Yoni 17
17
Yesu 'ina tononoyao manudi 'isidasida
1Ta ni'atu yage getedi Yesu 'i'inanedi ta galewa 'ena 'i'itatu'e, ga 'isidasida, 'igwae, “Tamagu, 'igu tuta ni'atu 'imai. 'Enega 'abo'agu natuyo 'agu esana 'uda gitu'eye, be 'enega 'abo'agu wate 'amu esana yada gitu'eye. 2#Yo 6:39-40Manuna 'oyo loina 'u'ebwa'egu tomota maibo'adi manudi, be 'enega 'abo'agu yawasi ataya yada 'ebwaya taudi maibo'adi 'u'ebwa'eguya 'ediya. 3#1 Yo 5:20Ta yawasi ataya gete 'abo tomota simwalatoniyo 'aene 'oyo tuga tebweuyo Yaubada 'ai'aila, be wate 'abo To'etoseyana nigu simwalatonigu 'aene 'oyo 'uetuneguma.
4 #
Yo 4:34
“Bale'u gete 'ena 'amu esana ni'atu yagitu'eyena, manuna 'igu guinuwa nidi 'u'ebwa'eguya ni'atu yalosalonidi. 5#Yo 17:24Tamagu ye, gete tuga matamuya 'agu esana 'uda gitu'eye, nadigega tuga lowa 'oyo be 'abo'agu 'ida esaesa nina 'ena tamiyami, ga muliyega bale'u tamweluluina.
6“Ta 'imu bubuna maibo'ana ni'atu yae'itaena taudi me bale'u 'u'ebwa'eguya 'ediya, manuna 'oyo 'imu tomotaiyao ta 'u'ebwa'egu, ga 'imu ona maibo'ana simuliyena, 7ta wate yage nidi yauyauna 'u'ebwa'eguya simwalamwalatonidi 'aene 'oyo 'emuyega. 8#Yo 16:30Manuna ona nina 'u'ebwa'eguya ni'atu yae'itedi ta 'atediya sisa'una, 'enega simwalatoi 'ai'ailiguya 'aene 'oyo 'emuyega yamai, ta wate siemiseguya 'aene 'oyo 'uetuneguma.
9 #
Yo 6:37
“'Enega gete tuga manudi yasidasidawa 'emuya. Nigeya 'aene me bale'u manudi, ta esi tomota nidi 'u'ebwa'eguya manudi, manuna taudi 'imu tomotaiyao. 10Ta to'ase nadigega 'eguya simiyami 'oyo 'imu 'ebeloina, ta to'ase nadigega 'emuya simiyami 'abo'agu 'igu 'ebeloina, be tomota getedi manudi 'agu esana ni'atu 'isinabwa. 11#Yo 17:21Ta 'abo'agu ni'atu gete be 'emuya yawawa, ta geya'abo wate bale'uya yamiyami, ta esi taudi gete bada bale'uya simiyami. Tamagu ye, 'oyo to'esasa 'ai'aila. Yasida 'emuya be 'aene 'imu waiwaiyega 'uda 'ita'i'isidi taudi tomotai nidi 'u'ebwa'egu, be 'enega sida eboda 'ebweuna, nadigega tuga 'oyo be 'abo'agu 'ebweuna tuga. 12#Gu 1:18Ta tuta nina 'abo'agu ma'edi 'imu waiwai nina 'u'ebwa'eguya 'enega ya'ita'i'isidi, ta nigeya 'ebweu wate yaita 'ediyega yaloseloseye, nate namo tai nina lowa Buki Tabu 'ena tauna manuna 'ieonena be 'aene 'iesilae.
13 #
Yo 15:11
“Ta 'abo'agu ni'atu gete be yawawa 'emuya, ta 'igu ona getedi bale'uya 'igu tomotaiyao yaonaonaedi be 'enega 'igu gwausowala 'enega sida gwausowala sinabwana. 14#Yo 15:19Ta tomota nidi 'imu ona ni'atu ya'ebwa'edi, ta esi me bale'u sietalauwaledi, manuna taudi nigeya me bale'u 'idi boda 'ena simiyami, tuga nadigega 'abo'agu wate nigeya 'idi boda 'ena yamiyami. 15#2 Te 3:3Ta nigeya yasidasida manudi be 'aene bale'uyega 'uda 'ewa apwesedi, ta esi yasidasida manudi be 'aene geya'abo toto'umalina nina 'igitogitoodi. 16Manuna gete tuga taudi nigeya me bale'u 'idi boda 'ena simiyami, ta taudi esi nadigega 'abo'agu. 17Ta yasida 'emuya be 'imu ona 'ai'ailega 'uda giebobo'anedi be 'imu bodao 'esasedi.
18 #
Yo 20:21
“Nadigega tuga 'oyo 'uetuneguma me bale'u 'ediya 'abo'agu wate nadigega yaetunedi me bale'u 'ediya. 19'Igu tomotai nidi manudi yatagwalegu 'emuya be 'enega tuta 'imeema 'enaya taudi wate sida tagwala 'ai'ailedi 'emuya.
20“Tamagu ye, nigeya 'aene taudimo manudi yasidasidawa, ta esi taudi wate ma'etamo 'idi onega sida emisegu manudi. 21#Ga 3:28Yasida 'emuya be 'aene maibo'adi sida e'ebweu 'edaya, nadigega 'oyo be 'abo'agu 'ebweuna tuga, be 'enega me bale'u sida emisegu 'aene 'oyo 'uetuneguma.
22 #
Gu 4:32
“Lowa 'imu esaesa maemaedanina 'u'ebwa'eguya ni'atu tomotai nidi ya'ebwa'edi, be 'enega sida e'ebweu, nadigega tuga 'abo'ada tae'ebweuna. 23Ta 'abo'agu 'ediya yamiyami. 'Oyo wate 'eguya 'umiyami, be gete 'enega sida e'ebweu 'ai'aila. Be wate gete 'enega me bale'u sida mwalatonigu 'aene 'oyo 'uetuneguma, be wate sida mwalatoniyo 'aene 'oyo 'uobobomedi taudi, tuga nadigega 'abo'agu 'uobobomegu.
24 #
Yo 14:3
“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.
25“Tamagu ye, 'oyo palupaluyo, me bale'u nigeya simwalamwalatoniyo, ta esi 'abo'agu yamwalatonimu. Ta wate tomotai nidi getedi ni'atu simwalatonimu 'aene 'oyo 'uetuneguma. 26#Yo 17:6'Enega ni'atu 'imu bubuna yae'itaena 'ediya, ta ma'etamo wate yada e'ita limadi be sida mwalatoi 'ai'ailiyo, 'enega 'imu oboboma nina 'ateguya 'imiyami, taudi wate 'atediya 'ida miyami, ta 'abo'agu wate 'ediya yada miyami.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Yoni 17: dob
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
