Gapapaiwa

<div class="version vid1180 iso6393pwg" data-vid="1180" data-iso6393="pwg">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Keriso na vona ma dobu kana yasegana.</div><div class="p"> 1Karenai na Vona imakamakai. Tuna na God yavata imakamakai, ma tuna na God. 2Ma karenai tuna na God yavata. 3Tuniyai da bera kudubina iyamoni, mikeda tuna kegha na ke sago aviyavisina dobuwai ita yamoni. 4Tuna gwabinai na yawasa, ma nani yawasina na wawaya i yasegana. 5Ma yasegana gweyurina nubakutuva kamonai ekarakarata ma nubakutuva ke kovokovoghina da ita ghekuyowei.</div><div class="p"> 6Ma God ina yonayona ivonatawei, tuna kana vava na Jon Babataito.#Mat 3:1; Mak 1:4; Luk 3:1-2 7Ipisi da nani yaseganina iti debei da wawaya peyarisi iti tumaghanei. 8Ipisi da yasegana kurisi iti debei, ma tuna na ke yasegana. 9Ma wawaya ivi akovisi da yasegana vaghata na ku dobu ina nekiibau da wawaya peyarisi yasegana ina veresi.</div><div class="p"> 10Namanaki da tuna tepanai God dobu iyamoni ma kegha da ku dobu inekiibau na wawaya dobuwai iveyiyei. 11Ipisi ina ku dobu vaghata ma ina wawaya kurisi ma kegha da ibarei. 12Ma wawaya viya kava ina sisiya iviiya ma ivi tumaghana na ti damsi ivonesi da God natunatuna. 13Ma God natunatuna i yawasa na God gwabinai ipisi. Ma nani yawasina na ke kaekiki mau bo tomowa kawana yavata gwabisiyai ita pisi.</div><div class="p"> 14Ma Vonana ivi wawaya da yavata tamakii patapata. Tuna na God Natuna sago kava na kana kadara kakitai. Ma agabiibai ma vonavaghata gwabinai irakata kirakai.</div><div class="p"> 15Jon namada ivoneta bo, &#8220;Weni wawayina avivi sisiyei na, &#8216;Tuna murikuwai ina pisi. Ma ighekuyoweku, iyamna imakamakai ma muriyai da atupuwa.&#8217; &#8221;</div><div class="p"> 16Ma ina agabiibai kudubina peyarita damina taviiviiya ma ina vibiibiina mara nonowa everevereta. 17Vonaviyoyovana na God ivi damani Moses kurina da iti debei wawaya kurisi. Ma agabiibai ma vonavaghata na Yesu Keriso gwabinai ipisi. 18Ke meyani wawaya sago God ita kitai. Natuna sago kava na God yavata ivi kovokovoghana. Tuna ina Mamai yavata na sago. Ma ivi akakovita da God na iyai.</div><div class="s1">Jon Babataito ina vibeyebeyena.</div><div class="r">(Mat 3:1-12; Mak 1:1-8; Luk 3:1-18)</div><div class="p"> 19Jiu damsi i babada ghamaghamasi Jerusalem kamonai taparoro babadisi ma Livai damsi ivonatawesi Jon kurina ma ivi tarakiiyanei bo, &#8220;Tam na iyai?&#8221;</div><div class="p"> 20Ma Jon ke ita bara bo ita yabumana ma ivi debe meyei, ivonapotesi bo, &#8220;Taku na ke God ina Vivinevine Wawayina.&#8221;</div><div class="p"> 21Ma ivi tarakiiyanei bo, &#8220;Nakanani na tam iyai? Tam peroveta Elaidiya bo?&#8221;#Deut 18:15, 18; Mal 4:5</div><div class="p">Ma ivonapotesi bo, &#8220;Kegha, taku ke tuna.&#8221;</div><div class="p">&#8220;Tam na nani perovetina kakoyakoyaghi bo?&#8221;</div><div class="p">Ma ivonapotesi bo, &#8220;Kegha.&#8221;</div><div class="p"> 22Ma damsi ivona bo, &#8220;Nakanani na tam iyai? Kevonekai da kana vovira akii babada kurisi ma kana vonesi da tam iyai.&#8221;</div><div class="p"> 23Jon ivonapotesi ikikava peroveta Aisaya igiruma na nakanani ivonesi bo,</div><div class="p">&#8220;Taku na wawaya gamona warereyai erurukwatu,</div><div class="p">&#8216;Keta maninina koberai, Bada kubiine.&#8217; &#8221;#Isa 40:3</div><div class="p"> 24Ma Perisi damsi wawaya viya ivonatawesi ma 25ivi tarakiiyanei bo, &#8220;Mikeda tam ke Keriso, ke Elaidiya bo ke peroveta na avi kubiine kebababataito?&#8221;</div><div class="p"> 26Ma Jon ivonapotesi bo, &#8220;Taku okowai abababataito. Ma kamomiyai wawaya sago ke kotakovi. 27Tuna tomowina murikuwai epipisi. Ighekuyoweku, taku ke wawaya kiimataniku da kaena kana terepapara ata rupami.&#8221;</div><div class="p"> 28Weni berasi peyarina itupuwa Betaniyai, Jodan okowina nevanai, Jon nani dobunai ibababataito.