 If you would like a copy of this version please contact info@davaraudiobibles.org

Quichua, Cañar Highland Old Testament

<div class="version vid261 iso6393qxr" data-vid="261" data-iso6393="qxr">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s1">Cai pacha gentecuna millaita ruhuashcamanta</div><div class="p"> 1Gentecuna cai pachapi yallita mirai callarishpami, ushicunatapish charirca. Chai punzhacunami 2Diospac churicunaca chai ushicuna sumaimana cashcata ricushpami, chai huarmicunapuramanta acllashpa cazararca. 3Chaita ricushpami, Mandac Diosca: &#171;&#209;uca esp&#237;ritu cai runacunapi hui&#241;aita causachunca, mana saquishachu. Paicunaca hua&#241;unalla aichami. Chaimantami patsac ishcai chunga huatallata causanga&#187; nirca.</div><div class="p"> 4Diospac churicuna cai pachaman shamushpa, runacunapac ushicunahuan cazarai punzhacunaca manchana yalli jatun runacunami tiyarca. Shinallatac quipamanpish tiyarcami. Paicunami runacunapac ushicunapi chayarishpa, huahuacunata charirca. Chai huahuacunami &#241;aupa punzhamanta pacha sinchi runacuna nishca carca.</div><div class="p"> 5Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca. 6Mandac Dios chaita ricushpaca, shungupi nanarishpami: &#171;Pandachari cai runacunataca ruhuarcani&#187; nishpa llaquirirca. 7Chaimanmi Mandac Diosca: &#171;Cai pachapi causac &#241;uca ruhuashcacunataca runamanta callarishpa, sacha animalcunacaman, pambata aisarishpa puric animalcunacaman, jahuata volac animalcunacamanmi tucuchigrini. Paicunataca pandachari ruhuarcani&#187; nirca.</div><div class="p"> 8Shina cacpipish, Noeca Mandac Diospac &#241;ahuipica allimi ricurirca.</div><div class="s1">No&#233; huambuc huasita ruhuashcamanta</div><div class="p"> 9Chai punzhacunapi causaccunapuramantaca Noemi cashcata ruhuac, ima millaita mana ruhuac shinallatac Dios munashca shina causac carca. Noepac huahua huahuacunaca: 10Sem, Cam, shinallatac Jafet churicunatami carca.</div><div class="p"> 11Cai pachapi causaccunaca Diospac &#241;aupapica yalli mana alli runacunallami carca. Cai pachapica llaquichinacushpallami causarca. 12Diosca cai pachapi tucui causaccuna millailla cashcata, tucui causaita chariccunaca huacllirishca cashcatami ricurca. 13Chaita ricushpami, Diosca Noetaca: &#171;Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani. 14Chaimanta canca gofer caspimanta tauca ucuyuc shuc huambuc huasita ruhuashpa jahuatapish, ucutapish breahuan cahuingui. 15Chai huambuc huasitaca sunimanca patsac quimsa chunga pichca metro, anchomanca ishcai chunga ishcai metro chaupi, altomanca chunga quimsa metro chaupita ruhuangui. 16Shinallatac quimsa altoyuc, catamanta ucuman shuc chaupi metropica shuc ventanata ruhuangui. Chai ventana ladopica shuc punguta ruhuangui. 17Riqui, tucui cai pachapi causaita chariccunata tucuchingapacmi cai pachamanca yacu juizhuta cachagrini. Chaipica tucui cai pachapi causaccunami hua&#241;unga. 18Canhuanmi shuc ari ninacuita ruhuasha nini. Chai huambuc huasimanca cambac churicunatapish, cambac huarmitapish, nietocunatapish yaicuchishpa, canpish yaicungui. 19Tucui causaita charic animalcunatapish canhuan causachun, chaipurallata shuc cari, shuc huarmita yaicuchingui. 20Volac animalcunamantapish, sacha animalcunamantapish, pambata aisarishpa puric animalcunamantapish chaipuralla ishcai ishcaita yaicuchingui. Chashna yaicuchicpimi, canhuan causaita charinga. 21Shinallatac tucui micunatapish huacaichingui. Chashna huacaichicpimi, cambacpish, animalcunapacpish micuna tiyanga&#187; nishpa mandarca.</div><div class="p"> 22Shina mandacpica, Noeca Dios nishca shinami ruhuarca.</div>
 </div>
 </div>
</div>

Biblia Quichua Cañar, Dios Rimashcata Quillcashcami © Sociedades Biblicas Unidas, 2010. 

