لُكِ 21

كَاحّ فِنّ شَ هَدِيَ

مَرَكِ ١٢‏؛٤١ ٬ ٤٤

1عِسَ تٌ عَ يَ رَ سِفَ، عَ نَشَ بَننَمِشِيٍ تٌ، عٍ عٍ شَ هَدِيَ سَمَ هَدِيَ عَ سَسٍ كُي. 2عَ نَشَ كَاحّ فِنّ مِسِكِينّ ندٍ قَن تٌ، نَشَن عَ فبٍ هَدِيَ سَ، وُرٍ فبٍيلِ كْبِرِ كٌلٍ قِرِن فبَنسَن. 3عَ نَشَ عَ مَسٍن، «ﭑ شَ نْندِ قَلَ وٌ بّ، يِ كَاحّ فِنّ مِسِكِينّ شَ هَدِيَ فبٌ دَنفِ نَ بٌورٍ بِرِن فبٍ رَ، 4بَرِ مَ عٍ تَن شَ هَدِيَ كٍلِمَ عٍ شَ نَاقُلِ نَن كُي، كْنْ يِ كَاحّ فِنّ شَ هَدِيَ كٍلِمَ عَ شَ بَلٌي نَن كُي.»

هْرْ مْبَنشِ شَ كَنّ

مَتِيُ ٢٤‏؛١ ٬ ٢، مَرَكِ ١٣‏؛١ ٬ ٢

5مِشِ ندٍيٍ نُ وْيّنقٍ هْرْ مْبَنشِ شَ قٍ رَ، عَ تٌ نُ رَتٌقَنشِ فّمّ سَرٍ شْرْشْييٍ رَ، عَ نُن سٍ فبّتّيٍ، مِشِ نَشٍيٍ بَشِ سّرّشّ رَ. نَ كُي، عِسَ نَشَ عَ مَسٍن، 6«وٌ يِ سٍ نَشٍيٍ بِرِن تٌشِ يِ كِ، لْشْي قَمَ عَ لِدٍ، فّمّ كٍرٍن مُ لُمَ عَ بٌورٍ قَرِ بٍ، عَ بِرِن نَبِرَ مَ نّ.»

مَرَتَنتَنيِ، تْورّ، نُن حَشَنكَتّ

مَتِيُ ٢٤‏؛٣ ٬ ١٤، مَرَكِ ١٣‏؛٣ ٬ ٢٤

7عٍ نَشَ عَ مَشْرِن، «كَرَ مْشْ، نَ قٍ سَ رَبَمَ مُن تّمُي؟ عَ مَن سَ كٌلٌنمَ تْنشُمَ مُندُن مَ عَ عَ قَقٍ رَبَدٍ؟» 8عِسَ نَشَ يِ يَابِ تِ، «وٌ وٌ يّتّ رَتَنفَ عَلَكٌ مِشِ يٌ نَشَ قَ وٌ رَتَنتَن. مِشِ وُيَشِ قَمَ ﭑ شِلِ قَلَدٍ عٍ يّتّ شُن مَ، عَ قَلَقٍ رَ، ‹ﭑ تَن نَن نَ عَلَ شَ مِشِ سُفَندِشِ رَ. وَشَتِ بَرَ مَكْرّ.› وٌ نَشَ بِرَ عٍ قْشْ رَ. 9وٌ نَ فٍرٍيٍ نُن حَشَسِيٍ شَ قٍ مّ، وٌ نَشَ فَاشُ، بَرِ مَ قٌ نَ قٍ مْولِيٍ شَ رَبَ سِندٍن. كْنْ نَ وَشَتِ مَ، دُنِحَ رَحْنيِ مُ عَ لِمَ كٍرٍن نَ.»

10نَ شَنبِ، عَ نَشَ عَ مَسٍن عٍ بّ، «سِيٍ كٍلِمَ نّ عٍ بٌورٍ شِلِ مَ، حَمَنّيٍ عٍ بٌورٍ فٍرٍ. 11بْشِ قَمَ نّ سّرّندٍ عَ شُنفبٍ رَ، كَامّ نُن قُرٍ سِن يِرٍ وُيَشِ. قٍ مَفَاشُشِيٍ نُن تْنشُمَ مَكَابَشِيٍ قَمَ مِنِدٍ كُيٍ مَ.»

