<div class="version vid2892 iso6393sas" data-vid="2892" data-iso6393="sas">
 <div class="book bkACT">
 <div class="chapter ch2" data-usfm="ACT.2">
 <div class="label">2</div><div class="s">Kerauhan Roh Suci</div><div class="p"> 1 # 
 Im. 23:15-21; Ul. 16:9-11 Sewaktu sampun wayene jelo Pentakosta, selapuq dengan percaye bekumpul l&#233;q sopoq taoq. 2Selung-selung kedengahan suare l&#233;man langit maraq angin saq keras. Bal&#233; taoq dengan-dengan nike kenyeke melinggih selapuqne penoq siq suare nike. 3Beterus ie pade serioq &#233;laq-&#233;laq maraq nyale api lampaq ojok emb&#233;-emb&#233;, dait nyontoq tipaq ie pade sopoq-sopoq. 4Ie pade selapuq tepenoqin siq Roh Suci, dait mulai ngeraos kadu macem-macem base saq lain. Ie pade ngeraos maraq saq teicanin siq Roh nike tipaq ie pade jari teucapang.</div><div class="p"> 5L&#233;q waktu nike luw&#233;q dengan Yahudi saq sol&#233;h, l&#233;man macem-macem negeri l&#233;q seant&#233;ro dunie, ndot l&#233;q Yerusalem. 6Sewaktu kedengahan suare nike, luw&#233;q gati dengan-dengan bekerimpun. Ie pade selapuq bingung dengah dengan-dengan percaye nike ngeraos kadu base ie pade sopoq-sopoq. 7Ie pade bengaq dait takjub terus bebase, &#8220;Tekan dengan-dengan saq ngeraos niki selapuqne dengan-dengan Galilea? 8Segerah ite dengah ie pade ngeraos kadu base saq ite kadu l&#233;q negeri asalte? 9Ite dengan-dengan l&#233;man Partia, Media, Elam, l&#233;man Mesopotamia, Yudea dait Kapadokia; l&#233;man Pontus dait Asia, 10l&#233;man Prigia dait Pampilia, l&#233;man Mesir dait da&#233;rah-da&#233;rah Libia d&#233;k&#233;t Kirene; l&#233;q antare ite araq saq dateng l&#233;man Roma, 11araq dengan-dengan Yahudi dait araq &#233;ndah dengan bangse-bangse lain saq sampun tame agame Yahudi; araq &#233;ndah saq dateng l&#233;man Kreta dait Arab. Ite selapuq dengah ie pade ngeraos kadu basente sopoq-sopoq mengenai hal-hal saq ajaip saq telaksaneang siq Allah!&#8221; 12Ie pade selapuq bengaq dait takjub terus beketuan sopoq kance saq lain, &#8220;Napi artine niki?&#8221;</div><div class="p"> 13Laguq araq &#233;ndah dengan-dengan saq nyindir. Basene, &#8220;Dengan-dengan nike kenyeke bowos siq anggur manis!&#8221;</div><div class="s">Hotbah Petrus</div><div class="p"> 14Beterus Petrus nganjeng bareng solas rasul saq lain, dait bebase tipaq dengan luw&#233;q nike siq suare saq bel&#233;q, &#8220;Semeton-semeton, dengan-dengan Yahudi dait selapuq dengan saq ndot l&#233;q Yerusalem! Dengahang pacu-pacu, s&#233;ngaq hal niki perlu tiang jelasang l&#233;q side. 15Dengan-dengan niki nd&#233;qne bowos, maraq saq side pade paran; s&#233;ngaq mangkin baruq jam siwaq kel&#233;maq. 16Laguq mengenai hal niki Allah sampun bemanik langan Nabi Yoel:</div><div class="q1"> 17 # 
 Yl. 2:28-32
 Allah bemanik, &#8216;L&#233;q ahir jaman</div><div class="q2">Tiang gen curahang Roh Tiang ojok selapuq dengan.</div><div class="q1">Bije-bijende saq mame-mame dait bije-bijende saq nine gen benubuat.</div><div class="q2">Terune-terunende gen serioq hal-hal ajaip saq Tiang petitoqang tipaq ie pade.</div><div class="q2">Dengan-dengan toaqde gen mauq impi saq Tiang icanin tipaq ie pade.</div><div class="q1"> 18Tipaq pelayan-pelayan Tiang &#233;ndah --</div><div class="q1">saq mame-mame dait saq nine-nine --,</div><div class="q2">gen Tiang curahang Roh Tiang l&#233;q jelo-jelo nike.