Luk 3
3
Jɔn Ɔwaani mani ɔmɔla ɛtɨma Jisɔs
(Mat 3:1-12; Mak 1:1-8; Jɔn 1:19-28)
1Ra jɛɛ rokurɔ (15) ndi Tiberiɔs ɔra Ɔkɨm a Rom, ndi Pɔntiɔs Pailait ɔra ɔkɨm a Judia, Ɛrɔd Antipas ɔra ɔkɔkɔ a Galili, mɨnɛ ɔmalɔ ɔwɛn Filip ɔra ɔkɔkɔ ɔfɨrɔ ania Ituri akɨla Tɨrakonitis, Lisanayas ɔra ɔkɨm a Abilin. 2Anas ra Kayɛfas bɛ wara akɨm asia kɔya. Kɛlam ka Ɛbɨrɔkpabi kɛwɔ keyimɔ Jɔn, wɔna Sɛkaraya akɛ ra rɔchɛ ra ifɨrifɨr. 3Ɔnɔlɔ ɔfɨrɔ fɛb mbu wo fira Mayaa ma Jɔdan, ɔkani na, ani wawa sii nɛ ichɛŋa ɛfɔrafɔra, fɛɛ ɛkɔgɛlɛ nachɛ abɛ wa fɔranɛ ra obia ɔbɛ, mɨnɛ wa mulɛnɛ wawa tama ɛfɔrɛfɔrɛ nyi Ɛbɨrɔkpabi ɛfɔnɔ ɛnyɛbɛ. 4Kɛmanchi wa chɛrɛ ra Kɛkpa rachɛrɛ ra Aisaya, ɔlamaremu ra Ɛbɨrɔkpabi ƆKƆKƆ na:
“Remu ra oni rɛrakɛ reyina ra rɔchɛ ra ifɨrifɨr,
‘Ri nawɛ ɔkpɛna ɔbɛn kɔŋŋ ri lɔmɔ,
Ri tɛmɔ ɛtɨma rilɔmɔ!
5Iba ranfinɛ iyugɔ,
kekul ranchinɛ akɨla keguŋuŋ ranchinɛ kɛ tawɛrɛnɛ.
Itɨma nyi ira kɔkaŋ inawɛnɛ kɔŋŋ,
obia itɨma wo tumɛ lɛll.
6Oniranwunɛ kɨn ɔchɛ ɛnaninani Ɛbɨrɔkpabi.#3:6 Chɛ: Isa 40:3-5’ ”
7Jɔn ɔkani rɛkau rani mba wa wɔŋa osi bɛ ichɛŋa ɛfɔrafɔra na, “Awun kɛdɔng ka obia iyɔ, moni mɔ ɔbɛlɛ wun ri tɨlɛ rigbɛ esinisini Ɛbɨrɔkpabi nyi ɛnɨŋɔ wɔ? 8Riwugɔ radɨnoti nda ra kɔgɛlɛ ɛfɔrafɔra. Rika bɨnɛ rikana ikpaju iwun na, ‘Mitɛ owul Ɛbɨraam.’ Kum lɔɔ nkani wun na Ɛbɨrɔkpabi ɛyaya ɛyɨba rata ndafafa esii mbɔn ɛnyɛ Ɛbɨraam. 9Wa ba ɛlalɔ ra ilɨŋ oti, keti ranchinɛ nchi kebi wugɔ Bɨrika radɨnoti, kɨn wa kɨbi chɛ wa rɔ rikalɔ rokun.”
10Rɛkau rɛ bɨbɔ mɔ na, “Mambum bɛ re nɨŋo si faŋandi?”
11Jɔn ofini bɛ na, “Oni nwu ɔfɔnɔ ibɔwɛ rakpa ifaa, ɔnyɛ oni nwu abɔ obifɔnɔ kunɛ. Abɔ afɔnɔ kɔjɛ, nemi ra oni odudu nwu obifɔnɔ.”
12Atama ntubatuba gɔmɛn mɨnɛ wa wɔ osi bɛ ichɛŋa ɛfɔrafɔra, mɨnɛ wa bɨbɔ mɔ na, “Ɔkɔgakɔga, bubɛ re nɨŋo si?”
13Ɔkani bɛ na, “Rika tama risiŋɛ ogbuga nwu ɛlɔmɛnyɛ na ritama.”
14Arɨŋa reku mɨnɛ wa bɨbɔ mɔ na, “Awul mɨnɛ resi nnan?”
Ofini bɛ na, “Rika tama ani agbuga ra nsɨm akɨla ɛja. Ogbuga nwu wa kpia wun otuni wun.”
15Ani mbɛn fɛb wara wa dimana ra kerigɛjɛnɔ, arigɛ nkatir etimɔ na abɔ Jɔn mɔ ɔra Kɨraist! 16Jɔn ofini bɛ na, “Ami nyɨba mani nsiwun ichɛŋa ɛfɔrafɔra. Gbɔ oni nwu ɔfɔnɔ nsɨn osiŋɛ mɛ ɔtawɔ, idig a birɛ ikad ɛbɛn mbiyaa ntaa. Kɨn ɔyɨba Ɔwanɛwanɛ Roifɛ akɨla rokun osiwun ichɛŋa ɛfɔrafɔra. 17Otim ikoria#3:17 ikoria Ra Isɨrɛl wa yɨba ikoria nfi wa marɛ ra ɔfɨrɔ ɔkɔŋa wa saga omuu a birɛ ifɛn, nfi ofuga omuu a birɛ, mɨnɛ kɨn ofugɔ bɛ kumka ofuga birɛ, otugɛlɛ omuu ɔbɛn ra eku ɛyɛn. Gbɔ kɨn ɔdigɛ ɔkpa mbɛn ra rokun ndu rɔra lɨmalɨma.” 18Ra itɨma idudu, Jɔn ɔdɛ bɛ, ɔkani Bɨrika Kɔkani ɔnyɛ ani mbɛn.
