. Di a luku, a si fa smoko e opo fu gron go na loktu leki a smoko fu wan bigi onfu.</div><div class="p"> 29Ma Gado sori taki A no ben fergiti Abraham. A no ben meki Lot dede di A figi den foto puru na grontapu, di ben de ini a kontren fu a Yordanliba, pe Lot ben e libi.</div><div class="b"></div><div class="p"> 30Ma Lot ben frede fu tan na ini Soar. So a kmoto fu drape dan en nanga den tu umapikin fu en hari go na den bergi. Drape den go tan na ini wan bergi-olo. 31Dan a fosi umapikin fu Lot taigi en pikin s'sa taki: &#8220;Tra mansma no de ini a kontren fu teki wi leki uma, leki fa a musu. Wi p'pa srefi no de so yongu moro. 32Kon meki wi gi wi p'pa win fu dringi, dan wi kan didon nanga en, &#232;n meki pikin gi en.&#8221; 33Dan den gi den p'pa win fu dringi a neti dati. Dan a fosi umapikin go didon nanga en p'pa. Lot no ben sabi srefi oten a pikin ben kon didon nanga en, nanga oten a gwe baka. 34A tra mamanten fu en a fosi umapikin fu Lot taigi en pikin s'sa taki: &#8220;Arki, esde neti mi didon nanga p'pa. Meki wi gi en win fu dringi tide neti tu. Dan yu kan go didon nanga en, &#232;n meki pikin gi en.&#8221; 35So den kon gi den p'pa win fu dringi a neti dati tu. Dan a yonguwan go didon nanga en p'pa. Lot no ben sabi srefi oten a pikin ben kon didon nanga en, nanga oten a gwe baka. 36Na so ala den tu umapikin fu Lot hori bere fu den p'pa. 37A fosiwan kisi wan boi di a gi a nen fu Moab. Den Moabitisma di wi sabi tide, na den bakapikin fu en. 38A pikin s'sa kisi wan boi tu di a gi a nen fu Ben-Ami. Den Amonitisma di wi sabi tide, na den bakapikin fu en.</div>
 </div>
 </div>
</div>

