मत्ती 7 - 인기 성경 구절

공유

“मान्गिहा, त तुमन ला देहल जाही, ढूढिहा त तुमन पईहा; खटखटईहा, त तुमन बर खोलल जाही।

काबर कि जे कोनो हर मांगथे, ओला मिलथे, अउ जे कोनो हर ढूढथे, ओहर पाथे, अउ जे कोनो हर खटखटाथे, ओकर बर खोलल जाथे।”

“एकरे बर जे कोनो हर मोर ये गोएठ मन ला सुईन के ओमन ला मानथे, ओहर ओ बुईधमान लोग मन कर नियर ठहरही जेहर अपन घर चट्टान मे बनईस।

ये कारन जे कुछ तुमन मन चाहथा कि मैनसे मन तुमन कर संग मे करे, तुमन भी ओकर संग मे ओहिच कस करा; काबर कि मूसा कर ब्यवस्था अउ अगमजानी मन कर शिक्षा एहिच है।”

काबर कि सकेत है ओ दूरा अउ कठिन है ओ डगर जेहर जीवन कती पहुचाथे अउ तनिक झन मन है जे ओला पाथे।”

“सकरा दूरा ले घुसा, काबर कि चाकर है ओ दूरा अउ सहज है ओ डगर जेहर बिनाश कती ले जाथे, अउ ढेरेच झन मन है जेमन मन ओमे ले घुसथे।

तले जब तुमन बुरा होए के अपन छउवा मन ला बड़िया चीज देहे बर जानथा, त तुमन कर स्वर्गीय दाऊ हर अपन मांगे बाला ला बड़िया चीज काबर नी देही?

“दोष झिन लगावा, कि तुमन मन पर भी दोष नी लगाल जाही। काबर कि जे नियर तुमन मन दोष लगाथा, ओहिच नियर तुमन पर भी दोष लगाल जाही; जे नाप ले तुमन नापिहा, ओहिच नियर तुमन बर भी नापल जाही।”

लेकिन जे कोनो हर मोर ये गोएठ मन ला सुनथे अउ ओमे नी रेंगे, ओहर ओ मूर्ख लोग मन के नियर ठहरही जेहर अपन घर बालू मे बनईस।

तय काबर अपन भाई कर आएख कर तिनका ला देखथस, अउ अपन आएख कर लट्ठा तोला नी सूझे? जब तोर ही आएख मे लट्ठा है, त तय अपन भाई ले कईसे कह सकथस, लान मैहर तोर आएख ले तिनका ला हिकाएल देहू?

“झूठ कर अगमजानी मन ले सचेत रहा, जेमन भेड़ मन कर भेष ला धईर के तुमन कर आगू मे आथे, लेकिन पहिचान मे अलगेच ओमन फाड़े बाला भेड़िया है। ओमन मन कर फर ले तुमन ओमन मन ला पहिचाएन लेईहा। का लोग मन झाड़ी मन ले अंगूर, या ऊंटकटार मन ले अंजीर तोड़थे?

एहिच नियर हर एक बड़िया रूख हर बड़िया फर लाथे अउ बुरा रूख हर बुरा फर लानथे।

बड़िया रूख हर बुरा फर नी लाने अउ न बुरा रूख हर बड़िया फर नी लाने सकही।

जे-जे रूख हर बड़िया फर नी लाने, ओहर काएट के आगी मे डाएल देहल जाथे।