Genesis 7:6-12

Himmegep hi Noah, ya ahwatu, yadda u-ungnga tu niyadda ahwada etan di bapor ma-lat eleg ida malsing. Yadda nambulubulug ni animal ni kameibbillang ni malinih niyadda beken ni malinih, anin idan kamangkinaddap niyadda kamanbinulluh, yadda nambulubulug ni sisit, ey immalidda dama et mekihgep idan emin di bapor. Et malebah hu pitun aggew, e yan nunman hu meikkahampulut pitun aggew ni meikkadwan bulan ni nunman ni toon, ey inlaputu tu-wangun um-udan. Intaggan tu udan ni na-pat ni aggew niya na-pat ni hileng ey keut-utbul hu danum. Ey anin ni kabunyan et heni nantekang et kamangkaikuyag ali udan et malbengan hu puyek. Yan nunman ey enem ni gatut hu toon nan Noah.