ମାତିଉ 6
6
ଦାନ୍ ବିସୟ୍ତାନ୍ ସିକିୟା
1 #
ମାତିଉ ୨୩:୫. “ଲୋକାଙ୍ଗ୍ ତର୍ତେଙ୍ଗ୍ଇଜି ପୁଲାପୁଲିଦାନ୍ ନେଗିପାଣି କିମାଟ୍ । ଆକାକିତିଙ୍ଗ୍ ମୁସ୍କୁପୁର୍ତି ବୁବା ମାଣ୍କୁ ମିର୍ ପୁରସ୍କାର୍ ପୟ୍ଇଦେର୍ ।”
2“ଅରେନ୍ କାକୁର୍ତି ଲୋକ୍ତିଙ୍ଗ୍ ଇନି ଦାନ୍ ସନିୱାଲେ ପୁଲାପୁଲି ଲୋକ୍ତି ୱାଜା ମୋରି ଉକୁସି ତର୍ଆଇଆମାଟ୍ । ୱାର୍ ପାର୍ତନାକିନି ଇଲ୍କାଙ୍ଗ୍ ନି ସାକ୍ଡ଼ି ମଜାୟ୍ ନିଜେଦି ଦାନ୍ଦାର୍ମୁଦି ପାଣି କିନାର୍ । ଲୋକାମାଣ୍କୁ ଦନ୍ୟବାଦ୍ ପୟ୍ଦେଙ୍ଗ୍ ୱାର୍ ଇକା କିନାର୍ । ନାନ୍ ସତେନେ ଇଜିନା ଜେ ୱାର୍ ଇୟାମାଣାନ୍ ୱାରି ପୟ୍ନିକା ପୁରାଦାନ୍ ପୟ୍ତାୱିସ୍ତାମାନାର୍ ।” 3ମାତର୍ ମିର୍ ଅରେନ୍ କାକୁର୍ତି ଲୋକ୍ତିଙ୍ଗ୍ ସାକାକିନିୱାଲେ, ଇୟାୱାଜା କିଦୁ, ଏଣ୍ତେସ୍ ମି ଲାକ୍ତୁରି ସଙ୍ଗ୍ ବା ଇୟା ମାଟା ନେସ୍ତେଙ୍ଗ୍ ଆଟ୍ଏନ୍ । 4ଇୟାୱାଜା ମି ଇୟା ଦାନ୍ ମାର୍କ୍ସି ଆତିମାରିଙ୍ଗ୍ ବା ମି ୱିଜୁ ସୁଣି ବୁବା ମାର୍ଗିଜି ଆକା ସୁଡ଼୍ଜି ମିଙ୍ଗିଁ ପୁରସ୍କାର୍ ସିନାନ୍ ।
ପାର୍ତନା ବିସୟ୍ତାନ୍ ସିକିୟା
(ଲୁକ ୧୧:୨-୪)
5 #
ଲୁକ ୧୮:୧୦-୧୪. “ପାର୍ତନା କିନିୱାଲେ ପୁଲାପୁଲି ଦାର୍ମୁ ଲୋକା ୱାଜା ଆମାଟ୍ । ୱିଜେରେ ଏଣ୍ତେସ୍ ସୁଡ଼୍ଦେଙ୍ଗ୍ ଆଟ୍ନାର୍, ଆୟାଉଣ୍ତିଙ୍ଗ୍ ପାର୍ତନାକିନି ଇଲ୍କାଙ୍ଗ୍ ମାରି ରାସ୍ତା ଡେଣେଆଙ୍ଗ୍ ନିଲ୍ଜି ୱାର୍ ପାର୍ତନା କିଦେଙ୍ଗ୍ ବଦାକିନାର୍ । ନାନ୍ ମିଙ୍ଗିଁ ସତେନେ ଇଜିନା ଜେ ୱାର୍ ନିଜେ ନିଜେଦି କିତିମାନିପାଣିଦି ପୁରସ୍କାର୍ ପୟ୍ତାୱିସ୍ତାମାନାର୍ ।” 6ମାତର୍ ଏସ୍ତିୱାଲେ ମିର୍ ପାର୍ତନା କିନିଦେର୍, ନିଜେଦି ବାକ୍ରା ଲୋଇ ସାନ୍ଡ୍ରୁ, ସେର୍ଲା କେର୍ତୁ ମାରି ମି ତରାଇଆଇ ବୁବେଙ୍ଗ୍ ପାର୍ତନା କିଦୁ । ମିର୍ ମାର୍କ୍ସି ଆମାକା କିନିଦେର୍, ୱିଜୁସୁଣି ମୁସ୍କୁପୁର୍ତି ବୁବା ଆକା ସୁଡ଼୍ଜି ମିଙ୍ଗିଁ ପୁରସ୍କାର୍ ସିନାନ୍ ।