Gentecuna cai pachapi yallita mirai callarishpami, ushicunatapish charirca. Chai punzhacunami Diospac churicunaca chai ushicuna sumaimana cashcata ricushpami, chai huarmicunapuramanta acllashpa cazararca. Chaita ricushpami, Mandac Diosca: «Ñuca espíritu cai runacunapi huiñaita causachunca, mana saquishachu. Paicunaca huañunalla aichami. Chaimantami patsac ishcai chunga huatallata causanga» nirca.
Diospac churicuna cai pachaman shamushpa, runacunapac ushicunahuan cazarai punzhacunaca manchana yalli jatun runacunami tiyarca. Shinallatac quipamanpish tiyarcami. Paicunami runacunapac ushicunapi chayarishpa, huahuacunata charirca. Chai huahuacunami ñaupa punzhamanta pacha sinchi runacuna nishca carca.
Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca. Mandac Dios chaita ricushpaca, shungupi nanarishpami: «Pandachari cai runacunataca ruhuarcani» nishpa llaquirirca. Chaimanmi Mandac Diosca: «Cai pachapi causac ñuca ruhuashcacunataca runamanta callarishpa, sacha animalcunacaman, pambata aisarishpa puric animalcunacaman, jahuata volac animalcunacamanmi tucuchigrini. Paicunataca pandachari ruhuarcani» nirca.
Shina cacpipish, Noeca Mandac Diospac ñahuipica allimi ricurirca.

Chai punzhacunapi causaccunapuramantaca Noemi cashcata ruhuac, ima millaita mana ruhuac shinallatac Dios munashca shina causac carca. Noepac huahua huahuacunaca: Sem, Cam, shinallatac Jafet churicunatami carca.
Cai pachapi causaccunaca Diospac ñaupapica yalli mana alli runacunallami carca. Cai pachapica llaquichinacushpallami causarca. Diosca cai pachapi tucui causaccuna millailla cashcata, tucui causaita chariccunaca huacllirishca cashcatami ricurca. Chaita ricushpami, Diosca Noetaca: «Paicunamantami cai pachapica millaica yallita jundarishca. Chaimantami tucui cai pachapi causaita chariccunata tucuchinata yuyarircani. Chaimanta canca gofer caspimanta tauca ucuyuc shuc huambuc huasita ruhuashpa jahuatapish, ucutapish breahuan cahuingui. Chai huambuc huasitaca sunimanca patsac quimsa chunga pichca metro, anchomanca ishcai chunga ishcai metro chaupi, altomanca chunga quimsa metro chaupita ruhuangui. Shinallatac quimsa altoyuc, catamanta ucuman shuc chaupi metropica shuc ventanata ruhuangui. Chai ventana ladopica shuc punguta ruhuangui. Riqui, tucui cai pachapi causaita chariccunata tucuchingapacmi cai pachamanca yacu juizhuta cachagrini. Chaipica tucui cai pachapi causaccunami huañunga. Canhuanmi shuc ari ninacuita ruhuasha nini. Chai huambuc huasimanca cambac churicunatapish, cambac huarmitapish, nietocunatapish yaicuchishpa, canpish yaicungui. Tucui causaita charic animalcunatapish canhuan causachun, chaipurallata shuc cari, shuc huarmita yaicuchingui. Volac animalcunamantapish, sacha animalcunamantapish, pambata aisarishpa puric animalcunamantapish chaipuralla ishcai ishcaita yaicuchingui. Chashna yaicuchicpimi, canhuan causaita charinga. Shinallatac tucui micunatapish huacaichingui. Chashna huacaichicpimi, cambacpish, animalcunapacpish micuna tiyanga» nishpa mandarca.
Shina mandacpica, Noeca Dios nishca shinami ruhuarca.

Yoka GÉNESIS 6