12«كْنْ بٍيمَنُن نَ بِرِن شَ رَبَ، عٍ قَمَ نّ وٌ سُشُدٍ، عٍ وٌ حَشَنكَتَ. عٍ وٌ سَمَ نّ سَلِدٍ كُنتِفِيٍ بّلّشّ، عٍ مَن وٌ سَمَ نّ فٍيلِ. عٍ وٌ شَنِنمَ نّ مَنفّ نُن فٌمِنَيٍ يِرٍ ﭑ شِلِ شَ قٍ رَ. 13كْنْ نَ بِرِن كُي، وٌ قِندِ مَ ﭑ مَ سٍيدٍيٍ نَن نَ. 14وٌ نَشَ كْنتْقِلِ وٌ يّتّ شُنمَقَلَقٍ رَ، 15بَرِ مَ ﭑ مَسٍنيِ نُن شَشِلِمَيَ قِمَ وٌ مَ، عَلَكٌ وٌ يَشُييٍ نَشَ نْ وٌ رَ، عٍ نَشَ نْ وٌ مَتَندِدٍ. 16وٌ بَرِ مَيٍ، وٌ نفَشَكٍرٍنمَيٍ، وٌ بَرِبٌورٍيٍ، نُن وٌ دّقَنبٌورٍيٍ، عٍ قَمَ نّ وٌ يَنقَدٍ، عٍ وٌ سَ مِشِيٍ بّلّشّ. نٍيٍ تَن مِشِ ندٍيٍ قَشَمَ نّ وٌ يَ مَ. 17بِرِن قَمَ نّ وٌ شْندٍ ﭑ تَن مَ قٍ رَ، 18كْنْ وٌ رَتَنفَمَ نّ. هَلِ وٌ شُنسّشّ كٍرٍن، عَ مُ لْيمَ. 19وٌ شَ تُننَبّشِيَ كُي، وٌ كِسِمَ نّ.»

20«وٌ نَ دَرِ سَلَمُ تٌ، سْورِ فَلِ بَرَ عَ رَبِلِن، وٌ شَ عَ كٌلٌن نّ عَ عَ شَ كَسَرّ بَرَ مَكْرّ. 21نَ تّمُي، مِشِ نَشٍيٍ نَ يُدَيَ، عٍ شَ عٍ فِ فٍيَيٍ قَرِ. نَشٍيٍ نَ دَرِ سَلَمُ تَا كُي، عٍ شَ كٍلِ نَا. نَشٍيٍ قَن نَ دَاشَيٍ، عٍ نَشَ سٌ تَا كُي، 22بَرِ مَ نَ لْشْييٍ قِندِ مَ فبٍحْشْ وَشَتِ نَن نَ، عَلَكٌ نَشَن سّبّشِ كِتَابُي كُي عَ بِرِن شَ كَمَلِ. 23نَ وَشَتِ قِندِ مَ فبَلٌي نَن نَ قُرُفِنّيٍ نُن دِنفّيٍ بّ! بَرِ مَ تْورّ فبٌمَ نّ بْشِ مَ، عَلَ شَ شْنّ مَكّنّنمَ يِ حَمَ شِلِ مَ. 24ندٍيٍ قَشَمَ نّ سَنتِدّفّمَ رَ، ندٍيٍ شَنِنمَ نّ، عٍ سَ قِندِ كٌنيِيٍ رَ حَمَنّ بِرِن كُي. سِ فبّتّيٍ قَمَ نّ دَرِ سَلَمُ مَبٌرٌندٍ، هَن عٍ شَ وَشَتِ كَمَلِمَ تّمُي نَشّ.»

