Utandiko 5
5
Amu mupanda wakwe Adamu
(1Mil 1:1-4)
1 #
Uta 1:27, 28 Uu uli utantiko wakwe yao amu mupanda wakwe Adamu. Lino Leza waumvile umuntu wene wamuumvile mu cata cakwe umwisikulu. 2#Mat 19:4; Mk 10:6 Wene wayaumvile umonsi nu mwanaci nga ayapolelela. Lyene ayatemela izina ati, “Antu.”
3Lino Adamu wali ni myaka 130, umuci wamuvyalile umwana umonsi uwatozile icata cakwe isi. Nga Adamu amutemela izina ati Seti. 4Pacisila cakuvyalwa kwakwe Seti, Adamu aikala imyaka nayuze 800. Wakweti ana nayauze aonsi na anaci, 5nga wafwile ala ali ni myaka 930.
6Lino Seti wali ni myaka 105, umuci amuvyalila umwana umonsi, izina lyakwe a Enosi. 7Pacisila cakuvyalwa kwakwe Enosi, Seti aikala imyaka nayuze 807, nga umuci amuvyalila ana nayauze aonsi na anaci. 8Pacisila Seti afwa ala ali ni myaka 912.
9Lino Enosi wali ni myaka 90, umuci amuvyalila umwana umonsi, izina lyakwe a Kenani. 10Pacisila cakuvyalwa kwakwe Kenani, Enosi aikala imyaka nayuze 815, nga umuci amuvyalila ana nayauze aonsi na anaci. 11Pacisila Enosi afwa ala ali ni myaka 905.
12Lino Kenani wali ni myaka 70, umuci amuvyalila umwana umonsi, izina lyakwe a Maalaleli. 13Pacisila cakuvyalwa kwakwe Maalaleli, Kenani aikala imyaka nayuze 840, nga umuci amuvyalila ana nayauze aonsi na anaci. 14Pacisila Kenani afwa ala ali ni myaka 910.
15Lino Maalaleli wali ni myaka 65, umuci amuvyalila umwana umonsi, izina lyakwe a Yaledi. 16Pacisila cakuvyalwa kwakwe Yaledi, Maalaleli aikala imyaka nayuze 830, nga umuci amuvyalila ana nayauze aonsi na anaci. 17Pacisila Maalaleli afwa ala ali ni myaka 895.
18Lino Yaledi wali ni myaka 162, umuci amuvyalila umwana umonsi, izina lyakwe a Enoki. 19Pacisila cakuvyalwa kwakwe Enoki, Yaledi aikala imyaka nayuze 800, nga umuci amuvyalila ana nayauze aonsi na anaci. 20Pacisila Yaledi afwa ala ali ni myaka 962.
21Lino Enoki wali ni myaka 65, umuci amuvyalila umwana umonsi, izina lyakwe a Metusela. 22Pacisila cakuvyalwa kwakwe Metusela, Enoki watenzi mu utandano na Leza pa myaka nayuze 300, nga umuci amuvyalila ana nayauze aonsi na anaci. 23Enoki watenzi imyaka 365. 24#Aye 11:5; Yud 14 Enoki watenzi mu utandano na Leza, nga ata kuloleka pano Leza wamusenzile.
25Lino Metusela wali ni myaka 187, umuci amuvyalila umwana umonsi, izina lyakwe a Lameki. 26Pacisila cakuvyalwa kwakwe Lameki, Metusela aikala imyaka nayuze 782, nga umuci amuvyalila ana nayauze aonsi na anaci. 27Pacisila Metusela afwa ala ali ni myaka 969.
28Lino Lameki wali ni myaka 182, umuci amuvyalila umwana umonsi. 29Alino Lameki amutemela izina ati Nowa, ala akuti, “Ukufuma ku musili uno Yawe watipwizile, umwana wii alaleta upemwilo ukufuma ku milimo itu yonsi ikome.” 30Lameki aikala imyaka nayuze 595, nga umuci amuvyalila ana nayauze aonsi na anaci. 31Pacisila Lameki afwa ala ali ni myaka 777.
32Pacisila lino Nowa wali ni myaka 500, umuci amuvyalila ana aonsi yatatu, Syemu, Hamu na Yafeti.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Utandiko 5: MamL13
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013