मत्ती 6
6
नङ्सू पीनब दान मेस्ये प्रार्थना
लूका ११:२-४
1 #
मत्ती 23:5
“होस्स्यार क्यूत्देबे टूङ्, नमयू मीयूने तनजे लागि धर्मजे काम अन्चील्लाची। येरेक्यूल्लो स्वर्गने ख्यब नमयूजे पदे नमयूने चै इनामये पीन्स्ये त्वो।
2“येरेक्यूत्देबे कन्छ्वाब नमयूदे दान पीन्क्य, हन्छ्वाब रङ्सेदेने ल अन्तप्लाची, कप्टीयूदे केर्बे सभा-कीम्यूने मेस्ये लम्यूने मीदे सार्या चीस्स्य यदेबे चीक्क्य। तम्दम्ने, ङ नमयूने यीय, थमयूदे प्रेपर्देब रङ्सेजे इनाम प्रेक्क ख्यङ्। 3तर न कन्छ्वाब दान पीन्क्य, नैजे स्येत् लादे च चीन्न ख्यङ्, हम्ब योन् लादे था अम्प्रेस्स्य। 4नदे दान पीन्ब नङ्सू पीन्। मेस्ये नङ्सूने तङ ख्वब नैजे पदे नने इनाम पीन्क्य।
5 #
लूका 18:10-14
“न कन्छ्वाब प्रार्थना चीक्क्य हन्छ्वाब कप्टीयूदेप्र अन्चील्लाची, चेनेयलो थमयू सभा-कीम्यूने मेस्ये लम्यूजे कूनने मीयूदे तङ्स्य यदेबे मेर्देबे प्रार्थना चेब सेम् चीक्क्य। तम्दम्ने ङ नमयूने यीय, थमयूदे रङ्सेजे इनाम प्रेक्क ख्यङ्। 6तर न कन्छ्वाब प्रार्थना चीक्क्य, रङ्सेजे नङ् कोठाने क्योब, मेस्ये ख्यो थादेबे नङ्सूने ख्यब नैजे पने प्रार्थना ची, मेस्ये नङ्सूने तङख्वब पदे नने इनाम पीन्क्य। 7मेस्ये प्रार्थना चीप्प यहूदी तेब मीयूप्र सीत्तीने पेरेरे अन्क्यम्लाची। चेनेयलो थमयूदे कूम पोयू क्यम्देबे प्रार्थना चीप्प परमेश्वरदे ङ्यीन्क्य यदेबे थमयूदे मन ख्यङ्। 8येरेक्यूत्देबे थमयूप्र अन्क्यूर्लाची। चेनेयलो ङूने नमयूदे स्ययली खूम्ने नमयूने च-चसे हर्जो ख्य, हम्ब नमयूजे पदे स्ये ख्यङ्।
9“तर नमयूदे अम्ब तर्तीप्दे प्रार्थना ची:
‘ओ, स्वर्गने ख्यब ङीनजे प,
नैजे मीन् पवित्र क्यूस्स्य,
10नैजे राज्य रस्य। नैजे इच्छा स्वर्गने कर ख्य, होरप्रने अम्ब पृथ्वीनेये पूरा क्यूस्स्य।
11ङीने दिनजे पीछीने च पर्देब चसे पीन्नू।
12ङीजे अपराध क्षमा चीम्मी,
केर्बे ङीने अपराध चेब मीयूजे अपराध ङीदेये क्षमा चीम्मीदे।
13ङीने अन्ज्य जाँचने पर्तीप्रसे अम्पीन्लाची, तर दुष्टजे लादे चूक्दीमी। [चेनेयलो राज्य, शक्ति मेस्ये महिमा येतार्ने नैजेने ख्यङ्। आमेन।’]#६:१३ मीयूङ्जे कोइ कोइ ग्रीक पाण्डूलिपीयूने अम्ब पद अन्लीख्दीये ख्यङ्।
14 #
मर्कूस 11:25,26 मीयूजे अपराध नमयूदे क्षमा चीम्मीदेयलो स्वर्गने ख्यब नमयूजे पदेये नमयूने क्षमा चीम्मीय। 15तर मीयूजे अपराध नमयूदे क्षमा अन्चीत्देयलो नमयूजे पदे नमयूजे अपराध क्षमा चीस्स्ये त्वो।
बर्त टूङब
16“कन्छ्वाब नमयू बर्त टूङ्क्य, हन्छ्वाब कप्टीयूप्र त्वा मून्दूङ् अन्चील्लाची।” मीयूने बर्त टूङब तनने थमयू रङ्से त्वा मून्दूङ् चीक्क्य। तम्दम्ने, ङ नमयूने यीय, होरयूदे रङ्से इनाम प्रेक्क ख्यङ्। 17तर नब बर्त टूङ्ब रङ्से टने मूर्गू छेल्, मेस्ये रङ्से पै ठू। 18नैजे बर्त मीयूदे दी, तर नङ्सूने ख्यब नैजे पदे तङ्स्य, होर्दे नङ्सूने ख्यब नैजे पदे नने इनाम पीन्क्य।
