PONGWANG LAIPEX 2
2
1Ile haxtsa-zangfang zingkya mwot tsuakle hüi. 2#Lai 20.11.#Ibr 4.4,10. Nyix anüt lükya to chix mwot tsuaklaxle Zang ang chakngai. 3Nyix anüt lükya hanpak to chixe mohiman ilaxle ataxkya nyix tuita ang atsaole dan, chemthüikoxle ija nyixkha chixe chix mwot-lün#2.3: ija nyix chixe chix chakzing mwot tsuak; chichangba ija nyix chixe ding-hi-hax zingkya tsuak. ilaxle nazak. 4Haxtsa-zangfang a ibibile iningle zingle alai.
Eden Tsawat
Chemtue Jowanpae#2.4: Jowanpa: Ibri laitong ojongma Jahweh tüiüihex, hwom wanlom ma ija kaxhuak a Jehowah le taile, ija a, kaxmuak pangnu achongkya füikya Jowanpa lüima changle, ija a English ma taikya olom ma. ding-hi-hax zingle changpuix, 5chaxwan tokma pün-zua chemchu chitüikya tamchu fum-sui chemchu chitüile ngokya, chemthüikoxle ipong kople chixe zangwat ma-ajo ilaxle haxtok apu-achang angkya mix owachu matüi. 6Ikoxlechu haxmong tokya ti fuakle lailaxle chaxwannu thün azom.
7 #
1 Ko 15.45. Ifüima Jowanpae hax#2.7: hax…khünak: Ibri kax ma “khünak” hia “hax” münnyak talailaile tüile. ilaxle ija makhange khünak#2.7: hax…khünak: Ibri kax ma “khünak” hia “hax” münnyak talailaile tüile. tuita zingle alai; chixe ija to nakua ma khüzün zakdün mütle kox sheme ija khünak ozün ang achang.
8Ifüima Jowanpae Eden handün chikao ma tsawat tuita zing; ilaxle chixe zingkya khünak ikhama dan. 9#Mik 2.7; 22.2,14.Osün müikya tamchu oziak sax ang tüle müikya pünziak füikya pün oli pangwüi chixe ikhama nyem ang tom. Tsawat osungkha ma khüzün koxkya pün hia omüi-oma#2.9: omüi hia oma awan angkya; chichangba pangnuli awankya. pangwüi awan angkya jepün nyemle tüikya.
10Eden mong ma jenle jukya shuasa tuitae tsawat khama ti kox. Eden akai füima ija shuasa shuajen ali ang achangle ahan. 11Pongwang angkya shuajen a Pishon; ija a hun tüikya Hawilah akhople jen; ( 12ija haxtok angkya hun a müikya; Adelam hia Onik longbu ikhato tüile.) 13Anyi-lükya shuajen a Gihon; ija a Kush#2.13: Kush (Mesopotamia angkya); chichangba Etheopia. haxtok akhople jenkya shuajen changle. 14Azom-lükya shuajen a Tigris changle; ija a Asiria haxtok zongma handün chikao ma jenle. Ilaxle ali lükya shuajen a Eufrat changle.
15 Jowanpa Zang-e Eden tsawat mo-zangle hume thom angkya hanpakma khünak ikhama dan. 16Ifüima chixe khünak ang kaxtom koxle akax: “Nange tsawat mong angkya pünziak mongtex ma sax ang tsuak; 17ikoxle omüi hia oma tsing angkya jepün angkya pünziak chisaxüi; chemthüikoxle ija angkya pünziak saxkya nyix wüi nang thüile ziüi.”
18Ifüima Jowanpae akax: “Khünak chix tata ile ngokya münmüi; kue chix juafong angkya hozui tuita zingle koxüi.” 19Ile hax makhange Zang-e faomüi tamchu zangwin angkya osa oli pangwüi zingle alai, ilaxle ibu ang mün chempangle koxüihex ang ibu pangwüi khünak hato apüi ilaxle Adam-e chemle nyakpuix ija a ibu münnyak ang achangle pao. 20Faomüi-janyax hia o-jux pangwüi ang khünake omünbu kox; ikoxle khünak ang chix juafong ang asukya üitho chitüi.
21Idaile Jowanpae khünak hato mikngüt ahüi, ikoxle chix jip; ifüima chix samlapza tuita alaile lax ilaxle ija manma hax füi tix. 22Khünak angkya alaile laxkya samlapza makhange chixe sheko tuita zingle alai ilaxle she a khünak hato apüi. 23Ijama khünake thüi:
“Athaxpi ija a ku lailaikya:
Ku angkya za tamchu ku angkya hak changpu;
ija ang ‘sheko’ le nyaküi,
chemthüikoxle ija a khünak#2.23: ija ang sheko…changle: Ibri kax ma “sheko” hia “khünak” nyi a münnyak talailaile dongle. angkya laxkya changle.”
24 #
Mat 19.5; Mrk 10.7,8; 1 Ko 6.16; Efi 5.31. Idaile khünake manu-mapa danle toxüi ilaxle hokhi a müitom tuita ang achangüi.
25Ile khünak hia chix kako nyi ohua ma tüikya üntoxle hokhi chiazak.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
PONGWANG LAIPEX 2: WANCBSI
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.