7“ମି ପାର୍ତନାଦୁ ଅବିସ୍ବାସ୍ରି ୱାଜା ନାଣ୍ତ ଅର୍ତସିଲି ମାଟେଙ୍ଗ୍ କିମାଟ୍ । ୱାର୍ ଅଡ଼୍ବିନାର୍, ୱାରି ପାର୍ତନା ନିର୍ଇକା ଆତିଙ୍ଗ୍ ମାପୁରୁ ୱେନାନ୍ । 8ୱାରି ୱାଜା ଆମାଟ୍ । ମିର୍ ଲୋସ୍ନି ଆଗ୍ଡ଼ି ମି ଆମାକା ଦର୍କାର୍, ମି ମୁସ୍କୁପୁର୍ତି ବୁବା ଆକା ୱିଜୁ ନେସ୍ନାନ୍ ।” 9ଆଦେଙ୍ଗ୍ ଇୟାୱାଜା ପାର୍ତନା କିନିକା ମି ନେଗେତ୍ ।
ମା ମୁସ୍କୁପୁର୍ତି ବୁବା,
ନି ପବିତ୍ର ଦରୁ ପେରିକାଆପିତ୍ ।
10ନି ରାଜି ରାପିତ୍ ।
ନି ବଦା ମୁସ୍କୁପୁର୍ତୁ ଏଣ୍ତେସ୍, ଇୟା ଦୁନିଆଦୁ ବା ଆୟାୱାଜା ପୁରାଆପିତ୍ ।
11ନେର୍ ମାଙ୍ଗିଁ ଦର୍କାର୍ମାନି କାଦି ସିଦା ।
12ମା ବିରଦ୍ତାନ୍ ଦୋସ୍ କିତିମାନି ଲୋକାଙ୍ଗ୍ ମାପ୍ ଏଣ୍ତେସ୍ କେମାକିନାପ୍,
ଆୟାୱାଜା ମା ଦସ୍ ୱିଜୁ କେମା କିଆ ।
13ମାଙ୍ଗିଁ ଆଟ୍ୱା ପରିକାଦୁ ଆର୍ଦେଙ୍ଗ୍ ସିମା ।
ତାଗ୍ଇ ମାଣାନ୍ ମାଙ୍ଗିଁ ରକିୟାକିୟା । ଇରିଙ୍ଗ୍ ସାସନକିନିକା, ପେରିସାକ୍ତି, ଗୌରବ୍ ଜୁଗ୍ ଜୁଗ୍ ନିଦିଆପିତ୍#୬:୧୩ ଇରିଙ୍ଗ୍ ସାସନକିନିକା, ପେରିସାକ୍ତି, ଗୌରବ୍ ଜୁଗ୍ ଜୁଗ୍ ନିଦିଆପିତ୍ ଇୟା ବାକ୍ୟ ଏସ ପାଡ଼ିଇ ରାସାତିମାନି ସିଲେତ୍ । , ଆମେନ୍ ।
14 #
ମାର୍କ ୧୧:୨୫,୨୬. ମି ବିରଦ୍ତାନ୍ ଦସ୍ କିତିମାନି ଆଇୱାରିଙ୍ଗ୍ ଜଦି ମିର୍ କେମାକିନିଦେର୍, ମି ମୁସ୍କୁପୁର୍ତି ବୁବା ବା ମିଙ୍ଗିଁ କେମାକିନାନ୍ । 15ମାତର୍ ମିର୍ ଜଦି ଆଇୱାରିଙ୍ଗ୍ କେମାକିଇଦେର୍, ମି ମୁସ୍କୁପୁର୍ତି ବୁବା ବା ମିର୍ କିତିମାନି ଦସ୍ୱିଜୁ କେମାକିଏନ୍ ।
