John 20
20
1Lāk gālābāya sa num punā gīlā gāḵī Mary Magdalene lāḵā digāzī kāh‐īdā, yiḵs pudikilā ma ī, la dūqilā ḵā tīsum āḵs lā ī klīqilī zuqā lāḵā digāzī.
2Lā zilhwīda, gāḵ lāḵ Simon Peter, gla wī da numūq disciple yiḵ tlāhwilēs Jesus, kās nīk īk, lāh dāḵw um ḵuntī uḵ‐īd ḵā Gīkumāya lawilsā kī lāḵā digāzī, kīs tā nūh kauklilāḵ lāh dāḵwā uḵ‐īda ātsī sī.
3Lī Peter kās‐īd gla wī da numūq disciple kās lē lāḵā digāzī.
4Wa lāh dāḵw zilhwīda, gālākum dā tī da numūq disciple lāḵ Peter, gāḵ gilga‐āklil lākā digāzī.
5La qūm‐tīd kās dūqīklī, dūqilā mī sī ḵā yāwābazauḵs tluḵītla ī; kīs tā la‐īklā.
6Wa gāḵī Simon Peter ulḵ‐glīs, ha‐īklilamīs lāḵā digāzī, dūqīlēla ḵā yāwābazauḵs tlu‐ḵītlā ī,
7Gla wī da mulḵsā uḵātlāk dēḵ hyūms as, kīs kupaītl gla wa yāwābazū qītlqēlā kūḵsum lītl ūgwākītl ma.
8Wa la ūgwāk la‐īklī da numūq disciple ka gilga‐aklil gāḵ lāḵā digāzī, la dūḵwā‐klilā, la mīs ūqis ā.
9Kā īḵs kīs dāḵw ma ī kautl‐āklilā ḵā kyāduq yikīḵs qilāh‐īd ūgwītla ī ītīdā.
10Wa lī da disciples nenāqā.
11¶ Lā tī Mary glaus lāḵ klāsānauyā sa digāzī qāyālāgilsā, wa yiḵs qāsa ī la qūm‐tīd, kās dūqīklī ḵā digāzī,
12La dūqilā ḵā mālūq angels amuls quzītlā, numūq lāḵā ūḵtaulītl, numūq tā lāḵā ūhsīzālītl, lāḵ līnīlās dēs Jesus.
13Lāh dāḵw nīk yik, zidāk, māsīs qāsā gītlā? la nīk lah dāḵwuk, kēgl kāḵs lāh dāḵwa ā uḵ‐īd ḵun Gīya, kīs tun kauklilāḵ lāh dāḵwā uḵ‐īda ātsī sī.
14Gil mīs qīgla nāqil la muls‐īda la dūqilāḵ Jesus glā wīsā, kīs tā mātltēlā kīḵs hī mā ī Jesus.
15Lī Jesus nīk yik, zidāk, māsīs qāsā gītlā? ungwīs ālē? wutl mīs nīk yūk hī dī dā ā‐awīnāgwī tsīlā, nīk yuk, Adē kāsū sū um lāḵ uḵ‐īda lāḵ kī, nītlālā gāḵun kla sīs lē ūs uḵ‐īda ā tsī, kun lē uḵ‐īd kī.
16Lī Jesus nīk yuk, Mary: la muls‐īda kās nīk īk Hebrew‐qāla, Rabbonī, ḵā kāgwīda ḵēḵs nīkyā ī.
17Nīk tī Jesus āk, qālas glaubāl gāḵun, kāḵ gin kīs mīg īkīstā lāḵā Umpā: au umā lā lāḵun nātl numwiyūtā, kās nīkyā ūsā kī ḵgin īkīstī gin lāḵun Umpā, ḵīs Umpa ḵa ūs: ḵun God tā, ḵīs God mā ḵa ūs.
18Gāḵī Mary Magdalene nītla ḵā disciples, la mun dūḵwā‐klilā ḵā Gīkumāya, glūḵs lā ī nīk sīk lāk.
19La zāqā ḵī da nālā yiḵ gālābāyā sa num punā gīlā, glūḵs lā ī kimyaāqī da tihyilā yiḵ uḵ‐āsasī da disciples kā īḵs kitlilāk dāḵwa ā sa Jews, gāḵī Jesus gloqilītlāk, la nīk lāh dāḵwuk nākulkulē lūkl.
20Wa gil mīs nīk sīk, la nītlā sīs āyasū gla wīs ūnūzayī lāh dāḵwuk, lāh dāḵwī da disciples ekīkulā, yiḵs lā ī dūḵwā‐klilā ḵā gīkumāyī.
21Lī Jesus ītīd nīk lāh dākwuḵ, nākulkulē lūkl, yiḵ gin yālākumī gā sin Umpā, lin yālākūs hī qīx ī.
22Wa gil mīs nīk sīk, la pūhwīd tsīs hāsāyī lāh dāḵwuk nīkyā uḵ‐īdih dāḵw lā ḵwā Holy Spirit īḵ.
23Yiḵīs dīgi‐klilū tsūk dāḵw kla ūs as yēkīnāyī, la um dīgiklilāq lāh dāḵwuk, yiḵīs ḵakyagīlā sūk dāḵw kla ūs as yēkīnāyī, la um ḵakyagīlaqā.
24¶ Kīs tī Thomas numūqī lāḵā mālūgwagiyū, Didymus ḵulā sa wī qākī lītluk yiḵs gāḵa ī Jesus.
25Lāgītl tsī da wa‐ūq disciples nīk yuk, la munūh dūḵwā‐klilā ḵā Gīkumāyā: au mis nīk lāh dāḵwuk, hī gā ma ās kun klū lā lāḵ dūqilā lāḵuḵ āyasau sī glāpāyā sa glabumī glū pāstūdilā ḵā glāpāyā sa glābum, glū kun klū lā lāḵ sāsākālāḵ sgin āyasūgw lāḵ ūnūzayā sī, kīs tā klun ūqis‐kl.
26¶ Wa la mātlgwanātl pun hwās, la ītīdī da disciples ga‐īklilā lī Thomas gīk īk, gāḵ a ā sī Jesus, kimyaāq mī da tihyilā, gloqi‐lītlāk, nīkyā, nākulkulē lūkl.
27La nīk yuk Thomas, wīgā sāh‐īduḵ kās dūḵwīda ūs āḵ gin āyāsūgw, sāh‐idāgā tsūs āyāsūḵ lāḵ gin ūnūzīg, qālas kīs ūqis uḵ, ūqislā ga.
28Lī Thomas nānāḵmī nīk yuk, ḵun Gī glū Gīkumāyun.
29Lī Jesus nīk yuk, hī um‐ḵs la ā kūs ḵāmā‐pātltū gāḵun, lā gītlūs ūqis‐īda, ā zīs ekyā sa wāk mā kīs ḵāmā‐pātltau la ūqisā.
30¶ Kīnum ī da wa‐ūq māmātltīkī qīgīlats Jesus dūqitl tsa disciples, ḵā kīs kyātīdāyū lāḵ gāda kyāduq‐ig.
31La mīs glāg kyātīdāyū gwā da kās kauklilāk dāḵwa ūsāḵ Jesus āḵs hī mā ī Christ ī, ḵā Ḵwanūqās God; kās uḵnūgwāda ūs as qilā lāḵ glīkum as yiḵs la īḵ ūqis ā.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
John 20: Kwak
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