</div><div class="s1">God ina sipu gegeyina.</div><div class="p"> 29Ma mara itome na Jon, Yesu ikitai ipipisi kurina na ivona bo, &#8220;Kokitai, God Ina Sipu Gegeyina epipisi da dobu ina berabero ina viitawei. 30Weni wawayina avivi sisiyei maranai avona bo, &#8216;Tomowina murikuwai epipisi na ighekuyoweku, tuna namada imakamakai ma muriyai da atupuwa.&#8217; 31Taku bade ke atakovi da tuna na nakanani, ma apisi da okowai abababataito, iyamna aidebei da Israel inakovi da tuna iyai.&#8221;</div><div class="p"> 32Ma Jon aviyavisina matanai ikitai na ivi debei, ivona bo &#8220;Kanuma Vovokaravina akitai nakanani ma gabubu kunumai ioru da tomowina ku tepana. 33Taku patana da ke atakovi da tuna iyai ma kegha da Wawayina ivonataweku da okowai abababataito tuna ivoneku bo, &#8216;Tomowina kuna kitai ma Kanuma Vovokaravina inoru ku tepana na tuna wawayina Kanuma Vovokaravina ina veremi.&#8217; 34Taku akitai na aidebei da tuna na God Natuna.&#8221;</div><div class="s1">Nona wawayisi Yesu ivinesi da kana kivikivina.</div><div class="p"> 35Mara itome ma Jon kana kivikivina ruwa yavata patana da nani gawarinai imakamakai. 36Ma Jon ikitai da Yesu ibaba inenae na ivona bo, &#8220;Kokitai, tuna na God ina Sipu Gegeyina.&#8221;</div><div class="p"> 37Kana kivikivina ruwa ina sisiya ivi yanei na inae da Yesu ikivini. 38Yesu imiiritavire ikitisi da ikivikivini na ivi tarakiiyanesi bo, &#8220;Aviyavisina kokayokayowei?&#8221;</div><div class="p">Ma damsi ivonapotei bo, &#8220;Rabai (iyamna vibeyebeyena wawayina), tam na meni dobunai kemakamakai?&#8221;</div><div class="p"> 39Yesu ivonapotesi bo, &#8220;Kopisi da kona kitai.&#8221; Ma tuna na namada ravi madeghinai. Damsi ikivini inae da ina makamakai ikitai, ma yavata nani dobunai imakii kupom.</div><div class="p"> 40Nani kamonai na Anduru, (tuna Saimon Pita tina kikei.) Maranai Jon Babataito ina sisiya ivi yanei na Yesu ikivini. 41Ma yaghiyaghinai Anduru inae da ina tuwa Saimon ipanani ma ivonei bo, &#8220;God ina Vivinevine Wawayina kapanani.&#8221; (Tuna iyamna Keriso.) 42Ma irutini ipisi Yesu kurina.</div><div class="p">Yesu ikitai ma ivona bo, &#8220;Tam Jon natuna Saimon, wawaya ina kwatum da Kepas.&#8221; Ma nani vavana Grik gamosiyai na Pita. (Kepas ma Pita ivi ruwa na iyamsi &#8216;wakima.&#8217;)</div><div class="s1">Yesu Piripo da Nataniyera ikwatusi.</div><div class="p"> 43Mara itome na Yesu ivi karei da ita nae ku Gariri. Ibaba inenae da Piripo ipanani na ivonei bo, &#8220;Kekiviniku.&#8221; 44Piripo na Anduru da Pita nakanani, peyarisi i kwanatu na Betsaida. 45Ma Piripo inae da Nataniyera ipanani ma ivonei bo, &#8220;Wawayina kapanani. Moses vonaviyoyovana kamonai igirugirumi ma bade peroperoveta i giruma kamonai ivivi sisiyei. Tuna Yesu, Nasaret wawaya, Josepa natuna.&#8221;</div><div class="p"> 46Nataniyera ivona bo, &#8220;Nasaret. Kamonai aviyavisina biibiina ina tupuwa?&#8221;</div><div class="p">Ma Piripo ivonapotei bo, &#8220;Kepisi da kuna kitai.&#8221;</div><div class="p"> 47Maranai Yesu Nataniyera ikitai ipipisi na ivona bo, &#8220;Weni tomowina tuna Israel vaghata. Tuna na wawaya kiimatanina.&#8221;</div><div class="p"> 48Ma Nataniyera ivona bo, &#8220;Ikikava kuakoviku?&#8221;</div><div class="p">Yesu ivonapotei bo, &#8220;Muriyai da Piripo ita kwatum na akitim koweya rogunai kumakamakai.&#8221;</div><div class="p"> 49Ma Nataniyera ivonakiiyaragha bo, &#8220;Bada, tam God Natuna, Israel kana Kiivavo.&#8221;</div><div class="p"> 50Yesu ivonapotei bo, &#8220;Avonem da akitim koweya rogunai kumakamakai, tuna kubiine kuvi tumaghaneku, bo? Karakava bera ghamaghamasi kuna kitai ke nakanani ma weni berana.&#8221; 51Ma ivonesi bo, &#8220;Vonavaghata avonavonemi da karakava kona kitai da kunuma ina tamotate ma God ina aneya ina gheghae ma inororu Wawaya Natusi kurina.&#8221; #Gen 28:12</div>
 </div>
 </div>
</div>

