लूका 9
9
बारा प्रेरितन क मुकल्या जान
(मत्ती 10:5-15; मरकुस 6:7-13)
1पछु ईशु बारा चेला क बुलावीन तीनुक सब साहळा आरू बीमारी क दूर करने की शक्ति आरू हक दिया, 2आरू त्यो तीनुक यहोवा–भगवान क राज्य क खबर करने आरू बीमार क वारलो करने क करता मुकल्या। 3ईशु ओका कयो, “मार्ग क करता काही नी ते लाकड़ी, नी झुली, नी रोटा, नी पोशा आरू नी दुय सुटर। 4जा काही घर मा तुमू उतरीया, चो रवु, आरू चा रयन वाट लागाड़ देदा। 5#प्रेरितन 13:51#लूका 10:4-11जो काही तुमू मान्य नी करे, उना नगर छे निकवता हुया आपने पाय की धुवो बाहरी नाख्या कि उन पर गवा होय।”
6अळते वो निकावीन गाँव खुश खबर सोमवाता, आरू हर कयी मानसे क वारू करता हुया पुगता छे।
हेरोदेसे की उलझन
(मत्ती 14:1-12; मरकुस 6:14-29)
7 #
मत्ती 16:14; मरकुस 8:28; लूका 9:19 देश क चौथाई क राजा हेरोदेस यो सब सोनवीन घाबराय गयो, काहकि काही ने कयो कि बपतिस्मा करनेवावा यहुन्ना मरलो हुया मा जीव उठ्यो छे, 8आरू काही ने यो कि एलियाह देखाय दिदो छे, आरू दिसरा ने यो कि जुनलो भविष्यवक्ता मा छे काही जीव उठ्यो छे। 9पुन हेरोदेस ने कयो, “यहुन्ना क तो हाव ने मुनको कटाड़ीयो, हिमी यो कुन छे ओका विषय मा ओसी वात सोमवता छे?” आरू त्यो ओको देखने की मरजी करी।
ईशु पाच हजार मानसे क खावड़ायो
(मत्ती 14:13-21; मरकुस 6:30-44; यहुन्ना 6:1-14)
10पछु प्रेरितन पुगीन जो काही त्या कर्या हुता, ओको देखाड़ दिया; आरू वो तीनुक अलग करीन बैतसैदा ढोंड्या नगर क ली गया। 11यो जानीन गर्दी ओको पछव होय गयी, आरू वो खुशी क साथे उनछे मिव्य, आरू उनछे यहोवा–भगवान क राज्य की वात करने लाग्या, आरू जो वारू हुयने जुवता हुता तीनुक वारू कर्या।
12जव दाहडु ढवने लाग्या तो ईशुन बारा चेला ने आवीन ओका सी कयो, “गर्दी क वाट लागाड़ीन चार तरफ गाँव आरू वस्तीमा मा जाईन टिके आरू खानो क उपाय करे, काहकि हामु या सुनसान जागामा छे।”
13त्यो उनछे कयो, “तुमू ही तीनुक खाने क आपो।”
त्या कयो, “हामरे साथे पाच रूटा आरू दुय मासा क छुड़ीन आरू काही नी; पुन हाव यदि हामु जाईन इन सब मानसे क करता खानो मुवे लेदा, तो होय सकता छे।” वो मानसे तो पाच हजार मानसे लग–भग हुता। 14“काहकि वा सारी पाच हजार लोगहन हुता”
आरू त्यो आपसा चेला सी कयो, उन लोगहन क बठाड़ देयो।
15त्या ओसो ही कर्या, आरू सब क बठाड़ दिया। 16तव त्यो वो पाच रूटा आरू मासा लावी, आरू सोरगदूत की आरू देखीन यहोवा–भगवान क धन्यवाद कर्या, आरू तुड़ी तुड़ीन चेला क देता गया कि मानसे क पुरछे। 17तव सब खाईन तुप्त हुया, आरू चेला ने वाच्या हुया तुकड़ा छे बारा खिल्ला भरीन हाकलिया।
पतरस क ईशु क मसीह स्वीकार करने
(मत्ती 16:13-19; मरकुस 8:27-29)
18जव वो एखला मा प्रार्थना कर रया हुता आरू चेला ओको साथे हुता, तो त्यो उनछे पुछ्या, “मानसे मखे काय कयता छे?”
19 #
मत्ती 14:1,2; मरकुस 6:14,15; लूका 9:7,8 त्या जवाब दिया, “यहुन्ना बपतिस्मा देनेवावा, आरू काही एलियाह, आरू काही यो कि जुनला भविष्यवक्ता मा छे काही जीवीन उठ्या छे।”
20 #
यहुन्ना 6:68,69 त्यो उनछे पुछ्या, “पुन तुमू मखे काय कयता होय?”
