लूका 7:21-22

अबलय् हे वय्‌कलं तःतामछि ल्‍वय् दुपिं यक्‍व मनूतय्‌त लाय्‌कादिल। अले भूतआत्‍मा दुबिना च्‍वंपिन्‍त नं लाय्‌कादिल। अले हानं यक्‍व कांपिं मनूतय्‌त मिखां खंका बियादिल। वय्‌कलं इमित लिसः बियादिल – “छिमिसं छु छु खना व न्‍यना, यूहन्‍नायात वनाः व हे धयाब्‍यु। कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत म्‍वानावल, अले मगाःमचाःपिन्‍सं भिंगु खँ न्‍यने खन।