</div><div class="q2">Ie pade gen benubuat.</div><div class="q1"> 19Tiang gen miaq keajaipan-keajaipan l&#233;q atas, l&#233;q langit,</div><div class="q2">dait hal-hal luar biase l&#233;q bawaq, l&#233;q gumi;</div><div class="q2">daraq dait api, gumpelan pendet.</div><div class="q1"> 20Jelo gen jari peteng,</div><div class="q2">bulan jari b&#233;aq maraq daraq</div><div class="q2">send&#233;qman Jelo Tuhan, jelo saq bel&#233;q dait mulie nike rauh.</div><div class="q1"> 21L&#233;q waktu nike, dengan saq bekuih tipaq Tuhan</div><div class="q2">gen teselametang.&#8217;</div><div class="p"> 22Dengan-dengan Israel! Pade dengahang napi saq tiang samp&#233;ang niki: Deside Isa dengan Nazaret nike sampun tetentuang siq Allah umaq side. Nike nyate gati l&#233;q keajaipan-keajaipan dait hal-hal luar biase saq Allah laksaneang l&#233;q tengaq-tengaq side pade langan Deside Isa nike. Selapuqne nike side m&#233;saq sampun nenaoq. 23#Mat. 27:35; Mrk. 15:24; Luk. 23:33; Yah. 19:18 Sesuai maksut dait rencane Allah m&#233;saq, Ie mutusang jari nyerahang Deside Isa tipaq side pade. Dait sewaktu Deside Isa teserahang, side pade nyemat&#233;q Ie siq care ngalurang dengan-dengan jahat pakuq Ie l&#233;q kayuq salib. 24#Mat. 28:5-6; Mrk. 16:6; Luk. 24:5 Laguq Allah ngidupang Ie malik l&#233;man tengaq-tengaq dengan-dengan ninggal. Ie tekalahang siq kemat&#233;an, laguq Allah ngelepasang Ie, s&#233;ngaq nd&#233;q mungkin Ie tetep tekuasein siq kemat&#233;an. 25#Zbr. 16:8-11 Mengenai Deside Isa niki, Daud sampun bebase,</div><div class="q1">&#8216;Tiang serioq Tuhan tetep l&#233;q julun tiang;</div><div class="q2">Ie araq l&#233;q sedi kanan tiang, ad&#233;q tiang nd&#233;q teguncang siq napi juaq.</div><div class="q1"> 26Keranaq nike angen tiang besukecita,</div><div class="q2">biwih tiang ngucapang nyanyian;</div><div class="q1">dait awak tiang niki gen ndot dalem pengharepan.</div><div class="q1"> 27S&#233;ngaq Deside n&#233;nten menengang jiwen tiang ndot dalem dunie dengan mat&#233;.</div><div class="q2">Deside n&#233;nten menengang Dengan Suci Deside binase.</div><div class="q1"> 28Deside sampun nyatayang tipaq tiang langan saq nuju idup saq sejati.</div><div class="q2">Sukecite tiang bel&#233;q gati, s&#233;ngaq Deside araq bareng tiang.&#8217;</div><div class="p"> 29Semeton-semeton, ijinang tiang ngeraos secare terus terang mengenai Daud, bapaq leluhurte nike. Ie sampun ninggal dait sampun temakamang &#233;ndah; makamne masih araq l&#233;q tengaq-tengaqte jangke mangkin. 30#Zbr. 132:11; 2Sam. 7:12-13 Allah sampun bejanji tipaq Daud, siq sumpah, bahwe salaq sopoq dengan l&#233;man keturunanne gen teangkat siq Allah jari raje. S&#233;ngaq Daud wikanang janji nike dait lantaran ie &#233;ndah nabi, 31ie wikan &#233;ndah napi saq gen telaksaneang siq Allah. Jari ie sampun benubuat bahwe Almasih saq tejanjiqang siq Allah, gen idup malik l&#233;man ninggal. Daud bebase,</div><div class="q1">&#8216;Ie n&#233;nten temenengang l&#233;q dalem dunie dengan-dengan mat&#233;;</div><div class="q2">rage-Ne n&#233;nten gen ancur dait bis.