Ladakhi Bible by The Love Fellowship is licensed under Creative Commons Attribution-ShareAlike 4.0 License.

لُوکے شوقبُوئ سکور۔
ای شوقبُو ڈیکھان لُوکے ”مسیح رسُول گُونی چھاگلاسّی“ سپیچھانگ ڈِیازادتے اینوگ۔ کھونگ گیالّا سیلکھان امچھی یانگنا ڈوگٹار، یہُودی مانکھان ایمان چان تانگ رسُول حضرت پولُسی ٹوپاجیگ اینپین۔ ای شوقبُو بو حضرت عیسیٰ سی ڈونگستے سونتیا جانگستے ستینگنے لو نییشو تسابگیادّی نیکھورلا ڈِیازادتے اینوگ۔
کھونگی ای شوقبُو بو تھیُفِلُس زیرکھانبوا ڈِیا زادس۔ ای نانّگا لُوکے ڈیکھانگون گیُودتے کھو ما کھاگچان سپونبو تانگ حضرت عیسیٰ مسیح کا ایمان چوکھانجیگ اینکھانبو نگاتانّگا ہاگوانوگ۔
لُوکے ای شوقبُو ڈِیازادچیسّی گیونتشانگون۔
ٹانگپو دُنیائی می گونّی پھیا حضرت عیسیٰ مسیحاخُدے لدامّا زادکھانّی کھوم چُوک کھن اینکھانبو سالپو چوستے ستانچیس۔
نیسپا حضرت عیسیٰ سی میتشیے، کھونگ لتامسپانے ٹونگسشیس ماتشاد سونتیا جانّگا زادکھان تشوگپا، توس مانگپوے سنگونلا خُدے پیغمبر گونّی لونگستان سالکھان تشانگما ڈوبچوگّا زادکھانبو شادچیس۔
سومپا حضرت عیسیٰ سی میتشیبو چیتشانگمے نانّگا سوسو، میگسال، چیگ چیگ مانے میدکھانبو ستانچیس۔
جیپا حضرت عیسیٰ سی ردوگنگال تھونگستے کیانگشینگیکا شیگوسنانگ یروشالیمّا سکیودچیسّی تھاگچاد ماستانپو یودپین۔چیازیرنا تیگون یانگ کھونگ سونتیا ژانگسشیس گیُودتے دُنیائی می گونّی پھیا کھونگ کھوم چُوک کھن گیورچیسّی خُدے تھابسلدینگسپو ڈانڈا ڈوبچیس تھوگیوس یودپین ۔

Yoka لوکا ‮لُوکے شوقبُوئ سکور۔‬