NASEPTE 1 - 인기 성경 구절

공유

Hinanleh na tung ua Hagau Siengthou ahing tun chiengin silbawltheina na nei ding ua, Jerusalem khuo ah, Judia gam leh Samaria gam zousie ah, tualeh kawlmong dongin ka thu theipite na hi ding uhi,” achi hi.

Tualeh Aman akung uah, “Pain ahun leh ani Ama thu thua um dinga aguot, noute thei ding ahisih hi.

Amaute toh kipawlkhawm zelin, Jerusalem nusie sih unlen, “Pa thuchiem ka gensa na zah uh khu ngah un chin thu apie hi. Aziehpen Johan in tuiin ahing baptis a, hinanleh tua kipat ni sawtlou sungin Hagau Siengthou a baptis na hi ding uh,” achi hi.

Gentheina athuoh nuain sawltahte kungah theichienna zuoulou tampiin, hingin akimusah a, ni sawmli tangchim akung uah akilah a, Pasian gam thu toh kisai agenden hi.

Tam thute agen zouin, amitmu ngel uah van ah lahtouin a um a, tuachia aetlai un, meilum in amu phahlou uah apuitouta hi.

Tualeh van a akaltou lai mitphelou a aet zing lai un, mi ni puon vam silin akung uah ahing ding ua; Tua mi nite’n amaute kungah, “Nou Galili mite bangding a, vanlam en a dingden na hi uoi? Tam Jesu mama na kung ua kipat a, van a puitou a um, van a akaltou na mu bang ngelngel un, Ama ngel hing peikia ding ahi,” achi uhi.