Kadadiam 39 - 인기 성경 구절

공유

Indo Yusuf tohho illaam banuanna puäna anna nasahum DEBATA anna natamba' liu ingganna pa'palakoanna.

Iya ingganna-ingganna sia nabehoam asammi dokko lisu pala'na Yusuf anna ia asam umpoissanni. Tä'um ia deem aka-aka napikki' sulibanna indo la napohäena naande. Indo Yusuf mesa änä' muane mapia tubo.

Ingganna pengkähängam anna pa'palakoam illaam tahungkum nabeho asam indo kapalana to si unjagai tahungkum lako Yusuf, nasuhum indo ingganna to ditahungkum illaam pala' limanna.

Iya napopesakka siaham puäna anna napatamai tahungkum, pa'tahungkunganna ingganna to natahungkum Firaun. Sapo' naolaam liu DEBATA Yusuf anna napasahonoi pa'kamase tamaleleNa, lambi' napakamäjjä indo kapalana to si unjagai tahungkum.

Pissam wattu kende' penabanna bainena Potifar umpohäe Yusuf. Iya nababaim naua: <<Maiko talao petindo.>> Iya nauam Yusuf: <<Mokaä', aka issinna inde banua, äto'na pengkähängam anna kulle, nabeho asammi puäku dokko lisu pala'ku. Mala diua diona kakuasaam illaam inde banua yabokam lemba' tasitolam. Tä' deem nahä'däsännä' napabehoi sulibanna iko aka bainenako. Maakam ia susi la umpogau'ä' kakadakeam kasalle anna la ungkähä dosa lako Puang Allataala?>>

Deem pissam wattu tama banua Yusuf la ungkähä pengkähänganna anna siampu' lo'bä banua. Sulem indo baine muanda'i bajunna Yusuf anna nauaanni: <<Maiko anta petindo sola.>> Sapo' ullendusam bajunna Yusuf, anna lumumpa'i tama sulibam.