Karenai na Vona imakamakai. Tuna na God yavata imakamakai, ma tuna na God. Ma karenai tuna na God yavata. Tuniyai da bera kudubina iyamoni, mikeda tuna kegha na ke sago aviyavisina dobuwai ita yamoni. Tuna gwabinai na yawasa, ma nani yawasina na wawaya i yasegana. Ma yasegana gweyurina nubakutuva kamonai ekarakarata ma nubakutuva ke kovokovoghina da ita ghekuyowei.
Ma God ina yonayona ivonatawei, tuna kana vava na Jon Babataito. Ipisi da nani yaseganina iti debei da wawaya peyarisi iti tumaghanei. Ipisi da yasegana kurisi iti debei, ma tuna na ke yasegana. Ma wawaya ivi akovisi da yasegana vaghata na ku dobu ina nekiibau da wawaya peyarisi yasegana ina veresi.
Namanaki da tuna tepanai God dobu iyamoni ma kegha da ku dobu inekiibau na wawaya dobuwai iveyiyei. Ipisi ina ku dobu vaghata ma ina wawaya kurisi ma kegha da ibarei. Ma wawaya viya kava ina sisiya iviiya ma ivi tumaghana na ti damsi ivonesi da God natunatuna. Ma God natunatuna i yawasa na God gwabinai ipisi. Ma nani yawasina na ke kaekiki mau bo tomowa kawana yavata gwabisiyai ita pisi.
Ma Vonana ivi wawaya da yavata tamakii patapata. Tuna na God Natuna sago kava na kana kadara kakitai. Ma agabiibai ma vonavaghata gwabinai irakata kirakai.
Jon namada ivoneta bo, “Weni wawayina avivi sisiyei na, ‘Tuna murikuwai ina pisi. Ma ighekuyoweku, iyamna imakamakai ma muriyai da atupuwa.’ ”
Ma ina agabiibai kudubina peyarita damina taviiviiya ma ina vibiibiina mara nonowa everevereta. Vonaviyoyovana na God ivi damani Moses kurina da iti debei wawaya kurisi. Ma agabiibai ma vonavaghata na Yesu Keriso gwabinai ipisi. Ke meyani wawaya sago God ita kitai. Natuna sago kava na God yavata ivi kovokovoghana. Tuna ina Mamai yavata na sago. Ma ivi akakovita da God na iyai.


Jiu damsi i babada ghamaghamasi Jerusalem kamonai taparoro babadisi ma Livai damsi ivonatawesi Jon kurina ma ivi tarakiiyanei bo, “Tam na iyai?”
Ma Jon ke ita bara bo ita yabumana ma ivi debe meyei, ivonapotesi bo, “Taku na ke God ina Vivinevine Wawayina.”
Ma ivi tarakiiyanei bo, “Nakanani na tam iyai? Tam peroveta Elaidiya bo?”
Ma ivonapotesi bo, “Kegha, taku ke tuna.”
“Tam na nani perovetina kakoyakoyaghi bo?”
Ma ivonapotesi bo, “Kegha.”
Ma damsi ivona bo, “Nakanani na tam iyai? Kevonekai da kana vovira akii babada kurisi ma kana vonesi da tam iyai.”
Jon ivonapotesi ikikava peroveta Aisaya igiruma na nakanani ivonesi bo,
“Taku na wawaya gamona warereyai erurukwatu,
‘Keta maninina koberai, Bada kubiine.’ ”
Ma Perisi damsi wawaya viya ivonatawesi ma ivi tarakiiyanei bo, “Mikeda tam ke Keriso, ke Elaidiya bo ke peroveta na avi kubiine kebababataito?”
Ma Jon ivonapotesi bo, “Taku okowai abababataito. Ma kamomiyai wawaya sago ke kotakovi. Tuna tomowina murikuwai epipisi. Ighekuyoweku, taku ke wawaya kiimataniku da kaena kana terepapara ata rupami.”
Weni berasi peyarina itupuwa Betaniyai, Jodan okowina nevanai, Jon nani dobunai ibababataito.