स्वर्गजे सम्पत्ति
लूका १२:३३-३४; १६:१३
19 #
याकूब 5:2,3 “पृथ्वीने रङ्सेजे लागि धन सम्पत्ति अन्स्वालाची, अन्यने बू लादीय, चोत्दे चीय मेस्ये खूमान्दे कीम् पर्देबे खूकीय। 20तर स्वर्गने रङ्से लागि धन सम्पत्ति स्वा, हैयाने बूदे या च्वोत्दे नाश अन्ची, मेस्ये खूमान्देये ख्व अन्खू। 21चेनेयलो नैजे सम्पत्ति कैयाने क्यूक्क्य, नैजे सेम्ये हैयानेने क्यूक्क्य।
22“ङ्वजे बत्ती म्या ख्यङ्। कादेये नैजे म्या ज्य ख्यङ्लो, नैजे ङ्व टक्कने ओथ्याङ् क्यूक्क्य। 23तर कादेये नैजे म्या ज्य त्वोलो, नैजे ङ्व टक्कने मून्दूङ् क्यूक्क्य। कादेये नैजे नङ्ने ख्यब ओथ्याङ् ब मून्दूङ् क्यूप्पदेयलो, हम्ब थेप् मून्दूङ् क्यूक्क्य!
24“सूदेये मालिक ङ्हीजे सेवा चे अन्खू। चेनेयलो ङूदे त्याने ह्यल चीक्क्य मेस्ये सूजोबने प्रेम चीक्क्य, या ङूदे त्याबने मन्दीय होर्दे सूजोबने अम्मन्दी। नमयूदे परमेश्वर मेस्ये धनजे सेवा चे अन्खू।
चिन्ता मेस्ये फिक्री
लूका १२:२२-३१
25“येरेक्यूत्देबे ङ नमयूने यीय, रङ्से प्राणजे लागि ‘चैसे च, च थूङ’ होर्दे रङ्से ङ्वजे लागि ‘च ह्वे’ यदेबे फिक्री अन्चील्लाची।’ चब सेयली प्राण होर्दे ह्वेब कोलायली ङ्व थेप् केन् तेया? 26मूजे ययूने ले। थमयूदे लूये अन्थर्, बलीये अन्तोल्, भाक्रीनेये अन्स्वा, तर नमयूजे स्वर्गजे पदे थमयूने चसे पीन्क्य। ययू यली नमयू थेप् लू पर्देब ख्यङ् यदेबे था त्वा? 27नमयू नङ्ने सूदे फिक्री चीत्देबे रङ्से आयु छीत्या थेप् रेङ बन्दे खूइय?
28“होर्दे ह्वेब कोलाजे लागि नमयू चेने फिक्री चे? नाने फेब लिली मीन्दायू ले, हम्ब केर्बे ठोङ्क्य। हम्बदे छेम्प्रेये अन्ची, पीये अङ्खल्। 29#१ राजा 10:4-7; 2 इतिहास 9:3-6तर ङ नमयूने यीय, सोलोमन मूरुम्जे रङ्से सम्पत्ति कोलाने ख्यङ्लीने ङू हम्ब मीन्दायू त्या-तादीये ज्य त्व ख्य। 30दीनी तङ्नब मेस्ये नैदेने मी भोप्प्रोने छाबेब रेम्ने परमेश्वरदे येर्बे ज्य क्यूस्से पीन्क्ययलो, ओ चूक्बत्या विश्वास ख्यबयू, परमेश्वरदे नमयूने थेप् ज्य क्यूस्से अम्पीनया? 31येरेक्यूत्देबे ‘च चइ? या ‘च थूङइ?’ या ‘च ह्वेइ?’ यदेबे फिक्री अन्चील्लाची। 32यहूदी तेब मीयूदे अम्ब सेयूजे फिक्री चीक्क्य, मेस्ये स्वर्गने ख्यब नमयूजे पदे नमयूने अम्ब साप्ता सेजे हर्जो ख्यङ् यदेबे स्ये ख्यङ्। 33तर नदे खूम् परमेश्वरजे राज्य मेस्ये ङूजे धार्मिकता मल्, होर्दे अम्ब साप्ता कूरूने परमेश्वरदे नमयूजे लागि थप्दीमीय। 34होरेक्यूत्देबे नैदेजे लागि फिक्री अन्चील्लाची, चेनेयलो नैदेरेजे फिक्री नैदेजे दिनदेने चीक्क्य। दीनीजे दु:ख दीनीजे लागि पूग्दीक ख्यङ्।”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
मत्ती 6: सर् कबुल
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
