This translation, published by The Bible Society of Uganda, was first published in 1964.The audio bible is recorded in 2017. If you are interested in obtaining a printed copy, please contact The Bible Society of Uganda at www.biblesociety-uganda.org.

Baibuli Erikwera 1964

Runyankore-Rukiga - 2010 (Drama NT)

<div class="version vid1434 iso6393nyn" data-vid="1434" data-iso6393="nyn">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Kigambo okuhinduka omuntu</div><div class="p"> 1 # 
 1 Yoh 1:1, 2; Kush 19:13. Bwa mbere na mbere hakaba hariho Kigambo; Kigambo ogwo akaba atuura na Ruhanga; kandi Kigambo akaba ari Ruhanga. 2#Enf 8:22. Ogwo omu kutandika akaba ariho na Ruhanga; 3#Kol 1:16, 17; Heb 1:2. ebintu byona niwe yaabihangire, kandi omu byahangirwe byona tihariho kintu na kimwe eki atarahangire. 4#Yoh 5:26. Amagara gakaba gari Omushana gw'abantu. 5#Yoh 3:19. Omushana ogwo gujwa omu mwirima, kandi omwirima tigukaguraazaga.</div><div class="p"> 6 # 
 Mat 3:1. Hakaija omuntu owaatumirwe Ruhanga, orikwetwa Yohaana. 7#Luk 3:3. Ogwo akaija kuba kareebi ngu ahamye eby'Omushana, abantu boona baikirize ahabwe. 8We akaba atari Mushana ogwo; kwonka akaija kuhamya eby'Omushana. 9Hakaba hariho Omushana ogw'amazima, ogujwera abantu boona, ogwabaire nigwija omu nsi. 10Akaba ari omu nsi, kandi ensi niwe yaagihangire, kwonka ensi teramumanyire. 11Akaija owe, abaabaire bari abe tibaamwakiira; 12#Gal 3:26. kwonka boona abaamwakiire, nibo abaikiriize eiziina rye, akabaha obushoboorozi okuba abaana ba Ruhanga. 13#Yoh 3:5, 6. Abo tibarazairwe shagama, n'obu kwakuba okukunda kw'omuntu; bakazaarwa Ruhanga. 14#2 Pet 1:16, 17; Isa 60:1; Luk 9:32. Kigambo ogwo yaaba omuntu, yaatuura naitwe, twareeba ekitiinisa kye, ekitiinisa ky'eky'Omwana omwe nyamunegyere, owaarugire ahari Isheboona, aijwire embabazi n'amazima.</div><div class="s1">Yohaana okuhamya Yesu</div><div class="p"> 15 # 
 Mat 3:11. Yohaana yaamuhamya naagambira ahaiguru ati: Ogu niwe naagambireho nti: Orikwija enyima yangye niwe arikunkira, ahabw'okuba akaba ariho ntakabaireho. 16#Kol 1:19. Kandi ebiri omuriwe byona nibyo twahairweho twena, n'embabazi ezongyererwa aha zindi. 17Ahakuba Ebiragiro bikareetwa Musa; embabazi n'amazima byo byareetwa Yesu Kristo. 18#1 Yoh 4:12; 1 Tim 6:16. Okuruga iranaira tihariho orareebire Ruhanga; Omwana we omwe nyamunegyere, ori omu kifuba kya Ishe, niwe yaamumanyiise.</div><div class="s1">Abayudaaya okubuuza Yohaana</div><div class="p"> 19Oku nikwo kuhamya kwa Yohaana, obu Abayudaaya baamutumaho abanyamurwa n'Abaleevi abaarugire Yerusaalemu kumubuuza bati: Ori oha? 20Yaabagambira butunu, atarikwehakana, naahamya ati: Nyowe tindi Kristo. 21#Mat 17:10. Baamubuuza bati: Mbwenu shi ori Eliya? Yaabagarukamu ati: Tindi we. Bati, Ori nabi ori? Yaabagarukamu ati: Ngaaha! 22Nikyo baamubuuriize bati: Iwe shi, ori oha, tubone kugarukamu abatutumire? Nooyegamba ota? 23#Isa 40:3. Yaagira ati: Ndi eiraka ery'orikugambira omu ihamba, naagira ati: Mugorore omuhanda gwa Mukama, nk'oku nabi Isaaya yaagambire. 24Abaatumirwe abo bakaba batumirwe Abafarisaayo. 25Baamubuuza bati: Ahabw'enki iwe noobatiza, ku oraabe otari Kristo, otari Eliya, nari shi nabi ori? 26Yohaana yaabagarukamu ati: Nyowe mbatiza n'amaizi; kwonka omuriimwe heemereiremu ou mutarikumanya; 27#Byak 13:25. niwe arikwija enyima yangye; tinshemereire kuyuzya orukoba rw'enkaito ze. 28Ebyo bikabaho omuri Besania seeri ya Yorudani, ahu Yohaana yaabaire naabatiriza.</div><div class="s1">Yohaana okweta Yesu &#8220;Omwana gw'entaama wa Ruhanga&#8221;</div><div class="p"> 29 # 