ଉପାସ୍ ବିସୟ୍ତାନ୍ ସିକିୟା
16ଉପାସ୍ କିନିୱାଲେ ପୁଲାପୁଲି ଦାର୍ମୁଦି ଲୋକା ୱାଜା ମକମ୍ ରେପ୍ମାଟ୍ । ୱାର୍ ଉପାସ୍କିଜିନାର୍ଇଜି ଆଇୱାରିଙ୍ଗ୍ ତର୍ତେଙ୍ଗ୍ଁ ଇଜି ନିଜେଦି ମକମ୍ତିଙ୍ଗ୍ ଜାତୁନ୍କିଏନ୍ଣ୍ତା ଇଡ୍ନାର୍ । ଇକା ସତେନେ ଜେ ଆୟାୱାଜା କିନି ମାଣାନ୍ ୱାର୍ ନିଜେଦି ୱିଜୁ ପୟ୍ନିକା ପୟ୍ତାୱିସ୍ତାମାନାର୍ । 17ମାତର୍ ମିର୍ ଉପାସ୍ କିନିୱାଲେ ମକମ୍ ଉର୍ପାଜି, ତାଲାଦୁ ନିୟୁ ଉସାଜି ତେବାଦୁ, 18ଏଣ୍ତେସ୍ ଉପାସ୍କିଜିନିଦେର୍ ଇଜି ଆଇକାର୍ ନେସ୍ତେଙ୍ଗ୍ ଆଟ୍ଏର୍, ମାତର୍ ମି ତରାଇଆଇ ବୁବାନେ ୱିଜୁ ମାଟା ନେସ୍ନାନ୍ । ମିର୍ ମାର୍ଗ୍ଜି ଆମାକା କିଜିନିଦେର୍, ଆକା ସୁଡ଼୍ଜି, ୱାନ୍ ମିଙ୍ଗିଁ ପୁରସ୍କାର୍ ସିନାନ୍ ।
ମୁସ୍କୁପୁର୍ତୁ ଉଣ୍ତାକିତି ଦନ୍
(ଲୁକ ୧୨:୩୩-୩୪)
19 #
ଜାକୁବ ୫:୨,୩. ଇୟା ଦୁନିଆଦୁ ନିଜେଦି ଉଣ୍ତିଙ୍ଗ୍ ଦନ୍ ଉଣ୍ତା କିମାଟ୍ । ଏମେମାନୁ ସେଦା ନି କିଟିଙ୍ଗ୍ ତିନେ, ମାରି ଡଙ୍ଗାଁର୍ଉଁ ରୁକ୍ସି ଡଙ୍ଗାଁକିନା ଅନାର୍ । 20ମାତର୍ ଇୟାୱାଜା ମୁସ୍କୁପୁର୍ତୁ ମି ଉଣ୍ତିଙ୍ଗ୍ ଦନ୍ ଉଣ୍ତା କିଦୁ । ଏମେମାନୁ ପିଡ଼୍କୁ ନି କିଟିଙ୍ଗ୍ ତିନ୍ଉ ମାରି ଡଙ୍ଗାଁର୍ଉଁ ଡଙ୍ଗାଁକିଏର୍ । 21ଇରିଙ୍ଗ୍ ଏମେମାନୁ ମି ଦନ୍, ଆବେ ମି ମନ୍ ।
ମେନ୍ଦଲ୍ତି ଜାୟ୍
(ଲୁକ ୧୧:୩୪-୩୬)
22କାଣ୍ଗା ମେନ୍ଦଲ୍ତି ଦିୱା ୱାଜା । କାଣ୍ଗା ନେଗିକାମାର୍ରିଙ୍ଗ୍, ମେନ୍ଧଲ୍ ଜାୟ୍ତୁ ପୁରାଆଜି ନିଙ୍ଗ୍ଁନାତ୍ । 23ମାତର୍ ମି କାଣ୍ଗା ଜଦି ତାଗ୍ଇକା ମାନାତ୍, ମେନ୍ଧଲ୍ ସିକାଟି ଆନାତ୍ । ମି ଜିବନ୍ତି ଜାୟ୍ ଜଦି ସିକାଟି ଆନାତ୍, ଆୟା ସିକାଟି ଏସା ବୟ୍ଙ୍କାର୍ ସିକାଟି ଆଏତ୍ ନୋ !
