LUKA 14
14
1Kimi ato kiwö Yeso asispa Sapato* kwomisyeghö kö pö chi nyo kile akonga ompö kintöghoghi Parisaytin.* Kïpechï pich kïsöpchï nyinte. 2Kïnyini kungwïnchï chi nyinte nyo kyam sömewö nyo kikutu kelyön nko morïn. 3Atolapay kïtep nyinte koneti kirurut nko Parisaytin lö, “Chömwecha kirurutköcho kesope chi asispa Sapato nya anta ewo?” 4Kïsisyo pïchay lasay. Kïnget Yeso kusop chichay akïpïstö kïwechï kegh. 5#Mat 12:11. Atolapay kïlenchï pïchay, “Ngo ompö akwa nyo ato chïnchï montanyi anta edanyi kö pö pögh asispa Sapato, nyo möngwïsunye lawel asisoni?” 6Kïmökumïcha ntökuyokyï nyinte ngölyontononi.
Rïngata kegh nko takata to
7Ataye kilïtu toyechay köyay kïsïwa Yeso lö kikïlöy pich akïtöpchï kegh ngöcher cho kipö konyït. Kïlenyona, kïmwochï chane körkeyïn nyo kilö, 8#Ngt 25:6-7.“Ato kurchin chi omisyö, menyagh itöpö ngachar nyo pö tagh. Ompöwölo inkïtne töptoy mi tonte anka nyo konyïtote kïtïlinyi. 9Kïkany kwitï chichoni tontononi, ngwïnöy chichay kokurokwa kïlenchinyi, ‘Pïsinö chichï yi!’ Isïkenyi nyo le nyi atoni arasï aiwö itöpunö wölnö le löt. 10Wölo ato kurchinyi chi omisyö, karam töpenö ngachar nyo mi wolnö le löt, töto ngwïn chito kot muköy ana kïlenchinyi, ‘Nyonö töpenö yi le tagh wena.’ Ipunyi kïyoni konyït ompö tawu toyechoni mi köyoni löwïr. 11#Mat 23:12; Luk 18:14. Ompöwölo chi anka tïkwïl nyo syolöy kegh kerekuno, kïnyïl anka tïkwïl nyo reytegho kegh, kesyolöy.”
12Atolapay kïlenchï Yeso chichay kökur nyinte, “Ato ikurchï pich omisyö nyo pö pöghet anta nyo pö nangat, mekur opïn kongotiku anta werkökwo anta cho otupchö tïkwïl anta pörörisköku cho le sïkön, ompöwölo kurinyi chane ato le asïyech, kïlenye ato köghokunyi tïkuku. 13Wölo ato ikurchï pich omisyö, ikur mey nko cho ngwolsot nko cho köryote. 14Ato ighanyi lenyoni, isïkenyi kisoyönöt, ompöwölo memuköcha chane ntökïghokunyi tïkuchoni kepaghenyi chane. Ghokunyi Tororöt otini ketutunö pipö man ngwen.”
Körkeyïn pö omisyö nyo wow
(Mat 22:1-10)
15Otini kilïm ngalechoni chi akong ompö pïchay kyomisïyi, kïlenchï Yeso, “Wechï ngörechote pich cho omisyegho asïyech Pöyunöto Tororöt.”
16Wölo kïlenchï Yeso chichay, “Kimito chi nyo kikurchï pich cho chang omisyö nyo wow. 17Kïkany kwigha omisyonay, kïyonta mötworintenyi kïmwochï, toechi lö, ‘Apkana nyu, kikuten wölay.’ 18Wölo kinget pïchay kikïkur löwïr kïmwochï mötworintonay tïkwïn cho kirat chane kömpölelut cho mapa kwam omisyonay. Kïlö chï nyo pö tagh, ‘Kalan par, akïmïchinanïn owö aros. Nyo lenchinö chichona, mutyö, motunanye.’ 19Kïlö anka, ‘Kalan eghin taman cho kïngoro par. Owetan otyömöy chane, nyo lenchinö chichona mutyö, motunanye!’ 20Kïlö anka, ‘Kötokensïyan, kïlenyona momukanye ntangwïn.’ 21Kïmïla mötworintonay akïmwochï echotyontenyi ngalechoni löwïr. Kïnarek akïlenchï mötworintenyi, ‘Wïye aingwïnta kegh. Lïtö kanasyan iwerata artïne löwïr, cho minkech nko cho echön. Wïyö mïtuna pich cho le mey nko cho ngwolsot nko cho köryote.’ 22Atolapay kïlenchï mötworintonay echotyontenyi, ‘Kaghan lenyaye kemwowaninyi, wölo tökïmi pöroyïn nyo pö pikö walaka.’ 23Kïlenchï chichay mötworintenyi, ‘Wïyö ntereltö sany pö kanasyan. Weratena ortïn cho echön nko cho pö kelyön aikurï pich kïpka, tökïnyïghï konyan. 24Nyomwowok lö, möminye nyo le ompö akonga nyo pö pïchanya kyokurön nyo chömchömöy omisyenyan.’ ”
Tökïlïkwï chi kinetana Yeso
(Mat 10:37-38)
25Atolapay kïtas tagh Yeso ompö rutoghtanyi. Kirïp nyinte söpïch nyo wow. Otini kimi pan, kïwaghaka Yeso akïlenchï chane, 26#Mat 10:37. “Ato ngwïn chi wölo omitan, amachamanïnye kitïl wölo chömtoy kwanta nko kame nko korkenyi nko monechi nko werkökwa nko tipikwa nko ompö nyinte kegh kïmölïkunye akonga ompö kinetankachan. 27#Mat 10:38; 16:24; Mrk 8:24; Luk 9:23. Amemukönye chi anka tïkwïl kïlïkwï kinetanenyan kïpoto ato sït kimurtöwontenyi akïrïpanïn.
28“Ato mi chi ompö akwa nyo mököy kïtek kö nyo wow, olentan nyo pö tagh töpo ngwïny akuyitisyö ntökisïwa lö, otïngetö ropïyen cho owonyo teksyononi. 29Ato meghnye lenyoni, akakutor kado luch kïmemukönye kuwongöy teksyo köyoni pich cho sïwïyi pkonöy nyu kïroröchini nyinte, 30lö, ‘Arose chichï kitor kïteksyö wölo kipöl kuwany.’
31“Ato mi pöytoghintö nyo mököy kïsetöy kïporyö nko pöytoghinte anka, olentan nyo pö tagh töpo ngwïny. Atolapay kïtep kegh, lö ekumuköy lïkenyi nyo pö pich 10,000 kïporyö nko lïko pöytoghinte nyinö anka nyo tïng pich 20,000? 32Kwato sïwa lö, momuköy, otini tökï low nyinte yontoy pich kïpa wölo mi pöytoghintonay anka atökïmar or nyo muto mis. 33Kïlenyona nyu, möminye chi ompö akwa nyo lïku kinetanenyan, kïpoto ato mayangnye tïkuchi löwïr cho tïng ompö parakunyan.
Partin cho makïchömtocha
(Mat 5:13; Mrk 9:50)
34“Karamach partina wölo ato wonyö onyïnie, kïmökïminye wölo kidoy kuyokï kegh ngat. 35Mökunyiwunye kïgh ompö nyïngwïtyanta par nyo kïngoröy anta kekulkulyö nko pures. Pö kelasta. Ato itïng chi yitïn cho ilïmo, ilïm.”
Kech nyo kipot
(Mat 18:12-14)
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
LUKA 14: PIPÏLIA
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
©Bible Society of Kenya, 2019