Tekst © Surinaams Bijbelgenootschap 2016

Neti yuru, den tu engel kon doro na Sodom. Lot ben sidon na a bigi doro pe yu e kon ini a foto. Di a si den a opo, a waka miti den, dan a boigi dipi gi den. A taki: “Mi Masra, mi e begi unu, un drai kon na a oso fu un knekti. Un kan wasi un futu èn psa a neti na mi, dan tamara mamanten un kan go moro fara.” Ma den piki en taki: “Nono, wi o psa a neti tapu a pren.” Ma Lot tan aksi den te leki den go nanga en na en oso. Drape a poti nyanyan gi den. A baka brede tu di ben meki sondro dyesi, dan den nyan.
Den no ben go didon srefi ete di ala den man fu a foto Sodom lontu a oso, yonguwan nanga owruwan. No wan no ben tan na baka. Den bari gi Lot taki: “Pe den man de di o psa a neti na yu oso? Tyari den kon na dorosei meki un sribi nanga den.” Lot go na dorosei, ma a hari a doro tapu na en baka. Dan a taigi den taki: “Mi e begi un brada, un no du a ogri sani dati. Luku, mi abi tu umapikin di noiti no sribi nanga wan man ete. Mi sa tyari den kon na dorosei. Dan un kan du nanga den san un wani. Ma un no du den man disi noti, bika den de ini mi oso èn mi no kan meki wan sani miti den.” Ma den man taigi Lot taki: “Kmoto na pasi.” Den taki tu taki: “Ensrefi no de fu a foto disi, dan a wan kon taigi wi san wi mus du. Efu yu no luku bun wi o du moro ogri nanga yu leki san wi o du nanga den.” Dan den bigin waka kon na Lot tapu fu pusu en poti na wan sei, fu den ben kan broko a doro opo. Ne den man di ben de ini a oso grabu Lot, den hari en kon na inisei, dan den sroto a doro. Dan den breni den man di ben de na dorosei, bigiwan nanga pikinwan. So den ben e du ala muiti, ma den no ben man feni a doro moro.
Dan den man aksi Lot taki: “Yu abi tra famiri dyaso ete? Efu yu abi manpikin nanga umapikin, efu den umapikin fu yu abi masra, noso awinsi sortu tra famiri yu abi dyaso ete, teki den kmoto fu a foto disi. Wi o figi a foto disi puru fu grontapu. Bika MASRA yere den hebi kragi fu den sani di e psa ini Sodom nanga Gomora. Den kon furu trutru. Dat' meki MASRA seni wi fu figi a foto disi puru na grontapu.” So Lot opo go na den man di ben o trow nanga den umapikin fu en, dan a taigi den taki: “Opo, gwe libi a presi disi, bika MASRA o figi a foto disi puru.” Ma den ben denki taki na spotu Lot e meki.
Di dei opo den man taigi Lot fu a no draidrai moro. Den taigi en taki: “Opo, teki yu frow nanga den tu umapikin fu yu, di de dyaso nanga yu, dan un gwe. Efu yu tan yu o dede tu te a foto disi o kisi en strafu.” Ma Lot ben e draidrai ete. Ne den man grabu en nanga en frow nanga den tu umapikin fu en na den anu, tyari den kmoto ini a foto, bika MASRA ben abi sari-ati nanga Lot. Di den kmoto ini a foto, wan fu den man taigi den taki: “Un lon gi un libi. No luku na baka èn no tan tnapu no wan presi dyaso ini a dal. Un lon es'esi go na den bergi noso un o dede tu.” Ma Lot taigi en taki: “Nono, Masra. Luku, yu ben abi prisiri nanga yu knekti. Yu du mi wan bigi bun fu meki mi tan na libi, ma mi no o man lowe go na den bergi. A ogri o miti mi fosi mi doro drape èn mi o dede. Luku, a pikin foto drape de krosbei nofo fu mi lon go. Na wan pikin foto nomo. Meki mi lon go drape, dan mi sa tan na libi.” Ne a man taigi en taki: “A bun, mi sa du san yu aksi mi. Mi no sa figi a foto dati puru na grontapu. Lowe es'esi go drape, bika mi no man du noti solanga yu no doro drape.” Dat' meki den e kari a foto dati Soar.
Dei ben e opo kba, di Lot doro na ini Soar. Dan MASRA meki faya nanga kroiti fadon fu heimel tapu Sodom nanga Gomora. A figi den foto disi nanga a heri kontren puru na grontapu. A kiri ala den sma fu den foto nanga ala sani di ben e gro drape. Ma a frow fu Lot ben drai luku na baka. Dan a tron wan sowtupostu.

Abraham ben go fruku mamanten na a presi pe a ben tan tnapu nanga MASRA. A luku go na a sei fu Sodom nanga Gomora nanga a heri kontren drape. Di a luku, a si fa smoko e opo fu gron go na loktu leki a smoko fu wan bigi onfu.
Ma Gado sori taki A no ben fergiti Abraham. A no ben meki Lot dede di A figi den foto puru na grontapu, di ben de ini a kontren fu a Yordanliba, pe Lot ben e libi.

Ma Lot ben frede fu tan na ini Soar. So a kmoto fu drape dan en nanga den tu umapikin fu en hari go na den bergi. Drape den go tan na ini wan bergi-olo. Dan a fosi umapikin fu Lot taigi en pikin s'sa taki: “Tra mansma no de ini a kontren fu teki wi leki uma, leki fa a musu. Wi p'pa srefi no de so yongu moro. Kon meki wi gi wi p'pa win fu dringi, dan wi kan didon nanga en, èn meki pikin gi en.” Dan den gi den p'pa win fu dringi a neti dati. Dan a fosi umapikin go didon nanga en p'pa. Lot no ben sabi srefi oten a pikin ben kon didon nanga en, nanga oten a gwe baka. A tra mamanten fu en a fosi umapikin fu Lot taigi en pikin s'sa taki: “Arki, esde neti mi didon nanga p'pa. Meki wi gi en win fu dringi tide neti tu. Dan yu kan go didon nanga en, èn meki pikin gi en.” So den kon gi den p'pa win fu dringi a neti dati tu. Dan a yonguwan go didon nanga en p'pa. Lot no ben sabi srefi oten a pikin ben kon didon nanga en, nanga oten a gwe baka. Na so ala den tu umapikin fu Lot hori bere fu den p'pa. A fosiwan kisi wan boi di a gi a nen fu Moab. Den Moabitisma di wi sabi tide, na den bakapikin fu en. A pikin s'sa kisi wan boi tu di a gi a nen fu Ben-Ami. Den Amonitisma di wi sabi tide, na den bakapikin fu en.

Yoka Genesis 19