ମାପୁରୁ ନି ଦନ୍ ସମ୍ପତ୍ତି
(ଲୁକ ୧୬:୧୩; ୧୨:୨୨-୩୧)
24ଅରେନ୍ ଲୋକୁ ରିଏରି ମାଲିକ୍କା ସାକର୍ ଆଦେଙ୍ଗ୍ ଆଟ୍ଏନ୍ । ୱାନ୍ ଅରେନ୍ୱାନିଙ୍ଗ୍ କାଡ଼୍ନାନ୍ ମାରି ଆଇୱାନିଙ୍ଗ୍ ଜିବନ୍ନୋନାନ୍, ମାରି ଅରେନ୍ୱାନିଙ୍ଗ୍ ମାନାନାନ୍ ମାରି ଅରେନ୍ୱାନିଙ୍ଗ୍ ମାନାଏନ୍ । ମିର୍ ମାପୁରୁ ନି ଡାବୁକାସୁଦି ସାକର୍ ଆଦେଙ୍ଗ୍ ଆଟ୍ଇଦେର୍ ।
25ଇୟାଉଣ୍ତିଙ୍ଗ୍ ନାନ୍ ମିଙ୍ଗିଁ ଇଜିନା, ଜିବନ୍ତି ଜିନି ଉଣ୍ତିଙ୍ଗ୍ ଦର୍କାର୍ମାନି କାଦି ମାରି ଏର୍ ମାରି ଆରାନି ଉଣ୍ତିଙ୍ଗ୍ ଦର୍କାର୍ମାନି ଆଙ୍ଗିଁପାସିୟା ଉଣ୍ତିଙ୍ଗ୍ ବେମ୍ରି ଆମାଟ୍ । କାଦିଦି ମାଣ୍କୁ ଜିବନ୍ ଇନିକା ନାଣ୍ତ ଦାରା ସିଲେ ? ଆଙ୍ଗିଁପାସିୟା ମାଣ୍କୁ ମେନ୍ଧଲ୍ ଇନିକା ନାଣ୍ତ ଦାରା ସିଲେ ? 26ପଟିଆଙ୍ଗ୍ଁ ସୁଡ଼୍ଦୁ । ୱାକ୍ ୱିତୁ ୱିତ୍ଉ । ପାସି ଉଣ୍ତା କିଜି କଲ୍କିଦୁ ଉଣ୍ତାକିଉ । ଆରିଙ୍ଗ୍ବା ମି ମୁସ୍କୁପୁର୍ତି ବୁବା ୱାନିକାଙ୍ଗ୍ ତିନ୍ଡ୍ରେଙ୍ଗ୍ କାଦି ସିନାନ୍ । ମିର୍ ଇନିକା ପଟିଙ୍ଗାଁ ମାଣ୍କୁ ନାଣ୍ତ ଦାରା ସିଲେ ? 27ମି ଲୋଇ ଏନ୍ ସିନ୍ତା କିଜି କିଜି ନିଜେଦି ଜିନି ବାର୍ସୁ ପିରିସ୍ କିଦେଙ୍ଗ୍ ଆଟ୍ନାନ୍ ?