عِسَ شَ فبِلٍنيِ نُن شْرّ بِلِ شَ تَالِ

مَتِيُ ٢٤‏؛٢٩ ٬ ٣٥، مَرَكِ ١٣‏؛٢٤ ٬ ٣١

25«نَ تّمُي، تْنشُمَيٍ مِنِمَ نّ سٌفٍ، كِكٍ، نُن تُنبُييٍ مَ. سِ بِرِن فَاشُمَ نّ، عٍ كْنتْقِلِ بَا وُندُ شُي نُن عَ مْرْنيِيٍ شَ قٍ رَ. 26مِشِيٍ نَ عَ كٌلٌن قٍ نَشَن قَمَ رَبَدٍ بْشِ مَ، عٍ بِرَ مَ نّ فَاشُي سَابُي رَ، بَرِ مَ كٌورٍ قَمَ نّ عِمَشَدٍ. 27نَ تّمُي، عَدَ مَ شَ دِ تٌمَ نّ قَ رَ نُشُي كُي، سّنبّ نُن نْرّ رَ. 28نَ قٍيٍ نَ رَبَ قْلْ، وٌ تِ، وٌ وٌ شُن نَكٍلِ، بَرِ مَ وٌ شَ كِسِ بَرَ مَكْرّ.»

29عِسَ نَشَ تَالِ وْيّنيِ مَسٍن عٍ بّ، «وٌ شْرّ بِلِ مَتٌ، عَ تَن نُن وُرِ بِلِ بِرِن. 30وٌ نَ عَ تٌ، عٍ بَرَ عٍ بُرّشّ نّينّ رَ مِنِ، وٌ عَ كٌلٌنمَ حّمّ تّمُي حَن بَرَ مَكْرّ. 31عَدَ مَ شَ دِ قَقٍ قَن نَ نَ كِ نّ. وٌ نَ يِ قٍ بِرِن تٌ رَبَ رَ، وٌ شَ عَ كٌلٌن عَ عَلَ شَ مَنفّيَ نِينِ بَرَ مَكْرّ. 32ﭑ شَ نْندِ قَلَ وٌ بّ، تٌ مِشِيٍ مُ دَنفِمَ قٌ نَ قٍ بِرِن نَبَ. 33كٌورٍ نُن بْشِ دَنفِمَ نّ، كْنْ ﭑ مَ مَسٍنيِ تَن مُ دَنفِمَ عَبَدَن، عَ مُ كَنَمَ مُكُ.»

«وٌ نَشَ يَنقَ!»

34«كْنْ وٌ مّينِ وٌ يّتّ مَ! وٌ نَشَ يَنقَ شُرُتَرٍحَ نُن سِيسِقٍ مَ، وٌ مَن نَشَ يَنقَ يِ دُنِحّءِفِرِ شَ كْنتْقِلِ مَ، عَلَكٌ نَ لْشْي نَشَ قَ وٌ تّرّننَ، 35عَلْ فَنتَنيِ شْنِ سُشُمَ كِ نَشّ. بَرِ مَ نَ لْشْي تَن قَمَ دُنِحَ مِشِ بِرِن لِدٍ. 36وٌ نَشَ يَنقَ! وٌ شَ عَلَ مَشَندِ نّ تّمُي بِرِن عَلَكٌ وٌ شَ سّنبّ سْتْ، وٌ شَ نْ رَتَنفَدٍ قٍ بِرِن مَ نَشٍيٍ قَمَ عَ لِدٍ، وٌ مَن شَ نْ تِدٍ عَدَ مَ شَ دِ يَ عِ.»

37عِسَ نُ مِشِيٍ كَوَندِ مَ هْرْ مْبَنشِ كُي يَنيِ رَ، عَ نُ سَ كْي رَدَنفِ عٌلِوِ فٍيَ قَرِ. 38حَمَ بِرِن نُ كُرُنمَ سِفَقٍ رَ عَ شْن مَ، عٍ شَ سَ عَ شُي رَ مّ هْرْ مْبَنشِ كُي.

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

لُكِ 21: Soso

Highlight

ಶೇರ್

ಕಾಪಿ