Mateo 17
17
Yesu byo a alukile ke ungi
(Mako 9:2-13; Luka 9:28-36)
1Kabiji pakupitapo moba atanu na jimo Yesu wasendele ba Petelo, ne Yakoba, ne Yoano mulongo wanji, ne kwibatwala pa mutumba walepa bunke bwabo. 2Ne aye waalukile ke ungi ku meso abo, kabiji kilungi kyanji kyasaamine nobe juba, ne bivwalo byanji byamwekele nobe kyeya. 3Kabiji kwamwekele ba Mosesa ne Elaija, kasa besamba nanji. 4Kabiji Petelo wamwambijile Yesu amba, “Nkambo, pano pantu petuwamina kwikala! Kana mwaswa, tushimike matente asatu; umo wenu, mukwabo wa kwa Mosesa, ne mukwabo wa kwa Elaija.”
5 #
Nte 22:2; Sala 2:7; Isa 42:1; Mat 3:17; 12:18; Mako 1:11; Lu 3:22;
Mpitu 18:15
#
2 Pe 1:17,18 Byo akyambilenga, ponkapo jikumbi jibembela jibazhikile, kabiji mu jikumbi mwafumine jiwi ja ambile amba, “Uno ye Mwanami ye natemwa, monamwena lusekelo, mukookelai#17:5 Mukookelai: mu mabuku amo a kigiliki banemba amba, “mumvwai” aye!”
6Kabiji pa kwijumvwa baana babwanga baponene kinkuvumene, baubile bingi moyo. 7Ne Yesu waishile na kwibakwata amba, “Imanai kechi mube moyo ne.”
8Kabiji pa kwinuna meso abo, kechi bamwene nangwa umo ne, poso yenka Yesu.
9Kabiji pa kwikila ku mutumba, Yesu wibakambizhizhe amba, “Kechi mubuulepo muntu nangwa umo pa kyo mwamona ne, poso Mwana Muntu akasanguke mu bafu.”
10 #
Mala 4:5
Kabiji baana banji babwanga bamwipwizhe amba, “Lelo mambo ka banembeshi bamba amba, Elaija wafwainwa kubangijila kwiya?”
11Kumvwa Yesu wibakumbwile amba, “Elaija ubena kwiya, kabiji ne aye ukanengezha byonse. 12#Mat 11:14Kabiji nemwambila namba, Elaija waiya kala, ne kuyuka kechi bamuyukile ne, kabiji bamubijiile monka mwayijile michima yabo. Mo monka ne Mwana Muntu naye waya amone lumanamo kwi abo.”
13Kepo baana babwanga baumvwishishe amba, ye Yoano Mubatishi ye abena kutongola.
Kubukwa kwa mwanyike wajinga na mudemona
(Mako 9:4-29; Luka 9:37-43)
14Kabiji pa kwiya ku jibumba, kwaishile muntu ko aji, wamufukamijile amba, 15“Nkambo, bamuubile lusa mwanami wamulume, mambo uji na kishimu, wamanama bingi, mambo uponena mu mujilo ne mu mema javula. 16Kabiji naji kumuleeta ku baana benu babwanga, ne abo kechi baji kukonsha kumubuka ne.”
17Kabiji Yesu wibakumbwile amba, “Anweba kisemi kyabula lwitabilo kyaluwankana, bimye binga byo nkekala nenu? Bimye binga Byo nkemutekela muchima? Muleetai kwi amiwa.”
18Ponkapo Yesu wamukainye mudemona ne kufuma wafuminemo, kabiji ponkapo pa kyonkakya kimye mwana wabukilwe.
19Kepo baana babwanga baishile kwi Yesu kwa bunke amba, “Mambo ka o twaji kumukankelwa kumupangamo?”
20 #
Mat 21:21; Mako 11:23; 1 Ko 13:2 Ne Yesu wibakumbwile amba, “Mambo a kalwitabilo kenu kacheche, mambo kine nemwambila namba, inge muji na lwitabilo pamo nobe jipeke ja masitate, inge mwa mwambila uno mutumba amba, fumapo ya po pa, ne aye ukafumapo, kabiji kafwako kyo mukakankalwa ne. 21Byonkabyo musango uno kechi ulupukamo ne poso na lulombelo ne kuzhikilwa na nzala.”#17:21 Mu ma buku amo a kigiliki kechi aji na veleshi 21 ne.
Yesu byo a ambile jibiji na mambo a lufu lwanji
(Mako 9:30-32; Luka 9:43-45)
22Kabiji byo bakijinga mu Ngalilea, Yesu wibambijile baana babwanga amba, “Mwana Muntu waya akapanwe mu maboko a bantu, 23ne abo bakamwipaya, kabiji mu juba ja busatu ukasangulwa.”
Ne abo baumvwine bingi bulanda mu michima yabo.
Musonko wa ku nzubo ya Lesa
24 #
Lupu 30:13; 38:26 Kabiji pa kwiya mu Kapenama, batambwilenga musonko wa ku nzubo ya Lesa baishile kwi Petelo, ne kumwipuzha amba, “Mufunjishi wenu kechi usonka musonko wa ku nzubo ya Lesa nenyi?”
25Kumvwa aye Petelo amba, “Ee, usonka.” Kabiji pa kutwela mu nzubo Yesu wamuchibijila mu kwamba amba, “Ikika kyo walanguluka Shimona? Bamfumu ba pano panshi, batambula misonko ne milambo kwi bang'anyi? Ku baana babo bene nyi, inyi ku bangi?”
26Kabiji Petelo wakumbwile amba, “Ku bangi.”
Yesu wamwambijile amba, “Nanchi baana kechi basonka ne, bo baana ba bene. 27Byonkabyo, kuchiina amba, twakebatuntwisha, yainga ku kizhiba, mukatayemo kanda mu mema ne jisabi jitanshi jo musakuloba mwijishikule, ne pa kwijasamika kanwa musakutanaamo jali, mwijangatemo mupane musonko wami ne wenu.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Mateo 17: KNTP
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