28“ଆଙ୍ଗିଁପାସିୟା ଉଣ୍ତିଙ୍ଗ୍ ଏନ୍ଦା ଦାନ୍ଦା ଆଜିନିଦେର୍ ? ସୁଡ଼୍ଦୁ, ବନ୍ତି ପୁଙ୍ଗୁଁକାଙ୍ଗ୍ ଏଣ୍ତେସ୍ ପିର୍ନେ । ୱାକ୍ ପାଣିକିଉ କି ନିଜେଦି ଉଣ୍ତିଙ୍ଗ୍ ଆଙ୍ଗିଁଙ୍ଗ୍ ରସ୍ଉ ।” 29ମାତର୍ ନାନ୍ ମିଙ୍ଗିଁ ଇଜିନା, ରାଜା ସଲମନ୍ ୱାନି ୱିଜୁ ଦନ୍ ମାରିଙ୍ଗ୍ ବା, ଇୟା ପୁଙ୍ଗୁଁକା ୱାଜା ସୁନ୍ଦର୍ ଆଙ୍ଗିଁ ଏସାଙ୍ଗ୍ ଆରାଏନ୍ମାର୍ହାନ୍ । 30ମାତର୍ ନେର୍ ଆମା ଲାଟା କିଡ଼ିଇଦୁ ମାନାତ୍, ୱିଗେରିଙ୍ଗ୍ ତେବାଏତ୍ କୟାୟ୍ଆଜି ସିସୁଗୁଟାଦୁ ପୋକ୍ନାର୍ । ମାତର୍ ଆୟାୱିଜୁ ବା ମାପୁରୁ ଏସା ସୁନ୍ଦର୍ ଆଙ୍ଗିଁଆଣ୍ ରସ୍ତାମାନାନ୍ । ମିଙ୍ଗିଁ ଆଙ୍ଗିଁପାସିୟା ସିଦେଙ୍ଗ୍ ଇଜି ୱାନ୍ ଇନିକା ନାଣ୍ତ ସୁଡ଼ୁଏନ୍ ? ମି ବିସ୍ବାସ୍ ସତେ ଏସା ଉଣା !
31“ଆରିଙ୍ଗ୍, ନା କାଦି ଏମେଣ୍କୁ ୱାନାତ୍, ମାରି ନା ଉଣିକା ? ମାରି ଆଙ୍ଗିଁ ? ଇୟା ବିସୟ୍ତାନ୍ ସିନ୍ତା କିମାଟ୍ ।” 32ଏମେକାର୍ ମାପୁରୁଙ୍ଗ୍ଁ ନେସ୍ଇମାନି ଅଣଜିହୁଦି ଲୋକୁ ଇୟାୱିଜୁ ବିସୟ୍ ପୟ୍ଜି ଅନାର୍ । ମାରି ଇୟାୱିଜୁ ବିସୟ୍ ଜେ ମି ଦର୍କାର୍ମାନାତ୍, ଆକା ମି ମୁସ୍କୁପୁର୍ତି ବୁବା ନେସ୍ନାନ୍ । 33ମାରି ମାପୁରୁଦି ରାଜି ବିସୟ୍ ମାରି ମାପୁରୁ ମି ମାଣ୍କୁ ଇନିକା ବଦାକିନାନ୍, ଇୟା ମାଟା ମି ମନ୍ତୁ ଆଗ୍ଡ଼ି ବାଡି ସିଦୁ । ଆରିଙ୍ଗ୍ ୱାନ୍ ମିଙ୍ଗିଁ ଆଇ ୱିଜୁ ବିସୟ୍ ଉଣ୍ତାକିନାସିନାନ୍ । 34ମାରି ୱିଗେରି ଉଣ୍ତିଙ୍ଗ୍ ସିନ୍ତା କିମାଟ୍ । ୱିଗେରି ସିନ୍ତା ୱିଗେ କିନିଦେର୍ । ୱିଗେରି ବିସୟ୍ତାନ୍ ସିନ୍ତା କିଜି ନେର୍ଇ ଦାନ୍ଦାଦିଙ୍ଗ୍ ପିରିସ୍ କିମାଟ୍ ।
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
ମାତିଉ 6: NTKoo20
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The New Testament in Konda Porja Language © The Word for the World International and Konda Porja Translation Samithi, Dasamanthpur, Odisha 2020
