Marko Af furnaan
Af furnaan
Wori Haaggan Marko chiire mehe af lakafure ya, “Wori Haaggane, Yeesso Kiriistohi Weeli Waakhenye miinsanyahe.” Yeesso a etoo wihi us haaggicho intaas on ka haaggicho, toro anto leh iche Marko essa. Antohiis intoh lakaarga ya, wihi us enenyet abcho ichoow miigti us ginnayyo enenyet kabahcho ichoow saggi us enenyet uskeel ikakuto. Yeesso chirri us enenyet leeyyeedo, mehe essa ya, usu a Ínam Aadam. Usu a yimiyye, jirotiis diibe ꞌdee enenyet bowꞌdati uskeelicho kasoofura.
Marko yeedi us chiire, wihi us weyti katirriinsate, wihi Yeesso enenyet abche menye, a wihi Yeesso haaggiche. Kolooraat, Marko iꞌdaaru Yoohanahi Enenyet Baattissiyo, ichoow saggi Yeesso liibaattissiye, ichoow saggi liikaje, iche chiire. Dowwa on toro hili Yeesso ꞌdooꞌd samaache, ichoow Yeedi Waakhe usu enenyet abche chiire. ꞌDeerka inkoo geeddoo lafiddiye ka, ꞌdooꞌdi Yeesso raahe, eti us yahe mujjum a abte. Iꞌdaasenyi ꞌdooꞌdi Yeesso ꞌdiiꞌdo, ꞌdiiꞌddoticho weyti buuraatte. Artohi ꞌdaꞌddaboot mehe kachiiran ya, wihi Yeesso kayitah, teebati ꞌdaꞌddaboote usu harrata kijire. Wihi Marko katirriinsate, a saggi Yeesso massalaaba liikakaahe ichoow saggi us omoot ikasookahe.
Wihi buugga goya kijiro
Wori Haaggan ortiissa 1:1-13
Yeesso ili Gaalilaaya ka hili Waakh haaggicha 1:14-9:50
Yeesso Gaalilaaya kakaha, Yeerusaleem irta 10:1-52
Teebati ꞌdaꞌddaboote Yeesso Yeerusaleem kijire 11:1-15:47
Yeesso omoot kasookaha 16:1-8
Kamuri sookahe ꞌdooꞌd isoobaha, toro serey irta 16:9-20.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Marko Af furnaan: rel
Highlight
ಹಂಚಿಕೊಳ್ಳಿ
ಕಾಪಿ
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.