Ma mara itome na Jon, Yesu ikitai ipipisi kurina na ivona bo, “Kokitai, God Ina Sipu Gegeyina epipisi da dobu ina berabero ina viitawei. Weni wawayina avivi sisiyei maranai avona bo, ‘Tomowina murikuwai epipisi na ighekuyoweku, tuna namada imakamakai ma muriyai da atupuwa.’ Taku bade ke atakovi da tuna na nakanani, ma apisi da okowai abababataito, iyamna aidebei da Israel inakovi da tuna iyai.”
Ma Jon aviyavisina matanai ikitai na ivi debei, ivona bo “Kanuma Vovokaravina akitai nakanani ma gabubu kunumai ioru da tomowina ku tepana. Taku patana da ke atakovi da tuna iyai ma kegha da Wawayina ivonataweku da okowai abababataito tuna ivoneku bo, ‘Tomowina kuna kitai ma Kanuma Vovokaravina inoru ku tepana na tuna wawayina Kanuma Vovokaravina ina veremi.’ Taku akitai na aidebei da tuna na God Natuna.”

Mara itome ma Jon kana kivikivina ruwa yavata patana da nani gawarinai imakamakai. Ma Jon ikitai da Yesu ibaba inenae na ivona bo, “Kokitai, tuna na God ina Sipu Gegeyina.”
Kana kivikivina ruwa ina sisiya ivi yanei na inae da Yesu ikivini. Yesu imiiritavire ikitisi da ikivikivini na ivi tarakiiyanesi bo, “Aviyavisina kokayokayowei?”
Ma damsi ivonapotei bo, “Rabai (iyamna vibeyebeyena wawayina), tam na meni dobunai kemakamakai?”
Yesu ivonapotesi bo, “Kopisi da kona kitai.” Ma tuna na namada ravi madeghinai. Damsi ikivini inae da ina makamakai ikitai, ma yavata nani dobunai imakii kupom.
Nani kamonai na Anduru, (tuna Saimon Pita tina kikei.) Maranai Jon Babataito ina sisiya ivi yanei na Yesu ikivini. Ma yaghiyaghinai Anduru inae da ina tuwa Saimon ipanani ma ivonei bo, “God ina Vivinevine Wawayina kapanani.” (Tuna iyamna Keriso.) Ma irutini ipisi Yesu kurina.
Yesu ikitai ma ivona bo, “Tam Jon natuna Saimon, wawaya ina kwatum da Kepas.” Ma nani vavana Grik gamosiyai na Pita. (Kepas ma Pita ivi ruwa na iyamsi ‘wakima.’)

Mara itome na Yesu ivi karei da ita nae ku Gariri. Ibaba inenae da Piripo ipanani na ivonei bo, “Kekiviniku.” Piripo na Anduru da Pita nakanani, peyarisi i kwanatu na Betsaida. Ma Piripo inae da Nataniyera ipanani ma ivonei bo, “Wawayina kapanani. Moses vonaviyoyovana kamonai igirugirumi ma bade peroperoveta i giruma kamonai ivivi sisiyei. Tuna Yesu, Nasaret wawaya, Josepa natuna.”
Nataniyera ivona bo, “Nasaret. Kamonai aviyavisina biibiina ina tupuwa?”
Ma Piripo ivonapotei bo, “Kepisi da kuna kitai.”
Maranai Yesu Nataniyera ikitai ipipisi na ivona bo, “Weni tomowina tuna Israel vaghata. Tuna na wawaya kiimatanina.”
Ma Nataniyera ivona bo, “Ikikava kuakoviku?”
Yesu ivonapotei bo, “Muriyai da Piripo ita kwatum na akitim koweya rogunai kumakamakai.”
Ma Nataniyera ivonakiiyaragha bo, “Bada, tam God Natuna, Israel kana Kiivavo.”
Yesu ivonapotei bo, “Avonem da akitim koweya rogunai kumakamakai, tuna kubiine kuvi tumaghaneku, bo? Karakava bera ghamaghamasi kuna kitai ke nakanani ma weni berana.” Ma ivonesi bo, “Vonavaghata avonavonemi da karakava kona kitai da kunuma ina tamotate ma God ina aneya ina gheghae ma inororu Wawaya Natusi kurina.”

Yoka Jon 1