पतरस ने उनछे जवाब दिया, “यहोवा–भगवान ने मुकलनेवावा मसीह छे।”
आपने मरना क विषयमा ईशु कि भविष्यव्दाणी
(मत्ती 16:20-28; मरकुस 8:30–9:1)
21तव त्यो तीनुक आयड़ीन कयो कि यो काही छे नी कयनो। 22पछु ईशु कयो, “मानुस क पोर्या क करता पाको छे कि वो घोणा दुःख झेलीया, आरू डाहडा आरू मुखी पुजारा आरू शास्त्री ओको तुच्छ समझीन मार नाखने, आरू वो तीसरो दाहड़े जीव उठ्यो।”
23 #
मत्ती 10:38; लूका 14:27 त्यो सब छे कयो, “यदि काही मारे पछव आवने जुवे, तो आपने आप छे मना करे आरू हर दाहाड़े आपसो कुरूस हाकलिया हुया मारे पछव होय लेदा। 24काहकि जो काही आपसा जीव क वाचाड़से वो ओको खुवसे, पुन जो काय म्हारेन करता आपसा जीव क खुवसे त्योत् उको वाचाड़छे। 25यदि मानुस सब जग क हासिल कामो आरू आपसा जीव खुय देय या ओकी हानि उठाय, तो ओको काय लाभ होयछे? 26जो काही मखे छे आरू मारी वात छे लाजवायछे, मानुस क पोर्य भी, जव आपसी आरू आपसा बास की आरू चुखलो सोरगदूतो क महिमा साथे आवसे, तो ओका सी लाजवायछे। 27हाव तुमूछे सच कयता छे, कि जो याहा उबा छे, उनमा छे काही ओसा छे कि जव तक यहोवा–भगवान क राज्य नी देख लेय, तव तक मरना क हवाद चुखछे।”
ईशु क रूपान्तर
(मत्ती 17:1-8; मरकुस 9:2-8)
28इन वात क काही आगठा दाहड़ा बाद वो पतरस, यहुन्ना आरू याकूब क साथे लीन प्रार्थना करने क करता बयड़ा पर गया। 29जव ईशु प्रार्थना कर ही रया हुता, तो ओका चेहरा क रूप बदलाय गयो, आरू ओका छिन्दरा श्वेत हईन चमकने लाग्या। 30आरू उचकाळुन मूसा आरू एलियाह, यो दुय मानसे ओको साथे वात कर रया हुता। 31यो महिमा साथे देखाय दिया आरू ईशु क मरना की चर्चा कर रया हुता, जो यरूशलेम मा हुयने वालो हुता। 32पतरस आरू ओका साथी नीद छे भर्या हुता, आरू जव वारली तरह सचेत हुया, तो ओकी महिमा आरू उन दुय मानसे क, जो ओको साथे उबा हुता, देख्या। 33जव वो ओको साथे छे जाने लाग्या, तो पतरस ने ईशु छे कयो, “हे भगवान, हामरा याहा रयने खुशी छे: शेवली कावा हामु तीन मण्डप बनावसु, एक तारे करता, एक मूसा क करता, आरू एक एलियाह क करता।” वो जानता नी हुता कि काय कय रया छे।
34वो यो कय ही रया हुता कि एक वादवो ने आवीन तीनुक छा लेदो, आरू जव वो ओको वादवा छे घिरने लाग्या तो घाबराय गया। 35#मत्ती 3:17; 12:18; मरकुस 1:11; लूका 3:22#2 पतरस 1:17,18तव उना वादवो मा छे यो ओवाज निकव्य, “यो मारो पोर्य आरू मारो निवाड़या हुयो छे, ओकी सोमवु।”
36यो ओवाज होत ही ईशु ऐखलो देखाय गयो; आरू वो चुप रयो, आरू जो काय देखाय हुतो ओकी काही वात उन दाहड़ा मा काही छे नी कयी।
दृष्टात्माग्रस्त पोर्या क वारू करने
(मत्ती 17:14-18; मरकुस 9:14-27)
37दिसरे दाहड़े जव ईशु आरू तीन चेला बयड़ा छे उतरियो तो एक मोटी गर्दी ओको छे आय मिवी। 38आरू देखो, गर्दी मा छे एक मानुस ने आयडी कयो, “हे पोरबु, हाव तुखे छे रावन्या करता छे कि मारा पोर्या पर किरपा कर; काहकि वो मारो एक खुळिया पोर्या छे। 39आरू देख, एक साहळा ओको धरती छे, आरू वो एकदम आयडी उठे; आरू वो ओको ओसो मरोड़ती छे कि वो मुय मा जीभ भर लावता छे; आरू ओको कुचळीन वातड़ी मेहनत छुड़ती छे। 40हाव ने तारे चेला छे रावन्या करी कि साहळा निकाव, पुन वो नी निकाव सक्या।”
41ईशु उनको जवाब दिया, “हे विनभुरसीया आरू हठीले मानछे, हाव किही तक तुमरे साथे रवीस आरू तुमरी सकछे? आपने पोर्या क याहा ली आय।”
42वो पोर्या आय ही रया हुता कि साहळा ने ओको नाखीन मरोड़ा, पुन ईशु साहळा क लड़िया आरू पोर्या क वारू करीन ओका बास क आपी दिया 43तव सब मानसे यहोवा–भगवान क महाशक्ति छे चकित हुया।
दुसरी बार आपने मरना क विषयमा ईशु कि भविष्यवाणी
(मत्ती 18:1-5; मरकुस 9:33-37)
पुन जव सब मानसे उन सब काम छे जो वो करता हुता घबराय हुता, तो त्यो आपने चेला छे कयो, 44“तुमू इन वात पर कान्टा देवु, काहकि मानुस क पोर्या मानुस क हातमा सौप दिया जाछे।” 45पुन वो इन वात क नी जानने यो वात क नी सझता हुता, आरू उनछे डुकाय रयी कि वो ओको जानने नी देख्या; होती; आरू वो वात क विषय मा ईशु छे पुछा छे घाबराय हुता।
आखा रया मोट कुन?
