Qāyīlelas (Acts) 4
4
1Wa yiḵs k̤īs ma ī qītl‐ālītl lāḵīs wātldum ā ḵā līlqilāklī, gāḵa ā sī da la‐ulbledī, hī mī sī da aāḵsīle ḵā hawāḵ‐ulazī gla wī ḵā Sadducees.
2Zihyilā‐qis k̤ākūklā mazīnāya sī ḵā līlqilaklāyī, glūḵs k̤āla‐gīla masa as qilāh‐īdā īnaya sa tlilī lāḵ Jesus.
3Lah dāḵw dāga‐āklilāh daḵwuk, kās wulgalītlīk kā he klis lā‐kl tlins‐klī, kā īḵs la mā ī kānūkl īda.
4La mīs gla kīnum ī da gāyūtlī lāḵī da wuklile ḵī da wātldum ī la ūqisā; sikiā puna ḵuntā lūḵsumh īdī wāḵūgwāsa sa bagwānum ī.
5We ḵī dā la tlinsa, la ā sī gīgīkumīh daḵwas glū qilsqilyāqas gla wī da k̤īk̤iātīnūḵ;
6Glū Annas yiḵā gīkumāyī lableda gla wī Caiaphas, glū John gla wī Alexander, hī mī sī wāḵa ās mā sī da glīglaglaule sa gīkumayī labled, gāḵ kāpīkū lāḵ Jerusalem
7Wa gilh daḵw mīs qisum gālītlas lāḵīs nuka‐kīlītl, lāh daḵw wuklāk; māsī tloqīmas zīnāyasī, glū masī glīkum īnaya sīs hī gītl daḵwa ūs qīgīlī?
8La ā sī Peter kūtā ḵī da Holy Spirit, nīk lah daḵwuk, yūklāḵs gīgikumāya ākūsa sūḵ da līlqilāklāyīḵ glū wūkl qilsqilyāqis Israel,
9Kunūhwū la um laḵ wuklā sū laḵ ḵwā nālāḵ lāḵī da ekiā unūh qīhīda‐ās ḵā tlītlilk̤inī bagwānum, māsī lāgītlas ek‐īda;
10Wīga hyī k̤ālagīla mazum lūkl nāhwā, gla wūḵ da nāhwāḵ līlqilāklīs Israel, yikīḵs hī ma ī glīkum as Jesus Christ as Nazareth, yiḵīs lah daḵwa ūs k̤īlāgiq lākā kayūyaula yiḵ le qilāgilīsā matsū sints Ike Gīkumī, hī‐mī lāgītl‐ts gada bagwānumk gāḵ glāḵwumā‐lītl lah daḵwūkl ek‐īda.
11Hī um tīsum ī yiḵī da ḵītīdāyau ūsāḵs gūqīla īḵ, yiḵī da hīmā glatl la hyūmā sī da ūnūziḵsdiyī.
12Kīyosa ā ḵa ās qilā gītl ūgwila: kā īḵs kīyosa ī ūgwil glīkum lāḵ bunāziyāḵ sa nālāḵ zawe lāḵ bagwānum, lā ḵunts lāgītl klā qilā‐kl.
13¶ Wa gilh daḵw mīs dūqilāḵ tloqīmas naukīs Peter glū John, gla wīs k̤īzīnih daḵw k̤ākūkla‐āqā, glūḵs kīyos daḵwa ī kauglitlā, lah dāḵw ḵunyasas, lah daḵw kauklila um kīḵs kupetlāh daḵwīk dī glū Jesus.
14Glūḵs dūqilah daḵw ma ā ḵā bagwānum yiḵī da la ek‐īdā matsū‐wa glā‐wītl glūh dāḵwī, kīyos dāḵw qīh‐īdaās wātldum nūqik.
15Gilh daḵw mīs gla weḵāh daḵwuk kā les lāwils ma wīs gla lāḵā council, lah daḵwa ās ā‐ūsīlāhīd hāwāklīlā‐k̤aula,
16Nīkiā, māzints qīh‐īdaās kla ḵwā bībagwānumḵ, kā īḵs aula kiasa ās ḵunyāzīm k̤īs a‐ūmsī qīh‐idaās dūqitl um sā nāhwāḵ bagwanum gūqil lāḵ ḵūḵ Jerusalemḵ, lints kīyos qīh‐īdaās k̤īs aulā ḵāk.
17We kā k̤īsī glā sūḵ hayūtlil gwīl‐nāqil lāḵ nāhwā bagwānum a, wīga hyints tloqimas kainātlāq kā qātlā gī sūḵ wātldum nūq sa glīkumḵ laḵ numūqa bagwānum.
18Wa lāh daḵw klīlālāk, la tloqālāk ka k̤īs dāḵwīs ītīd wātldum nūqs glū k̤ākūklā mats glīkum as Jesus.
19Au mī sī Peter glū John nānāḵmī nīk lah daḵwuḵ, wīnī da ekia laḵ dūqātla īnayā sa Ike Gīkumī kunūh sū wī hūklīlāqs, glū kunūh hī mī hūklīlā qunts Ike Gīkumī, gwānātlā la.
