NASEPTE 2 - 인기 성경 구절

공유

Tuachi’n Peter in akung uah, “Kisia in lunghei unlen, na khelna uh ngaidam ahina dingin, Jesu Khrist min in baptisma tang chietun, tuachi’n Hagau Siengthou silpieh na tang ding uhi.

Tualeh sawltahte thuhil leh kipawlkhawmna ah, tanghou aphalsuo ua, phatuomngaitaha thungen in a um zing uhi.

Tualeh abawn un Hagau Siengthouin adimta ua, Hagauin ahamsah bangbangin ham tuom in ahing hamta uhi.

Thakhat in huipi hat tah laang banga ging, van a kipat ahing um phut a, atouna inn sung uh adim siengta hi. Tuachi’n leite ama leh ama kihawmzahin meikuong bangin atung uah khat chiet in ahing tuta hi. Tualeh abawn un Hagau Siengthouin adimta ua, Hagauin ahamsah bangbangin ham tuom in ahing hamta uhi.

Tuachi’n ni chinin lungsim munkhat puoin Pasian biehinn ah, phatuom ngaitahin a um zel ua, a inn lam na ngawn uah zong tanghou phalsuoin kipahtah leh lungkim tahin a ann uh ane zel uhi, Pasian phat in mi zousien deisahna atang uhi. Tualeh hundamna hing mu poumate, Mangpa’n ni chinin abelappieh zel hi.

Pasian in ni nukhiate ah, tambang ahing hi ding: Mizousie tungah, ka Hagau ka sungbaw dinga, Na tapate u’leh, na tanute un ka thu agen ding ua, na tangvalte un mengmute amu ding ua, Na putehte un Mang amanding uhi, achi hi.

Agingta zousie akipumkhat ua a umkhawm ua, bangkim akikop uhi. Tualeh asil nei zousie uh azua ua, akitahsapna bangun a unpi lah uah ahawm zel uhi.

Tualeh tambang ahi dinga, Koizong Mangpa min lou tapou, hundam ahi ding hi, achi hi, chi’n ana genta hi.

Mangpa ni thupi leh, minthangtah ahing tun masangin, Ni a miel dinga, hapi sisan asuoh ding hi.