&#8217;</div><div class="m"> 32Deside Isa niki saq teidupang malik l&#233;man ninggal siq Allah. Tiang pade selapuq sampun nyaksiang m&#233;saq hal nike. 33Ie teangkat l&#233;q jabatan saq atas dait teicanin Roh Suci saq sampun tejanjiqang siq Bapa. Dait saq side pade dengah dait serioq mangkin niki, Roh nike saq Ie curahang tipaq tiang pade. 34#Zbr. 110:1 Daud m&#233;saq n&#233;nten ta&#233;k ojok sorge, laguq Daud bebase,</div><div class="q1">&#8216;Tuhan bemanik tipaq Junjungan tiang Saq Mulie:</div><div class="q2"> 35Melinggih l&#233;q sedi kanan Tiang,</div><div class="q2">jangke Tiang miaq musuh-musuh Deside takluk l&#233;q Deside!&#8217;</div><div class="p"> 36Keranaq nike selapuq dengan Israel harus nenaoq pacu-pacu bahwe Deside Isa saq side pade pakuq l&#233;q kayuq salib nike, Ie &#233;ndah saq sampun tejanjiqang siq Allah jari Junjungan Saq Mulie dait Almasih!&#8221;</div><div class="p"> 37Sewaktu dengan-dengan nike dengah hal nike, angen ie pade jari osah. Terus ie pade beketuan l&#233;q Petrus dait rasul-rasul saq lainne, &#8220;Semeton-semeton, napi saq harus tiang pade piaq?&#8221;</div><div class="p"> 38Jawab Petrus, &#8220;Pade tobat l&#233;man dose-dosende. Dait side pade sopoq-sopoq harus tebaptis dalem pes&#233;ngan Deside Isa Almasih, ad&#233;q dose-dosende teampunin. Make side pade gen nerimaq paice Roh Suci l&#233;man Allah. 39S&#233;ngaq saq tejanjiqang siq Allah, nike umaq side dait keturunande, dait umaq dengan-dengan saq araq l&#233;q taoq-taoq saq jaoq -- selapuq dengan saq temanikang siq Allah, Tuhante jari parek tipaq Ie.&#8221;</div><div class="p"> 40Maraq nike Petrus jelasang l&#233;q ie pade. Dait siq luw&#233;q ucapan lain malik ie ngeb&#233;ng sopoq kesaksian dait ngeb&#233;ng nas&#233;hat, dait basene: &#8220;Serahang diriqde ad&#233;q teselametang l&#233;man keturunan saq jahat niki.&#8221; 41Luw&#233;q dengan percaye l&#233;q napi saq gen tesamp&#233;ang siq Petrus, terus ie pade tebaptis. Make jumlah dengan percaye l&#233;q jelo nike beromboq malik telu iyu dengan. 42Ie pade pacu-pacu berajah l&#233;man rasul-rasul dait tetep bekumpul bareng-bareng. Ie pade bekelor bareng-bareng dait bedo'e bareng-bareng.</div><div class="s">Kehidupan dengan-dengan saq penemb&#233;q jari pengiring Deside Isa</div><div class="p"> 43Luw&#233;q gati keajaipan saq tepiaq siq rasul-rasul nike sehingge selapuq dengan takjub dait takut. 44#Kis. 4:32-35 Dengan-dengan percaye nike selapuqne tetep besopoq dait napi saq ie pade &#233;p&#233;ang, ie pade kadu bareng-bareng. 45Ie pade jual barang-barang dait selapuq dow&#233;n ie pade, terus bagi-bagiang k&#233;p&#233;ngne l&#233;q antare ie pade selapuqne menurut keperluanne sopoq-sopoq. 46Sebilang jelo ie pade tetep bekumpul l&#233;q Ged&#233;ng Allah. Ie pade bekelor bareng-bareng, siq angen saq gembire dait tulus at&#233; l&#233;q bal&#233;-bal&#233; ie pade. 47Ie pade tetep memuji-muji Allah dait tedemenang siq selapuq dengan. Sebilang jelo jumlah ie pade tetep beromboq s&#233;ngaq Junjungan Saq Mulie ngicanin tipaq ie pade dengan-dengan saq teselametang.</div>
 </div>
 </div>
</div>

Sewaktu sampun wayene jelo Pentakosta, selapuq dengan percaye bekumpul léq sopoq taoq. Selung-selung kedengahan suare léman langit maraq angin saq keras. Balé taoq dengan-dengan nike kenyeke melinggih selapuqne penoq siq suare nike. Beterus ie pade serioq élaq-élaq maraq nyale api lampaq ojok embé-embé, dait nyontoq tipaq ie pade sopoq-sopoq. Ie pade selapuq tepenoqin siq Roh Suci, dait mulai ngeraos kadu macem-macem base saq lain. Ie pade ngeraos maraq saq teicanin siq Roh nike tipaq ie pade jari teucapang.