46 #
लूका 22:24
पछु चेलामा यो विवाद हुयने लाग्यो कि हामु मा छे मोटो कुन छे। 47पर ईशु ओको मनको विचार जान लेदो, आरू एक पोर्या क लीन आपने साथे उबा कर्या, 48#मत्ती 10:40; लूका 10:16; यहुन्ना 13:20आरू चेला छे कयो, “जु कुई मार नाव छे इन पोर्या क मान्य करता छे, चु मखे मान्य करतो छे; आरू जु कुई मखे मान्य करता छे, चु मखे मुकलनेवावा क मान्य करतो छे, काहकि जु तुमू मा सब छे नाना छे नाना छे, चु मोटो छे।”
जो विरोध मा नी वो हामरा पक्ष मा छे
(मरकुस 9:38-40)
49तव यहुन्ना ने कयो, “हे भगवान, हामु ने एक माणुस क तारे नाव साहळा क निकावता देख्या, आरू हामु ओको मना कर्या, काहकि वो हामरे साथे हईन तारे पछव नी होय लेता।”
50ईशु ओका सी कयो, “ओको मना मा करू; काहकि जो तुमरे विरोध मा नी, वो तुमरी तरफ छे।”
सामरिया द्वारा ईशु क विरोध
51जव ओको ऊपर उठाय जाने क दाहड़ा पूरा हुयने पर हुता, तो त्यो यरूशलेम जाने क विचार दृढ कर्या। 52त्यो आपने ओगव मुकल्या। वो सामरिया क एक गाँव मा गया कि ओका करता धरती तीयार कर्या। 53पुन उन मानसे ने ओको उतरने नी दिया, काहकि वो यरूशलेम जाय रया हुता। 54यो देखीन ओका चेला याकूब आरू यहुन्ना ने कयो, “हे पोरबु, काय तु जुवता छे कि हामु हुकुम देय, कि आकाश छे आगठो पड़ीन तीनुक भस्म कर देय?”
55पुन त्यो पुगीन तीनुक लड़िया आरू कयो, “तुमू नी जानता कि तुमू कोसी आत्मा क होय। काहकि मानुस क पोर्या मानसे क जीव क नाश करने नी वरना वाचाड़ने क करता आश छे।” 56आरू ईशु काही दिसरा गाव मा चाली गया।
ईशु क चेला बनने क किमत
(मत्ती 8:19-22)
57जव वो मार्गमा जाय रया हुता, तो कोय ने ओका सी कयो, “जा तु जाछे, हाव तारे पछव चालीस।”
58ईशु ने ओका सी कयो, “कुल्या क धर आरू वादळा क चिल्ला क पांजरो हुतो छे, पर माणुस क पोर्या क मुनको हावकने भी धरती नी।”
59त्यो दिसराछे कयो, “मारे पछव होय लेय।” त्यो कयो,
“हे पोरबु, मखे पेहले जाने दे कि आपसा बासक गाड़ देसे।”
60ईशु ओका सी कयो, “मरलो हुयो क आपने मरला गाड़ ने दे, पर तु जाईन यहोवा–भगवान क राज्य कि कथा सोमवाय।”
61एक आरू ने भी कयो, “हे पोरबु, हाव तारे पछव होय आवीस; पर पेहले मखे जाने दे कि आपने घरको मानसे जानेन आदेश लेवु।”
62ईशु ओका सी कयो, “कायी आपसा हात हल पर राखीन पछव देखता छे, वो यहोवा–भगवान क राज्य काम करने योग्य नी।”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
लूका 9: NTDii20
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The New Testament in Dhankavi Language © The Word for the World International and Dhankavi Mandli, Khargon, Raykhed, Nandurbar, Maharashtra 2020
