Matej 13
13
O Isus phenel e prispodoba palo sejači
1Isto godova đes o Isus inkljisto andar o ćher, đelo thaj bešlo pašo jezero te sikavel. 2Oko leste ćidape gaći but them, gajda kaj vo moraš te dijas ando čamco thaj bešlo, a sa o them ačhelas pe obala. 3But godova phenelas lenđe ande paramiče sago kaj si akaja: “Jek đes inkljisto o sejači te sejol. 4Dok sijolas, varesavo seme pelo po drom thaj avile e čiriklja thaj sa haline les. 5Aver seme pelo pe barutni phuv kaj nas but phuv thaj odmah inkljisto kaj e phuv nas handuk. 6Ali kana inkljisto o baro kham, phabilo thaj šućilo kaj nas les handuk koreno. 7Varesavo seme pelo maškar e kangre. E kangre barile thaj tasadine les. 8A varesavo seme pelo pe lačhi phuv, thaj bijandas šel drom majbut, šovardeš drom majbut, ili trjanda drom majbut.
9Ašunen, kana već situmen kan!”
Sostar o Isus mothol lenđe ande paramiči
10E Isuseše učenikurja avile dži leste thaj phučline les: “Sostar mothos e themešće ande paramiče?” 11A vo phendas lenđe: “Tumenđe si dino te džanen e tajne e nebesko Carstvošće, a lenđe naj dino. 12Kaj, kas si džanglipe, dela pe lešće thaj avela les još majbut, a kas naj, lelape lestar vi okova cara so si les. 13Zato phenav lenđe ande paramiče, kaj dićhen so ćerav, a phandaven e jakha te na dićhen, čhon kan so phenav lenđe, a či ašunen thaj či haćaren. 14Gajda pherdol pe lende e Isaijasko proročanstvo:
‘Ašunena mungre alava,
a či haćarena;
pire jakhenca dićhena mungre dela,
a našti dićhena len.
15Kaj barosajle e ile akale themešće,
pire kanenca jedva ašunen,
pire jakha phandadine;
te e jakhenca či dićen,
te e kanenca či ašunen,
te e ilesa či haćaren
thaj obratinpe, te sastarav len.’
16A blago tumare jakhenđe kaj dićhen, thaj blago tumare kanenđe kaj ašunen. 17Kaj čačes phenav tumenđe: e but e prorokurja thaj e pravednikurja zurale kamline te dićhen so tumen dićhen, a či dikhline thaj te ašunen so tumen ašunen, ali či ašundine.”
O Isus objasnil e paramiči palo sejači
18O Isus majdur phendas: “Ašunen so značil e paramiči palo sejači. 19Svakonešće savo ašunel o alav pale Devlesko carstvo, a či haćarel, avel o beng thaj čorel so si posadime ande lesko ilo. Godova si okova seme savo si posadime po drom. 20O seme savo si posadime po barutno than, si okova savo ašunel e Devlesko alav thaj odma e bahtasa prihvatil les, 21ali sar e Devlesko alav či muklas koreno ande leste, či ačhel dugo. Kana avel e nevolja thaj o progonstvo zbog o alav e Devlesko, vo odma otpadnil. 22O seme savo si posadime ande kangre, si okova savo ašunel o alav e Devlesko, ali e brige akale trajošće thaj o hohavno barvalipe tasaven o alav thaj ačhel bi plodosko. 23A okova seme kaj si posadime pe lačhi phuv, godova si okova savo ašunel o alav, haćarel thaj čače anel plodo, šel drom majbut, šovardeš drom majbut ili trjanda drom majbut.”
O Isus phenel e prispodoba palo điv thaj palo o kukolj
24Askal o Isus phendas lenđe vi aver paramiči: “O nebesko Carstvo si sago o manuš savo posadisardas o lačho seme ande piri njiva. 25Ali dok savora sovenas, avilo lesko dušmano thaj posadisardas o kukolji maškar o điv thaj đelotar. 26A kana o seme barilo thaj anda plodo, askal sikadilo vi o kukolj. 27Askal aviline e sluge ko domaćino thaj phendine lešće: ‘Gospodarina! Zar tu či posadisardan o lačho seme pe ćiri njiva? Katar askal o kukolj?’
28A vo phendas lenđe: ‘O dušmano ćerdas godova.’ A e sluge phučline les: ‘Kames te džas thaj te inkalas o kukolj?’ 29A o domaćino phenda lenđe: ‘Na, kaj te akana inkaldine o kukolji inkalena vi o điv. 30Mućen te liduj barjon džike žetva, thaj ande vrjama e žetvaći phenava okolenđe save ćiden o điv: Majsigo inkalen o kukolj, thaj phanden le ande snopurja te delpe jag, a o điv ćiden thaj čhon les ande mungro skladište.’”