 Isa 53:7. Ku bwaseesire, yaareeeba Yesu naija ah'ari, yaagira ati: Reeba, Omwana gw'entaama wa Ruhanga, orikwihaho ekibi ky'ensi! 30Ogu niwe naagambireho nti: Enyima yangye nihaija omuntu orikunkira, ahabw'okuba akaba ariho ntakabaireho. 31Kandi nyowe ahabwangye tindamumanyire; kwonka nkaija nimbatiza n'amaizi, ngu abone kushuuruurirwa Abaisraeli. 32#Mak 1:10. Kandi Yohaana yaahamya naagira ati: Nkareeba Omwoyo naashuuma okuruga omu iguru nk'enkombe, yaamugumaho. 33Nkaba ntamumanyire; kwonka Owantumire kubatiza n'amaizi, niwe yangambiire ati: Ou orireeba Omwoyo naashumaho, akamugumaho, Ogwo niwe abatiza n'Omwoyo Orikwera. 34Naanye naareeba, naahamya nti, Ogwo n'Omwana wa Ruhanga.</div><div class="s1">Okwetwa kwa Anderea na Simooni</div><div class="p"> 35Kandi ku bwaseesire, Yohaana akaba ayemereire n'abeegi be babiri, 36yaareeba Yesu naagyenda, yaagira ati: Reeba, Omwana gw'entaama wa Ruhanga! 37Abeegi abo bombi baamuhurira naagamba, baakuratira Yesu. 38Yesu yaahinduka, yaareeba bamukaratiire, yaababuuza ati: Nimwenda ki? Baamugarukamu bati: Rabi, (amakuru gaakyo ngu, Mwegyesa,) nooraara hi? 39Yaabagira ati: Mwije muhareebe. Baija, baareeba ahu yaabaire naaraara, baaguma nawe ekyo kiro, ahakuba eshaaha zikaba ziri nka ikumi. 40#Mat 4:18-22. Omwe ahari abo abaahuriire Yohaana, bakakuratira Yesu, ni Anderea, murumuna wa Simooni Petero. 41Yaabanza kusherura mukuru we Simooni, yaamugira ati: Tureebire Mesia, (amakuru gaakyo ngu #1:41 Kristo niwe Mesia, byombi nibimanyisa Owaashukirweho amajuta. Kristo). 42#Mat 16:18; Mak 3:16. Yaamureeba ahari Yesu. Yesu yaamureeba, yaagira ati: Ori Simooni mwene Yohaana; oryayetwa #1:42 Keefa ni Aramaic, Petros ni Rugriika; byombi amakuru gaabyo ngu, eibaare. Keefa amakuru gaaryo ngu, Petero.</div><div class="s1">Okwitwa kwa Filipo na Nasanaeli</div><div class="p"> 43Ku bwaseesire, Yesu yaayenda kurugayo kuza Galilaaya. Yaareeba Filipo, yaamugira ati: Nkurata. 44Kandi Filipo ogwo akaba ari owa Besesaida, tauni y'ow'aba Anderea na Petero. 45#Bir 18:18; Isa 53:2; Ezk 34:23. Filipo yaasherura Nasanaeli, yaamugira ati: Tureebire ou Musa yaahandiikireho omu Biragiro, kandi akahandiikwaho na baanabi, Yesu owa Nazareesi, omwana wa Yosefu. 46#Yoh 7:41, 52. Nasanaeli yaamubuuza ati: Noogira ngu omuri Nazareesi nihabaasa kurugamu ekintu kirungi? Filipo yaamugira ati: Ija, oreebe. 47#Zab 32:2. Yesu ku yaareebire Nasanaeli naija ah'ari, yaamugambaho ati: Reeba Omwisraeli kashushu, otaine buryarya! 48Nasanaeli yaamugira ati: Wammanyisibwa ki? Yesu yaamugarukamu ati: Filipo atakakwetsire, obu waaba ori ahansi y'omutiini, naakureeba. 49#Yoh 6:69. Nasanaeli yaamugira ati: Rabi, ori Omwana wa Ruhanga! Ori Omugabe wa Israeli! 50Yesu yaamugarukamu ati: Ahabw'okukugambira nti, Naakureeba ahansi y'omutiini, nikyo waikiririza? Oryareeba ebikuru ebirikukira ebyo. 51#Kut 28:12. Yesu yaagaruka yaamugira ati: Buzimazima ninkugambira nti: Muryareeba eiguru rikinguukire, baamaraika ba Ruhanga nibatemba, kandi nibashuuma aha Mwana w'omuntu.</div>
 </div>
 </div>
</div>

