Mapookyony 7
7
Mmbwa Shiniini ya Mifu
1Nndumi Iruva kavia Noe, “Anga safininy ando amwi na va mmba yafo woose, mashika elyi shilelollya yewe kukee wa usumanu mbee yakwa nnang'ani ya vandu. 2Efo mafisiny myelise moose utau mfungare, mfungare lya kyuumi na lya kyika, na efo mafisi yoo matefusu avii, avii nsi a kyuumi na kyika. 3Ipoo ndeye mfungare ta kyuumi na mfungare ta kyika, naambo kularete ufyari lya vayo yaa ulaniny. 4Mashika kusiaa mikonu mfungare neen nshendee mmbwa niini ulaniny, ando a mikonu makumi aana kio na nsanyiny na wo kyuumbe kyiiyo shilekiumba nshekirumataa.”
5Nawe Noe katana indo shaasa Nndumi Iruva alemmbavasya. 6Noe mmbo etiri myaaka, mayana arindaru kyeeri yekyo kya mmbwa niini ya mifu ulaniny. 7Noe kaanga safininy, we na nkaakwe, vana vakwe va kyuumi na vaka vawo kyeendwa ni mmbwa yeyo ya mifu. 8Na mafisi yoo myeeremutu, na yoo alekee myeeremutu na ndeye, neefyo fikufurwaa si 9fikaanga safininy yoo Noe akai, fivii, fivii kya kyuumi na kya kyika, shaasa Iruva alevavasya Noe. 10Naasa kwikisia mikonu yeyo mfungare, mmbwa yeyo nniini ya mifu, ikakapa mura ukaishywa ukapooka isikya ulana. 11Noe kafika myaaka mayana arindaru, kwikee mkonu wa ikumi na mfungare mwiiri wa kavii, ngyusoka shoose tikaruka mura mwiingyi nnu, na ngina ikapusswa mmbwa shiingyi deny. 12Mmbwa ikakapa urukeny, ando a mikonu makumi aana kio na nsanyiny. 13Nkonu yeto mweni mmbwa ilepooka ikapa, Noe, nka wakwe, vana vakwe wo Semu, Hamu na Yafeti, na vaka vawo vakaanga neefo safininy, 14ando amwi na wo ngata ya ifisi lya ngoroshon, na findo fyevikkya, neefyo firufukaa si, fikuruffwaa efo sumbai, neefyo firumbukaa na ndeye. 15Fikaanga safininy yoo Noe akai, fivii fivii, wo kimwi ekyo kitiri muu. 16Neefyo fileanga nafo, mmbo fyeeke fya kyuumi na fya kyika, shaasa Iruva alevavasya; Nndumi Iruva kanraiya-fo.
17Mmbwa yeyo niini ikasha ando a mikonu makumi aana, nato mura ukafumbuka ukaipoiyo Safina uwe ikakyeleya yoo uwe ya mura. 18Mura ukatira finya ukaingyifwa deny, na safina ilya ikakyeleya yoo uwe ya mura. 19Mura ukaingyifwa nnu ulaniny, na mafumbu moose akee si ya ngina akasikkywa mmura. 20Mura ukaingifwa ukasikkya mafumbu waasha lwa mita mfungare. 21Fyoose fikee na muu ulaniny fikafwa, na ndeye na findo fyeevikkya, na wo ifisi lya ngoroshony, na wo kindo kikufurwaa kishafwaa efo si, na wo ndu wa vandu; 22wo kindo kitiri mumuyo wa muu kikafwa, wo kimwi ekyo kyekee ando oomu. 23Wo kimwi kikee na muu ulaniny kikamamitwa kupookya ndu wa vandu kufike findo fyevikya neekyo kikufurwaa si, na ndeye ta nginii-u, fikamamitwa kunu ulaniny, kasaau Noe muni, ando amwi neewo vakee nawe efo safininy. 24Mura ukakaa witiri finya ando a mikonu iyana na makumi araanu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Mapookyony 7: MAS2
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.