Léq waktu nike luwéq dengan Yahudi saq soléh, léman macem-macem negeri léq seantéro dunie, ndot léq Yerusalem. Sewaktu kedengahan suare nike, luwéq gati dengan-dengan bekerimpun. Ie pade selapuq bingung dengah dengan-dengan percaye nike ngeraos kadu base ie pade sopoq-sopoq. Ie pade bengaq dait takjub terus bebase, “Tekan dengan-dengan saq ngeraos niki selapuqne dengan-dengan Galilea? Segerah ite dengah ie pade ngeraos kadu base saq ite kadu léq negeri asalte? Ite dengan-dengan léman Partia, Media, Elam, léman Mesopotamia, Yudea dait Kapadokia; léman Pontus dait Asia, léman Prigia dait Pampilia, léman Mesir dait daérah-daérah Libia dékét Kirene; léq antare ite araq saq dateng léman Roma, araq dengan-dengan Yahudi dait araq éndah dengan bangse-bangse lain saq sampun tame agame Yahudi; araq éndah saq dateng léman Kreta dait Arab. Ite selapuq dengah ie pade ngeraos kadu basente sopoq-sopoq mengenai hal-hal saq ajaip saq telaksaneang siq Allah!” Ie pade selapuq bengaq dait takjub terus beketuan sopoq kance saq lain, “Napi artine niki?”
Laguq araq éndah dengan-dengan saq nyindir. Basene, “Dengan-dengan nike kenyeke bowos siq anggur manis!”

Beterus Petrus nganjeng bareng solas rasul saq lain, dait bebase tipaq dengan luwéq nike siq suare saq beléq, “Semeton-semeton, dengan-dengan Yahudi dait selapuq dengan saq ndot léq Yerusalem! Dengahang pacu-pacu, séngaq hal niki perlu tiang jelasang léq side. Dengan-dengan niki ndéqne bowos, maraq saq side pade paran; séngaq mangkin baruq jam siwaq kelémaq. Laguq mengenai hal niki Allah sampun bemanik langan Nabi Yoel:
Allah bemanik, ‘Léq ahir jaman
Tiang gen curahang Roh Tiang ojok selapuq dengan.
Bije-bijende saq mame-mame dait bije-bijende saq nine gen benubuat.
Terune-terunende gen serioq hal-hal ajaip saq Tiang petitoqang tipaq ie pade.
Dengan-dengan toaqde gen mauq impi saq Tiang icanin tipaq ie pade.
Tipaq pelayan-pelayan Tiang éndah --
saq mame-mame dait saq nine-nine --,
gen Tiang curahang Roh Tiang léq jelo-jelo nike.
Ie pade gen benubuat.
Tiang gen miaq keajaipan-keajaipan léq atas, léq langit,
dait hal-hal luar biase léq bawaq, léq gumi;
daraq dait api, gumpelan pendet.
Jelo gen jari peteng,
bulan jari béaq maraq daraq
sendéqman Jelo Tuhan, jelo saq beléq dait mulie nike rauh.
Léq waktu nike, dengan saq bekuih tipaq Tuhan
gen teselametang.’
Dengan-dengan Israel! Pade dengahang napi saq tiang sampéang niki: Deside Isa dengan Nazaret nike sampun tetentuang siq Allah umaq side. Nike nyate gati léq keajaipan-keajaipan dait hal-hal luar biase saq Allah laksaneang léq tengaq-tengaq side pade langan Deside Isa nike. Selapuqne nike side mésaq sampun nenaoq. Sesuai maksut dait rencane Allah mésaq, Ie mutusang jari nyerahang Deside Isa tipaq side pade. Dait sewaktu Deside Isa teserahang, side pade nyematéq Ie siq care ngalurang dengan-dengan jahat pakuq Ie léq kayuq salib. Laguq Allah ngidupang Ie malik léman tengaq-tengaq dengan-dengan ninggal. Ie tekalahang siq kematéan, laguq Allah ngelepasang Ie, séngaq ndéq mungkin Ie tetep tekuasein siq kematéan. Mengenai Deside Isa niki, Daud sampun bebase,
‘Tiang serioq Tuhan tetep léq julun tiang;
Ie araq léq sedi kanan tiang, adéq tiang ndéq teguncang siq napi juaq.