Bwa mbere na mbere hakaba hariho Kigambo; Kigambo ogwo akaba atuura na Ruhanga; kandi Kigambo akaba ari Ruhanga. Ogwo omu kutandika akaba ariho na Ruhanga; ebintu byona niwe yaabihangire, kandi omu byahangirwe byona tihariho kintu na kimwe eki atarahangire. Amagara gakaba gari Omushana gw'abantu. Omushana ogwo gujwa omu mwirima, kandi omwirima tigukaguraazaga.
Hakaija omuntu owaatumirwe Ruhanga, orikwetwa Yohaana. Ogwo akaija kuba kareebi ngu ahamye eby'Omushana, abantu boona baikirize ahabwe. We akaba atari Mushana ogwo; kwonka akaija kuhamya eby'Omushana. Hakaba hariho Omushana ogw'amazima, ogujwera abantu boona, ogwabaire nigwija omu nsi. Akaba ari omu nsi, kandi ensi niwe yaagihangire, kwonka ensi teramumanyire. Akaija owe, abaabaire bari abe tibaamwakiira; kwonka boona abaamwakiire, nibo abaikiriize eiziina rye, akabaha obushoboorozi okuba abaana ba Ruhanga. Abo tibarazairwe shagama, n'obu kwakuba okukunda kw'omuntu; bakazaarwa Ruhanga. Kigambo ogwo yaaba omuntu, yaatuura naitwe, twareeba ekitiinisa kye, ekitiinisa ky'eky'Omwana omwe nyamunegyere, owaarugire ahari Isheboona, aijwire embabazi n'amazima.

Yohaana yaamuhamya naagambira ahaiguru ati: Ogu niwe naagambireho nti: Orikwija enyima yangye niwe arikunkira, ahabw'okuba akaba ariho ntakabaireho. Kandi ebiri omuriwe byona nibyo twahairweho twena, n'embabazi ezongyererwa aha zindi. Ahakuba Ebiragiro bikareetwa Musa; embabazi n'amazima byo byareetwa Yesu Kristo. Okuruga iranaira tihariho orareebire Ruhanga; Omwana we omwe nyamunegyere, ori omu kifuba kya Ishe, niwe yaamumanyiise.

Oku nikwo kuhamya kwa Yohaana, obu Abayudaaya baamutumaho abanyamurwa n'Abaleevi abaarugire Yerusaalemu kumubuuza bati: Ori oha? Yaabagambira butunu, atarikwehakana, naahamya ati: Nyowe tindi Kristo. Baamubuuza bati: Mbwenu shi ori Eliya? Yaabagarukamu ati: Tindi we. Bati, Ori nabi ori? Yaabagarukamu ati: Ngaaha! Nikyo baamubuuriize bati: Iwe shi, ori oha, tubone kugarukamu abatutumire? Nooyegamba ota? Yaagira ati: Ndi eiraka ery'orikugambira omu ihamba, naagira ati: Mugorore omuhanda gwa Mukama, nk'oku nabi Isaaya yaagambire. Abaatumirwe abo bakaba batumirwe Abafarisaayo. Baamubuuza bati: Ahabw'enki iwe noobatiza, ku oraabe otari Kristo, otari Eliya, nari shi nabi ori? Yohaana yaabagarukamu ati: Nyowe mbatiza n'amaizi; kwonka omuriimwe heemereiremu ou mutarikumanya; niwe arikwija enyima yangye; tinshemereire kuyuzya orukoba rw'enkaito ze. Ebyo bikabaho omuri Besania seeri ya Yorudani, ahu Yohaana yaabaire naabatiriza.