O Isus phenel e prispodoba pale gorušicako seme
31O Isus phendas lenđe vi aver paramiči: “O Carstvo nebesko si slično sago e gorušicako semeno savo o manuš posardisarda ande piri njiva. 32Vi ako si majcikno katar sa o seme, kana barjol avel majbaro katar svako povrće. Barjol thaj avel kaš, thaj e čiriklja aven thaj gnezdin pes maškar lešće ranja.”
O Isus phenel e prispodoba palo kvasco
33Askal o Isus phendas lenđe aver paramiči: “O Carstvo nebesko si sago o kvasco savo lel e manušnji thaj šukljarel les ando but aro, dok sa či vazdelpe.” 34O Isus sa godova phendas e themešće ande paramiča. Thaj khanči či phenelas lenđe bi e paramičengo: 35Gajda pherdilo o proročanstvo savo phenel:
“Ande paramiči phenava
thaj objaviva okova so si garado katar o postanko e themesko.”
O Isus objasnil e paramiči palo điv thaj palo kukolj
36O Isus muklas e but e themes te džaltar thaj dijas ando ćher. E učenikurja aviline leste thaj phendine lešće: “Objasnisar amenđe e paramiči palo kukolj pe njiva.” 37A vo phendas lenđe: “Okova kaj posadisardas o lačho seme si o Čhavo e Manušesko, 38a e njiva si o them. O lačho seme si e manuša save pripadin e nebesko Carstvošće, a o kukolji si e manuša e benđešće. 39O dušmano savo posadisardas o seme si o beng; e žetva si o krajo e themesko, a okola save ćiden o điv si e anđelurja. 40Sago kaj o kukolji ćidelpe ande snopurja, thaj delpe jag, gajda avela vi po krajo e themesko. 41A me, o Čhavo e Manušesko, bičhalava mungre anđelen, te izdvoin andar mungro Carstvo savoren save crden avren po bezeh thaj savoren save ćeren bilačhipe. 42Thaj e anđelurja čhudena len ando jagalo bov, okote avela roipe thaj škripipe e dandenca katar e duk. 43Askal e pravednikurja sago o kham zasijina ando Carstvo pire Dadesko. Ašunen, kana već si tumen kan!”
O Isus phenel vi e aver paramiče pale Devlesko carstvo
44“E nebeske Carstvosa si sago e garade barvalipeja ande njiva. Kana o manuš araćhel les, garavel les okote thaj pherdo bah džal thaj bićinel sa so si les thaj ćinel godoja njiva.”
45Još o Carstvo nebesko si slično sago o trgovco savo rodel šukar biserja. 46Pa kana araćhel zurale kuč biseri, džal thaj bićinel sa so si les, te ćinel les.
47Još o Carstvo nebesko si slično sago vi e mreža savi si čhudini ando more ande savi astardile e svakovrsne mačhe. 48Kana e mreža pherdol e mačhenca, crden lat avri pe obala. Askal e ribarja bešen thaj losaren e lačhe mačhe thaj čhon len ande kante, a e bilačhe mačhen čhudena. 49Gajda avela po krajo e themesko: avena e anđelurja thaj odvoina e bilačhen katar e pravedne 50thaj e bilačhen čhudena ando užarime bov, okote avela roipe thaj škripipe e dandenca katar e duk. 51O Isus phučla len: “Dali haćardine sa akava?” A von phendine: “Haćardam.” 52O Isus phendas lenđe: “Zato si svako sikavno e Mojsiješće zakonestar savo si sikado palo Carstvo nebesko slično sago o domaćino savo andar piri riznica inkalel o nevo thaj vi o purano blago.”
E Isuse či prihvatisardine ando Nazaret
53Kana o Isus završisardas akala paramiče, đelotar okotar. 54Thaj dijas ando piro gav kaj barilo. Thaj sikavelas okote e theme ande lenđe sinagoge, a von zadivime phenenas: “Katar akales kasavi mudrost thaj moć? 55Naj li akava e tesaresko čhavo? Či li bučhol lešći dej Marija, a lešće phrala o Jakov, Josif, Simon, thaj o Juda? 56Thaj zar naj sa lešće pheja akate maškar amende? Katar les askal sa akava?” 57Thaj odbisardine te paćan ande leste.
A o Isus phendas lenđe: “O proroko si svugde poštujime osim ande piro gav thaj ande piro ćher.” 58Zbog lengo bipaćipe okote či ćerdas but e čudurja.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Matej 13: RČB
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
