Jenɨzɨzɨ 35:1-8

Gawaalɨvava sara kye' Gotɨyai Jaikopɨmɨ wɨda' “Betelɨ sawɨnna dɨmwaaidera. Mwaala'gɨzɨ nɨmɨnyɨne simɨnye' dɨlɨvalaama!” Mi'na kuda' Jaikopɨ gamɨrebadaa'nyaraavɨ wɨda' “Sarɨmɨre sɨvuya yuya sabɨsa dɨmarasɨ'nyɨla! Sarɨmɨre kuryara tewaanyara mwaaibɨka! Nabaai kɨlaakejɨka gɨrɨka'nana aalya dɨzɨnyɨla! Aalya jɨnapɨjɨ kwaabɨhannya baazɨ'ma'nya tewaanya yaaka dakyɨla! Betelɨ sawɨnna nemɨ kaanyaana! Saba Gotɨyai nɨmɨjɨ mwaaiderɨna nɨmɨ simɨnye' lɨvalaabɨdera!” Jaikopɨ sara wɨdɨna yake' gamɨjɨyara sara ye'. Mi'na kye' wodaapɨjɨ Gotɨyai a'mwe pwara yuyaraavɨ Jaikopɨjɨyaraavɨna, “Sarɨmɨ a'mwe saraavɨ mipɨnera!” kada' a'mwe yuyara lɨka yɨna ye'. Jaikopɨ Betelɨ mwaalaka Gotɨyarɨna yɨleyagaala wɨdɨna ya'.