Jaikopɨ dara wanganake' “Yɨzolyɨ gamɨre a'mwerajɨ sara jɨnɨgava!” Daka gannyangɨ wavɨla'na ya'. Wavɨla'na kya' Lɨyaasɨ Rasalasɨ kaimɨraayajɨ a'mwe wɨdaayadisawaalyɨ sa mɨdɨnna ye'. Mɨdɨnna kye' Jaikopɨ gathaakaangeryawɨnna bɨna. Bɨna kya' Yɨzoi tewaanya mwaalaka “Jaikopɨjɨ ata bwa'naka!” daka kaanyɨve'na bɨna kya' kɨnna maredɨnagi. Mi'na kamaredɨnagi Jaikopɨmɨva bɨna yeva Yɨzorɨna “Ata bwa'naana!” dɨna yeva ata bwa'nyɨna ye'. Tɨvi'na bwa'nyɨna kye' Yɨzoi wɨda' “Jɨlɨkyaawarya nɨmɨnyɨne makabɨwaanya waramaryana!” Sara kuda' Jaikopɨ “Nɨmɨ kuneinyɨ daaka!” kuda' Yɨzoi maara'. Yɨzoi mi'na maaraka wɨda' “Nemɨjɨ sarɨmɨjɨ sanna kaanyaana!” Sara kuda' Jaikopɨ wɨda' “Nɨmɨre jɨlɨkyaawaryajɨ nɨmɨre kaimɨraayajɨ kave kave wɨna yɨna yaadennera.” Tɨvi'na kuda' Yɨzolyɨ gannya wɨdaayadɨvɨsarajɨ sara Jaikopɨ yagalya'ma'na yeva Kwaaka Sɨyaana wawe'. Kaanna kwawe' angeba Sekɨmɨ Kwaaka Kainanɨ mannɨkebanna yɨ'mavaawɨna yaka kwaaka mubaka saba mwaala'. Mi'na mwaalaka Yɨzɨrelɨ Gotɨyarɨne simɨnye' lɨvalaaba'.