ମାଥିଉ 18 - 인기 성경 구절

공유

ଇନେସ୍‌କି ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ର ବାହାତାକେ ରିକାର୍ କି ତିନ୍‌ଜାଣ୍ ରୁଣ୍ଡା ଆନାର୍, ହେ ବାହାତାକେ ହେୱାର୍ କାଜିଙ୍ଗ୍ ଆନେଙ୍ଗ୍ ମାନ୍‌ଗାନାଙ୍ଗ୍।”

ଆରେରଗ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏଚେପାଦ୍ନା ମି ବିତ୍ରେତାଙ୍ଗ୍ ରିକାର୍ ଇମ୍‌ଣି ବିଷୟରେ ର ମାନ୍ କିଜି ପାର୍ତାନା କିତିସ୍, ନା ସରଗ୍‌ନି ଆବା ମିଙ୍ଗେଙ୍ଗ୍ ବୁଦି ହିଦ୍‌ନାନ୍।

ହେୱାନ୍ ର ହିରୁ ହିମ୍‌ଣାତିଙ୍ଗ୍ କୁକ୍‌ଚି ତା ଲାଗାୟ୍ ନିଲି କିତାନ୍, ଆରେ ତା ଚେଲାହିରିଙ୍ଗ୍ ୱେଚ୍‌ଚାନ୍, ତାପାଚେ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ହିରୁ ହିମ୍‌ଣା ଲେକେ ଆୱିତିସ୍ ଈଶ୍ୱର ସାସନ୍ କିନି ରାଜିତାକେ କେତେକ୍ ଉପାୟ୍ କିତିସ୍ ପା ହାଞ୍ଜେଙ୍ଗ୍ ଆଡୁଦେର୍।

ଲାଗିଙ୍ଗ୍ ଇନେର୍ ପା ଇ ହିରୁ ହିମ୍‌ଣା ଲେକେ ଆଜି ଜାର୍‌ତିଙ୍ଗ୍ ବେସି ଦରମ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ଗାଜାକାନ୍ ଆନାନ୍।

ଇମ୍‌ଣାକାନ୍ ନା ତର୍‍ଦାଙ୍ଗ୍ ଇଲେକେ ର ହିରୁ ହିମ୍‌ଣାତିଙ୍ଗ୍ ଆହ୍‌ନାନ୍ ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍।

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏପେଙ୍ଗ୍ ପୁର୍ତିତାକେ ଇନାକାପା ବନ୍ଦ୍ କିନାଦେର୍, ସରଗ୍‌ତାକେ ପା ହେ ୱିଜୁ ବନ୍ଦ୍ ମାନ୍‌ଙ୍ଗାନାତ୍, ଆରେ ପୁର୍ତିତାକେ ଇନାକାପା ମୁକ୍ତି କିନାଦେର୍, ସରଗ୍‌ତାକେ ପା ହେଦାଙ୍ଗ୍‌ୱିଜୁ ମୁକ୍ତି ମାନ୍‌ଗାନାତ୍।

ଯୀଶୁ କାତା ୱିସ୍ତି ୱେଚ୍‌ଚାନ୍, “ମି ବିରୁଦ୍‌ତ ପାପ୍ କିତି ମାନାୟାରିଙ୍ଗ୍ ଗରବ୍‌ତାଙ୍ଗ୍ କେମା କିୱିତିସ୍, ହେଲେକେ ନା ସରଗ୍‌ନି ଆବା ପା ମିଙ୍ଗେଙ୍ଗ୍ ହେ ହଲିଆ ଲେକେ କିଦ୍‌ନାନ୍।”

ମାତର୍ ଇନେର୍ ନାବେ ପାର୍ତି କିନାକାରିଙ୍ଗ୍ ଇ ହିରୁ ହିମ୍‌ଣା ବିତ୍ରେ ହଣ୍‌ଜି ବାଦା ହିଜି ତା ପାର୍ତିତାଙ୍ଗ୍ ବାଙ୍ଗାୟ୍ କିନାର୍, ହେୱାନିଙ୍ଗ୍ ଏଲେଙ୍ଗ୍ ଲେଗ୍‌ଦି ଦଣ୍ଡ୍ ହାକ୍‌ତ ଗାଜାଟି ଜାତାକାଲ୍ ଗାଚ୍‌ଚି ତାଙ୍ଗେଙ୍ଗ୍ ଡେଙ୍ଗା ହାମ୍‌ଦୁର୍ ଏଜୁକାଙ୍ଗ୍ ମୁଚ୍‌ଚିମାଚିସ୍ ତାଙ୍ଗେଙ୍ଗ୍ ହାର୍ ଆତାତ୍‌ମା।

ଏପେଙ୍ଗ୍ ଇନାକା ବାବିକିନାଦେରା, ରକାନିଙ୍ଗ୍ ଶହେଗଟା ମେଣ୍ଢାଙ୍ଗ୍ ମାନ୍‌ଗିନିକ୍ ଆରେ ହେ ବିତ୍ରେତାଙ୍ଗ୍ ରଞ୍ଜାଙ୍ଗ୍ ଜାଙ୍ଗ୍‌ନାତ୍, ଲାଗିଙ୍ଗ୍ ହେୱାନ୍ ଇନାକା କିନାନ୍? ଅନେଶତ୍‌ଗଟା ମେଣ୍ଢାକାଙ୍ଗ୍ ହାର୍‌ଦାଙ୍ଗ୍ କାନି ମାନାୟାର୍‌ତାକେ ପିସ୍ତି ହେ ଜାଙ୍ଗ୍‌ତି ମେଣ୍ଢାତିଙ୍ଗ୍ ଡେକ୍‌ତେଙ୍ଗ୍ ହାଚାନ୍।