Lukasa 24:46-47

De Una wato, “De gea igoungu abe ma dodihiraka atulihukuoka abe Ngohi Ma Jou ai Mesia kiani ahi kangela tohimangohi de tohonengohi de ahao ahi wange hange ipahaino de tomomikokali ahi honengino. De ahi abari gea kiani o nyawa yahingahu-ngahu o dunia ma nyawa mata-mataika, de gea yahingahu-ngahu de to Ngohi ahi kuaha. Abe imulaenge o Yerusaleeme ma kotaka naa de imahora-hora o dunia ma amokika. De ma abari gea ma titi abe onagona dika yotoba de yoporete manga howo-howonino, ona gea ahao Ma Jou waofi manga howono gea.