Ku bwaseesire, yaareeeba Yesu naija ah'ari, yaagira ati: Reeba, Omwana gw'entaama wa Ruhanga, orikwihaho ekibi ky'ensi! Ogu niwe naagambireho nti: Enyima yangye nihaija omuntu orikunkira, ahabw'okuba akaba ariho ntakabaireho. Kandi nyowe ahabwangye tindamumanyire; kwonka nkaija nimbatiza n'amaizi, ngu abone kushuuruurirwa Abaisraeli. Kandi Yohaana yaahamya naagira ati: Nkareeba Omwoyo naashuuma okuruga omu iguru nk'enkombe, yaamugumaho. Nkaba ntamumanyire; kwonka Owantumire kubatiza n'amaizi, niwe yangambiire ati: Ou orireeba Omwoyo naashumaho, akamugumaho, Ogwo niwe abatiza n'Omwoyo Orikwera. Naanye naareeba, naahamya nti, Ogwo n'Omwana wa Ruhanga.

Kandi ku bwaseesire, Yohaana akaba ayemereire n'abeegi be babiri, yaareeba Yesu naagyenda, yaagira ati: Reeba, Omwana gw'entaama wa Ruhanga! Abeegi abo bombi baamuhurira naagamba, baakuratira Yesu. Yesu yaahinduka, yaareeba bamukaratiire, yaababuuza ati: Nimwenda ki? Baamugarukamu bati: Rabi, (amakuru gaakyo ngu, Mwegyesa,) nooraara hi? Yaabagira ati: Mwije muhareebe. Baija, baareeba ahu yaabaire naaraara, baaguma nawe ekyo kiro, ahakuba eshaaha zikaba ziri nka ikumi. Omwe ahari abo abaahuriire Yohaana, bakakuratira Yesu, ni Anderea, murumuna wa Simooni Petero. Yaabanza kusherura mukuru we Simooni, yaamugira ati: Tureebire Mesia, (amakuru gaakyo ngu Kristo). Yaamureeba ahari Yesu. Yesu yaamureeba, yaagira ati: Ori Simooni mwene Yohaana; oryayetwa Keefa amakuru gaaryo ngu, Petero.

Ku bwaseesire, Yesu yaayenda kurugayo kuza Galilaaya. Yaareeba Filipo, yaamugira ati: Nkurata. Kandi Filipo ogwo akaba ari owa Besesaida, tauni y'ow'aba Anderea na Petero. Filipo yaasherura Nasanaeli, yaamugira ati: Tureebire ou Musa yaahandiikireho omu Biragiro, kandi akahandiikwaho na baanabi, Yesu owa Nazareesi, omwana wa Yosefu. Nasanaeli yaamubuuza ati: Noogira ngu omuri Nazareesi nihabaasa kurugamu ekintu kirungi? Filipo yaamugira ati: Ija, oreebe. Yesu ku yaareebire Nasanaeli naija ah'ari, yaamugambaho ati: Reeba Omwisraeli kashushu, otaine buryarya! Nasanaeli yaamugira ati: Wammanyisibwa ki? Yesu yaamugarukamu ati: Filipo atakakwetsire, obu waaba ori ahansi y'omutiini, naakureeba. Nasanaeli yaamugira ati: Rabi, ori Omwana wa Ruhanga! Ori Omugabe wa Israeli! Yesu yaamugarukamu ati: Ahabw'okukugambira nti, Naakureeba ahansi y'omutiini, nikyo waikiririza? Oryareeba ebikuru ebirikukira ebyo. Yesu yaagaruka yaamugira ati: Buzimazima ninkugambira nti: Muryareeba eiguru rikinguukire, baamaraika ba Ruhanga nibatemba, kandi nibashuuma aha Mwana w'omuntu.

Yoka Yohaana 1