19Gbɔ Jɔn ɔkɨlɔ tɛma Ɛrɔd Ɔkɨm a Galili kɛsɨb, rɛfɔ ndi otimɔ Ɛrɔdayas ɔwa ɔmalɔ ɔwɛn, akɨla obia birɛ edudu mbi obosi. 20Ɛrɔd ɔkɨla kebia nchifafa ra mbuka, ofinɔ Jɔn ra ɛtɔa jɔu.
Wa waa Jisɔs mani
(Mat 3:13-17; Mak 1:9-11)
21Ndi Jɔn obosi bɛ ichɛŋa ɛfɔrafɔra fɛb, ɔwa Jisɔs mani mɨnɛ. Ndi orua nyɔm, kayu ka kugɛlɛnɛ. 22Mɨnɛ Ɔwanɛwanɛ Roifɛ ɔrɛmɔ ra ɛkpa amɔm Efilɛ. Remu resi ra kayu na, “Awu mɔ ara Wɔnowum, nwu nfɔnɔ rɛda ra. Etimɔ ɛdɔma mɛ ra wu.”
Kɛtɨb ka Jisɔs
23Ndi Jisɔs ɔbɨnɛ rotumɔ rɔdɛn, ɔra jɛɛ kɛtɨn asɛ juu (30). Ani wa gbɛra mɔ kɛmaka Wɔn odumini a Josɛf,
Nwu mitɛ ɔwɛn ɔra Ɛli.
24Ɛli wɔna Matat,
Matat wɔna Lifai,
Lifai wɔna Mɛlki.
Mɛlki wɔna Janai,
Janai wɔna Josɛf.
25Josɛf wɔna Matatayas,
Matatayas wɔna Emɔs,
Emɔs wɔna Naum,
Naum wɔna Ɛsli,
Ɛsli wɔna Nagai.
26Nagai wɔna Maat,
Maat wɔna Matatayas,
Matatayas wɔna Simin,
Simin wɔna Josɛg,
Josɛg wɔna Joda.
27Joda wɔna Joanan,
Joanan wɔna Rɛsa,
Rɛsa wɔna Sɛrubabɛl,
Sɛrubabɛl wɔna Siltiɛl,
Siltiɛl wɔna Nɛri.
28Nɛri wɔna Mɛlki,
Mɛlki wɔna Adi,
Adi wɔna Kosam,
Kosam wɔna Ɛlmadam,
Ɛlmadam wɔna Ɛr.
29Ɛr wɔna Josua,
Josua wɔna Ɛliɛsa,
Ɛliɛsa wɔna Jorim,
Jorim wɔna Matat,
Matat wɔna Lifai.
30Lifai wɔna Simiɔn,
Simiɔn wɔna Juda,
Juda wɔna Josɛf,
Josɛf wɔna Jonam,
Jonam wɔna Ɛliakim.
31Ɛliakim wɔna Mɛli,
Mɛli wɔna Mɛna.
Mɛna wɔna Matata,
Matata wɔna Natan,
Natan wɔna Defid.
32Defid wɔna Jɛsi,
Jɛsi wɔna Ɔbɛd,
Ɔbɛd wɔna Boas,
Boas wɔna Salmɔn,
Salmɔn wɔna Nasɔn.
33Nasɔn wɔna Aminadab,
Aminadab wɔna Admin,
Admin wɔna Ani,
Ani wɔna Ɛsɨrɔn.
Ɛsɨrɔn wɔna Pɛrɛs,
Pɛrɛs wɔna Juda.
34Juda wɔna Jekɔb,
Jekɔb wɔna Aisig,
Aisig wɔna Ɛbɨraam,
Ɛbɨraam wɔna Tɛra,
Tɛra wɔna Naɔ.
35Naɔ wɔna Sɛrug,
Sɛrug wɔna Riu,
Riu wɔna Pɛlɛg,
Pɛlɛg wɔna Ɛba,
Ɛba wɔna Sɛla.
36Sɛla wɔna Kenan,
Kenan wɔna Arfasad,
Arfasad wɔna Sɛm,
Sɛm wɔna Nua,
Nua wɔna Lamɛg.
37Lamɛg wɔna Mɛtusɛla,
Mɛtusɛla wɔna Enɔg,
Enɔg wɔna Jarɛd,
Jarɛd wɔna Mahalalɛl,
Mahalalɛl wɔna Kenan.
38Kenan wɔna Enɔs,
Enɔs wɔna Sɛt,
Sɛt wɔna Adam,
Adam wɔna Ɛbɨrɔkpabi.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Luk 3: Olulumo-Ikom
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
©️2024 Luke Initiative for Scripture Translation