Keranaq nike angen tiang besukecita,
biwih tiang ngucapang nyanyian;
dait awak tiang niki gen ndot dalem pengharepan.
Séngaq Deside nénten menengang jiwen tiang ndot dalem dunie dengan maté.
Deside nénten menengang Dengan Suci Deside binase.
Deside sampun nyatayang tipaq tiang langan saq nuju idup saq sejati.
Sukecite tiang beléq gati, séngaq Deside araq bareng tiang.’
Semeton-semeton, ijinang tiang ngeraos secare terus terang mengenai Daud, bapaq leluhurte nike. Ie sampun ninggal dait sampun temakamang éndah; makamne masih araq léq tengaq-tengaqte jangke mangkin. Allah sampun bejanji tipaq Daud, siq sumpah, bahwe salaq sopoq dengan léman keturunanne gen teangkat siq Allah jari raje. Séngaq Daud wikanang janji nike dait lantaran ie éndah nabi, ie wikan éndah napi saq gen telaksaneang siq Allah. Jari ie sampun benubuat bahwe Almasih saq tejanjiqang siq Allah, gen idup malik léman ninggal. Daud bebase,
‘Ie nénten temenengang léq dalem dunie dengan-dengan maté;
rage-Ne nénten gen ancur dait bis.’
Deside Isa niki saq teidupang malik léman ninggal siq Allah. Tiang pade selapuq sampun nyaksiang mésaq hal nike. Ie teangkat léq jabatan saq atas dait teicanin Roh Suci saq sampun tejanjiqang siq Bapa. Dait saq side pade dengah dait serioq mangkin niki, Roh nike saq Ie curahang tipaq tiang pade. Daud mésaq nénten taék ojok sorge, laguq Daud bebase,
‘Tuhan bemanik tipaq Junjungan tiang Saq Mulie:
Melinggih léq sedi kanan Tiang,
jangke Tiang miaq musuh-musuh Deside takluk léq Deside!’
Keranaq nike selapuq dengan Israel harus nenaoq pacu-pacu bahwe Deside Isa saq side pade pakuq léq kayuq salib nike, Ie éndah saq sampun tejanjiqang siq Allah jari Junjungan Saq Mulie dait Almasih!”
Sewaktu dengan-dengan nike dengah hal nike, angen ie pade jari osah. Terus ie pade beketuan léq Petrus dait rasul-rasul saq lainne, “Semeton-semeton, napi saq harus tiang pade piaq?”
Jawab Petrus, “Pade tobat léman dose-dosende. Dait side pade sopoq-sopoq harus tebaptis dalem peséngan Deside Isa Almasih, adéq dose-dosende teampunin. Make side pade gen nerimaq paice Roh Suci léman Allah. Séngaq saq tejanjiqang siq Allah, nike umaq side dait keturunande, dait umaq dengan-dengan saq araq léq taoq-taoq saq jaoq -- selapuq dengan saq temanikang siq Allah, Tuhante jari parek tipaq Ie.”
Maraq nike Petrus jelasang léq ie pade. Dait siq luwéq ucapan lain malik ie ngebéng sopoq kesaksian dait ngebéng naséhat, dait basene: “Serahang diriqde adéq teselametang léman keturunan saq jahat niki.” Luwéq dengan percaye léq napi saq gen tesampéang siq Petrus, terus ie pade tebaptis. Make jumlah dengan percaye léq jelo nike beromboq malik telu iyu dengan. Ie pade pacu-pacu berajah léman rasul-rasul dait tetep bekumpul bareng-bareng. Ie pade bekelor bareng-bareng dait bedo'e bareng-bareng.

Luwéq gati keajaipan saq tepiaq siq rasul-rasul nike sehingge selapuq dengan takjub dait takut. Dengan-dengan percaye nike selapuqne tetep besopoq dait napi saq ie pade épéang, ie pade kadu bareng-bareng. Ie pade jual barang-barang dait selapuq dowén ie pade, terus bagi-bagiang képéngne léq antare ie pade selapuqne menurut keperluanne sopoq-sopoq. Sebilang jelo ie pade tetep bekumpul léq Gedéng Allah. Ie pade bekelor bareng-bareng, siq angen saq gembire dait tulus até léq balé-balé ie pade. Ie pade tetep memuji-muji Allah dait tedemenang siq selapuq dengan. Sebilang jelo jumlah ie pade tetep beromboq séngaq Junjungan Saq Mulie ngicanin tipaq ie pade dengan-dengan saq teselametang.

Yoka KISAH RASUL-RASUL 2