Mateo 16
16
Ba Faliseo byo basakile kumona kya kukumya
(Mako 8:11-13; Luka 12:54-56)
1 #
Mat 12:38; Lu 11:16 Kabiji kwaishile Bafaliseo ne Basadusea, kasa bamweseka na kumulomba amba ebamweshe kiyukilo kya mwiulu. 2Kumvwa aye amba, “Umvwe ke mabanga, anweba amba, kesha bukakya bulongo, mambo jiulu jachila. 3Ne lukeelo amba, leelo kuji mvula, mambo jiulu jachila ne kufinda. Mwayuka kutolela maana ku jiulu, kabiji biyukilo bya ino myaka kechi mwibiyuka ne. 4#Mat 12:39; Lu 11:29Kisemi kibi ne kya bukende kikeba kiyukilo. Bino kechi kikapewa kiyukilo ne, poso kiyukilo kya Yona.”
Ponkapo wibashiile kaye.
Mbizho ya Bafaliseo ne Basadusea
(Mako 8:14-21)
5Baana banji babwanga byo ba abukijile ku bushiya bwa kizhiba, balubileko kusenda kajo. 6#Lu 12:1Kepo Yesu ebambijile amba, “Tekanyai, kabiji jimukai ku mbizho ya Bafaliseo ne ya Basadusea.”
7Batatwile kwisamba abo bene na bene amba, “Kechi twasenda shinkwa ne.”
8Kabiji Yesu, pa kwikiyuka, wibambijile amba, “Anweba ba kalwitabilo kacheche, mambo ka o mubena kwisambila anweba bene na mambo a kubula shinkwa! 9#Mat 14:17-21Anweba ne pano ponse kuyuka nangwa kuvuluka na boba bashinkwa batanu ne biumbi bitanu bya bantu, ne mitaasa kana yaji inga yo mwatolele? 10#Mat 15:34-38Nangwa boba bashinkwa batanu na babiji ne biumbi bina bya bantu, ne mitaasa kana yaji inga yo mwatolele? 11Mambo ka kyo mwakankelwa kuyuka amba, kechi naji kwambang'ana mambo a bashinkwa ne? Jimukai ku mbizho ya Bafaliseo ne Basadusea.”
12Ne abo kepo bayukile amba, kechi witwambila amba, jimukai ku mbizho ya bashinkwa ne, poso ku mafunjisho a Bafaliseo ne Basadusea.
Petelo byo asolwele lwitabilo lwanji
(Mako 8:27-30; Luka 9:18-21)
13Kabiji Yesu byo aishile mumande a ku Kesalea Filipai, waipwizhe baana banji babwanga amba, “Mwana Muntu bantu bamuteela amba ng'anyi?”
14 #
Mat 14:1,2; Mako 6:14,15; Lu 9:7,8 Kumvwa abo amba, “Bamo bamba amba, Yoano Mubatishi, bakwabo nabo amba Elaija, bakwabo nabo amba Yelemiya, nangwa umo wa mu bangauzhi.”
15Kumvwa aye wibambijile amba, “Pakuba anweba muntela amba, ng'anyi?”
16 #
Yoa 6:68,69 Kumvwa Shimona Petelo amba, “Anweba mwi Kilishitu, Mwana Lesa mumi.”
17Ne Yesu wamwambijile amba, “Mwatokwa anweba ba Shimona mwana Yona! Pakuba kechi buntunshi bwa nyama ne mashi bo bwi musolwelakyo ne, poso Taata uji mwiulu. 18Ne amiwa namba, anweba mwi ba Petelo, kabiji pa jonka jino jibwe po nkatunga kipwilo kyami, ne binzhilo bya kalunga kechi bikekishinda ne. 19#Mat 18:18; Yoa 20:23Nkemupa bakii ba bufumu bwa mwiulu; kyo mukakasa pano pantanda ne mwiulu kikakaswa; kabiji kyo mukakasulula pano pantanda ne mwiulu kikakasululwa.”
20Ponkapo wibafunjile baana banji babwanga amba, kechi babuule muntu nangwa umotu amba uno ye Kilishitu ne.
Yesu waambila jimo mambo a kumanama ne lufu lwanji
(Mako 8:31-33; Luka 9:22)
21Kufuma pa kyonkakya kimye Yesu watatwile kwibafunjisha baana banji babwanga amba, “Kyamfwainwa amiwa nkaye ku Yelusalema, nkamaname na byamalwa byavula ku bakulumpe ne ku bang'anga bakatampe ne ku banembeshi ne kwipayiwa, kabiji mu juba ja busatu nkasangulwa.”
22Ponkapo Petelo wamutwajile kumbaji ne kutatula kumukanya amba, “Nkambo, akyo kizhila! Kechi kikemumwekela ne!”
23Pakuba aye wa alulukile ne kumwambila Petelo amba, “Fuma kwi amiwa Satana! Mambo obewa milanguluko yobe kechi yaimana pa bintu bya Lesa ne, poso ku bya bantu.”
24 #
Mat 10:38; Lu 14:27 Ponkapo Yesu wibambijile baana banji babwanga amba “Umvwe muntu usaka kundondela, ekane mwine, ashikule musalabu wanji ne kundondela. 25#Mat 10:39; Lu 17:33; Yoa 12:25Mambo awa usaka kupulusha mweo wanji ukamutaya, pakuba awa ukantayila amiwa mweo wanji, ukamumona. 26Lelo muntu nangwa wanonka ntanda yonse umvwe wataya mweo wanji ukamwenamo ka? Kabiji namba, ikika kyo akapana muntu kya kupimpula na mweo wanji? 27#Mat 25:31; Sala 62:12; Lo 2:6Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji. 28Kine nemubuula namba, po baji bamo baimana pano, bakabula kumona lufu nangwa pacheche ne, poso bakamone Mwana Muntu kasa eya mu bufumu bwanji.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Mateo 16: KNTP
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