20Kā unūh kīyo‐zīnāyī qīh‐īdaās īs yākuntāla sunūh la‐mūtlā unūh dūqitla hī mī sunūh la‐mūtla unūh wuglitlā.
21Gil gītl daḵw mas ītīd kainātl īdih dāḵwuk, lāh daḵw hītl‐k̤uh īduk kā aulaga mīs lāwilsa, kīyosa ī la khāsū lah daḵwuk kā sīnā tuk, kā ī da līlqilāklayī; kā ī da nāhwā bagwānum zilwākā ḵunts Ike Gīkumī kā ī da lā qīh‐īdaāsa.
22Kā ī da bagwānum yiḵs lā ī kīkāwāyīs la wāḵāḵ‐unḵīlas lāḵ mūskum gūstau k̤wīsa, yiḵī da ekīda mazawā sa k̤īsī a‐ūms qāīnāya.
23¶ Wa lah daḵw lāwilsā mazawa, hīnāqilāh daḵw mīs lāḵīs wa‐ūq, la k̤āyūhwīdis nāhwā wātldum sa gīgikumayī la‐ulbled gla wa qilsqilyāq lāh dāḵwuk.
24Wa yih daḵwuk, yiḵs lah daḵwa ī wūklila ḵīk, hāsūstūd hawāḵ‐ulh‐īdiḵ ḵā Ike Gīkumī numā‐k̤iāl, nīkia, A Gī, yūklāḵs uḵe nūqā ūtlāḵs sa īk̤ī glū gwāda bunīk awīnāgwīs, gla wa dums‐hyī, gla wa nāhwā hī gāḵ lī:
25Yūkl lāḵī da Holy Spirit hīlauḵstāla ḵunūh ūmp wūtlā ī David ḵīs hīlūbātl‐zāna yūtla ūs, nīk wūtl, māzī tlāwīs gītla sa ātlūgwuḵ‐sumāq gla wī da līlqilaklayī wūtl‐um nīnk̤īkulā sa wūtl‐mī?
26Yiḵ gīgikumā yāḵs nāhwā awīnāgwīs numākumlīs, gla wa īaāḵsīla gīgikumī kāpīkū kās yāksamī ḵī da Ike Gīkumāya gla wīs Christ ā:
27Kā īḵs aulā kiasa ās laḵ gada awīnāgwīs ik yāksum ḵīs ekia ūs Ḵwanūqī Jesus, yiḵīs le us gwukuḵ‐klīla baāqā, wīlh‐īdā ma ī Herod āk glū Pontius Pilate, gla wī da ātl‐ūgwuḵ‐sumāq, glū līlqilakla‐yas Israel, gāḵ kāpīkū,
28Kās hī mī qelī qātlilā mūtla qayū sīs āyasū ūs gla wīs naukā yūs kā hayūgwītl qelī.
29Wa wīga Gīkumī, dūqātlāḵ kainātlila īnīh daḵw gās; kās wīga ūs zawḵ gas hīlauḵstī gūs, kā k̤īsī sik halāl tloqīmas yākuntā sīs wātldum ūs.
30Yiḵs la ā kūs sāh‐īd tsīs ayāsū ūs kās hītla ūs; kā īāḵulā sū wīs māmātl‐tīkia‐yā glū ḵunyāzumā qaīnāya uḵe laḵ glīkum ā sīs ekiā ūs Ḵwanūqī Jesus.
31Wa gilh daḵw mīs qātl hawāḵ‐ulā, la as nitlilsī da gūq yiḵ kāpīkautla ās dāḵwas; lah dāḵw nāhwā um kūtih‐īd ḵā Holy Spirit, wa lah daḵw tloqīmas yākuntas wātldum ā sints Ike Gīkumi.
32¶ Wa yiḵī da kīnum ī la ūqis num mīsī naukāyas, kīyos ḵād numūq lak nīk hus‐um ḵīs māmīkias, au‐um nāhwā um uḵnūgwād tsīs nāhwā um uḵā.
33Wa lah daḵw tloqīmas īda apostles k̤ālā‐gīlā mas tsīs dūqila īnāyāk qilāh‐īda īnāyas Gīya ī Jesus, la tla‐unī da egālazī gāḵ lāh dāḵwuk nāhwā ma.
34Kīyos ḵād numūq lah daḵwuk k̤īs uḵnūgwāda, kā ī wāḵa‐ās mā sī da īḵnūgwāde sa awīnāgwīs gla wa gūq, la līlāḵulāk kās gāḵīsī da qīko sī da nahwa la lāḵūyūh dāḵws,
35Gīga‐lītlilas lāḵ gūgwayau sī da apostles, hī mīs la gwīlum lāḵā nātl numūq bagwānum lāḵīs wānātlā sū wī.
36¶ Lī Joseph, yiḵ glīkum gīla sū wa sī da apostles yis Barnabas (yiḵī da yiḵs lā ī āyūzūdāyau Hāyātlil‐kulāyū ḵwanūq kla) Levite ā, gāyūtl lāḵ Cyprus, 37uḵnūgwād tsa num‐zakīs awīnāgwīs, la lāḵūdik, kās gāḵī sī da dālā, gīga‐lītlas laḵ gūgwayau sī da apostles.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Qāyīlelas (Acts) 4: Kwak
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
